تراحيبٍ شلال يشلَّها قلبٍ وفي و ذود

السلام عليكم ورحمه الله وبركاته
أقدم لكم هذه القصيده على أمل أن تنال إعجابكم


[poet font="Simplified Arabic,4,white,normal,normal" bkcolor="transparent" bkimage="backgrounds/21.gif" border="double,4,teal" type=0 line=200% align=center use=ex length=0 char="" num="0,black" filter=""]
ألا يا مرحبا باللي لفانا مَعْ هْفـَافْ النــــــود
= علينا مثل برّاق الحيا لا هل وبَّـــــــاله

تراحبٍ شــــلال يشلَّــــها قـلبٍ وفي و ذود
= تدرهم بالغلا لأهل الغلا و النفس حمَّالـــه

على بنت الرجال اللي بمشيتها تغيض النود
= تثنَّى كل ما هب النسيم و ذعذع شماله

وألا يامرحبا ترحيبه الشـــايب بعد منقـــود
= تراحيبه بمقبال الوغى من خِيره عياله

يرحب ثم يرحـــب ثم يرحـب من غــلاه وزود
= ويفز بأربعة و إلا أربعه ماهي بمحتاله

وأنا فزيت لك ياخشف ريمٍ في الخلا مطرود
= بعد ما شفت نظراته و مِجفاله وميــالة

تجيني المترف اللي قادحٍ من عينها البارود
= وترميني و تسبيني وكلٍ ناكس عقاله

ولا أدري وش سبايب صدَّها والهجر والمنقود
= ولا أدري وش سبـايب نـوَّها ماهل همِّاله

سقى الله يا سقى الله يوم جات تلفني بعهود
= مواثيق السماء و تقول كلٍ ماسكٍ جــاله

وتذرف دمعةٍ زرقـاء على خدٍ علــــــيه ورود
= وتصيح إلاّ العهد يأهل العهد لا ينتقض حاله

أموت بعينها النعسا وأموت بحيلها المهدود
= وأموت بضحكةٍ يضرب لها الدقَّاق بجلالــه

يموت العاذل اللي بيننا يبني جفا وسدود
=مادام الغيهباني باينٍ!!!... ماهمَّنا حـــــاله

وألا يا مرحبا ترحيبه الشايب بعد منقود
= تراحيبه بمقبال الوغى من خيره عياله

أرحب ثم أرحب ثم أرحب من غلاك وزود
= وأفز بأربعي وإلي أربعي ماهي بمحتاله
[/poet]
[/poet]