الشعر يعرض للرجال المناعير....والا لا؟؟

اخواني اخواتي اسعد الله مسائكم بكل خير
واليكم هذه المختارة الجزله لشاعر مخضرم ومن بيت شعر
الا وهو الشاعر ( ناصر بن محمد السياري )
واترككم تحلقون في جو القصيدة.....
ــــــــــــــــــــــــ هذا الكرم ــــــــــــــــــ

من شم ريح العشب زين النواوير
.......................يطري عليه اللي مضى من شبابه
وشوف الخيول المسرجه والمظاهير
.......................يجض قلبه ويتزايد عذابه
قبايلٍ تشبه لابانات والنير
......................بين الكرم هو والظفر والحبابه
ياصبرهم وقت السنين المعاسير
.......................من سمع له سرٍ سكت ما حكى به
اقولها تعبير ياهل التفاكير
.......................عن شن مضى شفناه لا واسفابه
يازين شب النار قدم المسايير
........................في وسط قفرٍ عللته السحابه
والشعر يعرض للرجال المناعير
.......................من قال:له قولٍ:على النار جابه
في بيت قرمٍ مايهاب المخاسير
.......................لا علّق الهرفي وشمر ثيابه
بيت الشعر ملفى الوجيه المسافير
.......................بيتٍ تثبت في حباله قطابه
ذولا مسانيدٍ وذولا محادير
.......................ومن قال:ابا امشي زوّدوله زهابه
هذا الكرم ماهونفاقٍ وتبذير
.......................والفرق واضح ما يصير متشابه

ـــــــــــــــــــــ ناصر السياري ــــــــــــــــ
وعذراً على الإطاله وتقبلو صادق الود

صح لسانك ولسان الشاعر وهذا القصيد اللي يستاهل من ينفق الساعات في تامله وتكفى ان كان عندك قصايد للشاعر لاتبخل على اخوانك

صح بدنك اخوي وحيد.

ابشر بالسعد يا وحيد بس انت وينك
ترى الربع فاقدينك في المنتدى اللي انت خابر
وشكراً على المتابعه

هلابالغالي الا مايجيب الا غالي

لاهنت لاهنت

[أصيل الشوق]

السلام عليكم ورحمة الله وبركاته


لاهنت على هذه القصيدة الجزلة بيض الله وجهك وعطنا الجديد ..

لا ندمت ياسهم المنايا

حياك الله وشكراً على المتابعة

من قال مايهون

اخي اصيل الشوق/
حياك الله وشكرا على هذه العبارات