هذا الصباح .. لا تنسوا إقتناء صحيفة الجزيرة .. وقراءة خبر مهــــــــــــــــــــم بها

نجدية سدير


كلنا نفخر بأنتمائنا لبلدنا فجميل منك هذا الانتماء لديرتك واهلك وعشيرتك

واسمحى لى ان استعير منك هذا الشطر : رغم البعاد سدير زادى وشربي




.........



رغم البعاد سدير زادى وشربي
الله محلا نظم الاشعار في سدير

...

اى والله اعشقها وربي وربي
في حبها عزه وشانٍ وتقدير

...

ارضٍ بديت ابها مشــاوير دربي
يالله عسى تسقي ثرا سدير بالخير

...

بعيد لكن روضــة سدير قربي
روضة صبيات الشرف والمناعير

....


عذرا لسطو على شطر البيت ولكنى اعلم انكى لن تغضبي مادام فى غلا سدير
...

وهذى دعوه لكى وللاخوان لتكملت هذه الابيات لتصبح قصيده حب فى روضة سدير

.......




سهيل


،،،،،،،،

إستعر ما شئت طالما الدافع هي سدير

&& سهيل &&

لك ما شئت من القصيدة بأكمالها التي اهديها لك

رغم قدمها .. وقد تكون هناك مأخذ من القارئ

عليها .. ولكنك تستحق وضعها هنا هدية مني لك

وقد قطعت على نفسي عهداً أن اضيف هنا كل ما

يقع في متناول يدي عن معشوقتي سدير ،،

.......... القصيدة ...........

يفزّ قلبي كلما قالوا سدير

؛؛؛؛؛؛؛؛؛ الله ياكبر الغـــلا في فــــؤادي

من خلقة الدنيا وأنا أفزّ واطير

؛؛؛؛؛؛؛؛؛ سدير عشقي غايتي هي مرادي

الخير فيها ديرتي منبع الخير

؛؛؛؛؛؛؛؛ رغم البعاد سدير شربي وزادي

يالله يالمنان لو فترة عصير

؛؛؛؛؛؛؛ ارقد وادوج فارضها والوهــادي

وامتع الانظار عشقي ابد غير

؛؛؛؛؛؛؛ احبها وإن قالت الناس : عادي

لا جنيف لا لندن ولاديرة (....)

؛؛؛؛؛؛؛؛؛؛ حتى ولا لبنان مثلك بــــلادي

تزهر في قلبي ذكريات وتباشير

؛؛؛؛؛؛؛ كل ما طرت لي ديرتي في بعادي

وافزّ من نومي واناديك يا سدير

؛؛؛؛؛؛؛؛؛ لله درّ اللي يحبــــــك يفـــادي

لله درك كل ما قلت بالخير

؛؛؛؛؛؛؛؛ رايق معاي الجو رايق وهادي

بالخير انا ابعثها لكم في فم الطير

؛؛؛؛؛؛؛؛؛ ينطق بها وجدان ما به سوادي

ينطق بها وجدان [ نجدية سدير ]


؛؛؛؛؛؛؛؛؛؛ ينطق بها وجدان ما هوب عادي


...... وش أسوي مهوووووسه بسدير جنابي ......

اخيتي نجدية سدير

صبحتي بالخير وكل عام وانتي وسدير وهل سدير بألف خير

طيب الحين مادام يغطون على ماالاحظ روضة سدير بالجزيره بصفه مستمره توسطي لنا وانا وخيّك يغطون بيشه ولو بملحف لبا والله

قلوبنا اللي كنّا جايين من كوكب عطارد الحين

مافيه احد يعرف سدير ولا يحبها ويعرف اهلها ولا يحبهم

واباكتب ابيات وانشدي ولد عبس عنها هو ابخص

بقصتها

مير انا شفتها تصلح لموضوع سدير ولزقتها فيها

والسموحه


ـــــــــــــــــــــــــــــــــــــــــــــ


نوّ نخــــــايل له مــرازم تحـــــوّش
ـــــــــــــــــــــــــــــــــــ بــــرقه ضحـــوك .. وراعده بالبكا جــاش

من فرحــته ... جاء باابيض الدمــع يرمــش
ـــــــــــــــــــــــــــــــــــ يبكي غــــرامٍ بين همــــــلول ورشــــــاش

ياعلّ يســـتاق المراهيـــش ويرش
ـــــــــــــــــــــــــــــــــــ ( حوطة سدير ) اللي بها الفكر منـــداش

من اول (جلاجــــل ) يرتعد ثم يرتش
ـــــــــــــــــــــــــــــــــــ لأقصى ( تمــير ) يحـــوّل السيل نكــاش

يقعد ثــلاث شهـــور مبتل ماقش
ـــــــــــــــــــــــــــــــــــ وان زمّ عشـــبه يخفي صغـــار الأدبــاش

حتى ليا منه وطى الأرض ينعـــش
ـــــــــــــــــــــــــــــــــــ ويروي قراحــــه جرهدٍ كانت اعطـــاش

ولـ هلْ سديـــر اسوق قافٍ مطرش
ـــــــــــــــــــــــــــــــــــ يحمل تحيّـــة قلبٍ ابيـض من الشــــاش

من خاطــرٍ مايعرف الحقد والغش
ـــــــــــــــــــــــــــــــــــ للمــرقب اللي نـــاش بالعز مانــاش

قافٍ يتلّه شـــعرٍ ينقشـــه نقش
ـــــــــــــــــــــــــــــــــــ سجيّةٍ من منـــهل ( دحيــــــم ) تعتــاش

قومٍ تشّد حـــزامها ( بالمحــدش )
ـــــــــــــــــــــــــــــــــــ ( وفروخ بلجيـــكٍ .. وشبـــاب رشــاش )

والشوكه اللي وسط لحـــمي تنهش
ـــــــــــــــــــــــــــــــــــ ازريت اطلعـــها بعودٍ ومنقــــاش

00 خــــبر ..

أصدرت الرئاسة العامة لرعاية الشباب الكتاب رقم 59 من سلسلتها الرائعة هذه بلادنا وهوخاص بمدينة المجمعة من اقليم سدير من اعداد الاستاذ فهد بن ابراهيم العسكر ،،

والنعم بسدير والمجمعه والله ،،

.
.


معشوقة سدير......


تخاطبنا بجمال سدير وذكرياتها .....



لتعانق المسامع والعيون بعشقها ...



ما اقول إلا والله انتي اللي شامخه شموخ السدير ونخيله ....
.
.
.

اختي الغالية / السديرية
نجدية سدير
ستبقى سدير بموضوع اوبدون موضوع هي سدير ..وما هو بس انتي اللي يحبها !! كلنا نحب سدير وتستاهلون كل خير

يحفظك الله لسدير ولأخيك

عوائل الأدباء والشعراء في حوطة سدير :-

الأدباء و الشعراء




الترتيب عشوائي عائلة المعجل

الشاعر صالح بن عبدالعزيز المنقور

الشاعر إبراهيم بن مزيد

الشاعر محمد بن عبدالرحمن اليحيى

الشاعر زيد بن غازي بن عضيب

الشاعر غازي بن عضيب











الشاعر محمد بن سعود بن مانع

الشاعر محمد بن ربيّع

الشاعر ناصر بن ربيّع

الشاعر عبدالله بن عبدالرحمن المنقور

الشاعر حمد بن منيف

الشاعر أحمد بن زيد بن عضيب

هو حمد بن عبدالكريم بن محمد بن سلطان المعجل من النواصر من بني تميم ولد في بلدة الداخلة احـدى بلدان سدير عام 1310هـ وكــان رحمه الله يعمــل في التجــارة بين الخليــج ونجد واستقــر به المقام في المنطقــة الشرقيــة إلــى ان توفــي رحمه الله فــي عــام 1408هـ في مدينة الدمام



قصيدة / هيضتني بغناك يا ساجع الورق
هيضتني بغناك يا ساجع الــورق

وذكرتني عصرٍ قديمٍ مضى لــي
ذكرتني يالورق منتوقة العنــق

وقبلك أنا يالورق داله وسالـــي
زودت حرق القلب حرقٍ على حرق

وخليت كل الناس تصخف لحالـي
ذكرتني مقطان خلي على عـرق

ذكرتني سجات هاك الليالــي
يا زيد دام الشمس تظهر مع الشرق

والله ما انسى واحدٍ قد صفا لي
الزين واجد مار "نورة" بها فرق

زادت على كل العرب بالجمالي
خصٍ الى لبست ثويب الهوى طرق

نفنوف لاس فوق طوقه هلالـي
هي منوتي يا زيد من جملة الخلق

وان ما حصل يا زيد كف المجالي


قصيدة / امس الضحى في عالي الرجم عديت
امس الضحى في عالي الرجيم عديت

عديت في رجمٍ طويل الشخانيـــب
متذكرٍ عصر مضى لي وجريــت

من ضامري ونة عطيب المصاويـب
يا طول ما فوق النجايب تعليت

اسري مع البيدا كما سرية الذيـب
ويا طول ما سندت واقبلت واقفيـت

ويا طول ما بيّت حرش العراقيــب
والى عنا لي واجبٍ ما تتقيـت

قدام ربعي فوق روس المراقيـب
واليوم عودٍ طايحٍ في ذرى البيت

ويش الحول في الحال يا منقع الطيب
وزهدت في باقي حياتي ومليـت

لا عاد ماني قايمٍ بالمواجيـــب

هو حمد بن عبدالله بن عبدالعزيز بن محمد بن سلطان المعجل من النواصر من بني تميم ولد في بلدة الحصون وهي احدى بلــدان سديـر عام 1325هـ وهو شاعر واضح المعاني واغلب قصائده في النصيحه والتمسك بالدين والحث على الخصال الحميده وقد توفي رحمه الله عام 1418هـ



قصيدة / يقول من خلَّى المساري والأسفار جديد
يقـول من خلَّى المساري والأسفــار

ما عاد له قــدرة ونفسٍ مطيعــه
عقب المساري في البراري والأبحـار

وبالليل لوصارت علينـا وسيعــه
ما أقول وين الدرب وإن رحـت حدار

ما ننشــد المرار في كـل قيعــه
نمشي على دربٍ مشوا فيه الاخيــار

أهل الوفـاء وأهل العلوم الرفيعــه
وإلـى انتوينــا كـل دارٍ لنــا دار

نبغي الستر مثل الذياب المجيعــه
نصبـر ولو شفنا بها بعض الانكــار

النفـس عن شوف المكاره قنيعــه
ما قيـل والخيبــه ولا قيل عيــار

نتعـب على العليا براس الطليعــه
هاذي سلوم الطيب وإن كنت تختــار

كلٍّ يبي يشــري الوفا ما يبيعــه
الطيــب للي له مع الناس تذكــار

تنشـر له البيضا براس الرفيعــه
اما طلـع ذكر الفتى سر و اجهــار

والاّ نزل ما له مـع الناس شيعــه
ترى الردي وإن مات فالقبر ستــار

مَعَــاد يهرج به هـروجٍ مذيعــه
وأبا انصح اللي يفتهم بعض الاشـوار

التايــه اللي تايـهٍ في مضيعــه
نصِّيحـةٍ خمس الفرايض لها كــار

والنفـس لازم في قضاها مطيعــه
والوالديــن اصبر وخلك لهم بــار

تـراه ما يفوز راعـي القطيعــه
وترى الخوي والضيف والرحم والجار

حقٍّ على العاقـل بحكم الشريعــه
هذي سلـوم الوقت والوقت غــدار

سيــور ما ترجع عليك الهزيعــه
ومن شرب حلو شرب من عقبه امرار

من طال عمره شاف منه الفجيعــه
وقدامنــا جنــه وقدامنــا نـار

وترى الحظيظ اللي شفع له شفيعـه
هـذا كلام اللي مناهيجــه الــدار

والعمـر راح وما بقى إلاّ سبيعــه
وصـلاة ربي عد من حــج زوار

على الرسول اللي عسانــا نطيعـه



قصيدة / يقول من عوّد وكثرت سنينه
يقول من عوّد وكثرت سنينــــه

ودنياه جربها وجرب غثاهـــا
عاصر زمانه شاف زينه وشينــه

ومن التجارب كل خدٍ وطاهــا
حتى البحر ركبه وركب السفينــه

يعرف مماشيها ويعرف هواهـا
ولا بد ما ينشد عن الدرب وينــه

لا ركب فوق اللي سريعٍ خطاها
واليوم سقنا اللي تسوقه مكينــه

طال العمر والنفس لحقت مناهـا
والحمد لله كلشٍ عارفينــــه

بدنيا يبين مرها من حلاهــا
وترى الحظيظ اللي يلاحظ بدينـه

وعقب الحياة يعرف وشهو وراها
واللي على السنه ترى الله يعينـه

يربح بيومٍ ما يذري ذراهـا
ونرجيك ياللي كلنا مرتجينــه

يا منزلٍ عم ويوسـف وطاهــا
تغفر وترحم من يسالك تعينــه

من يرفع ايدينه لربـه ملاها
وصلوا على اللي هجرته للمدينـه

وضح دروب الحق للـي قراهـا

[سرحان]

لاذعذع هوى لندن..وغردطيرها وغنا
..............ولانسنس هوىباريس..وفينا هواها غير
لوتمدح هوى لندن.. وباريس وفينا
..............مهب الهوى كله..مابين المجمعه وسدير