مجاراه للشاعرين/ مبارك العمور و حمد السحيمي

[c] الى الاخوان
مبارك مناحي العمور --- وحمد السحيمي

اشكركم على القصايد الطيبه وحسن الاطراء واقول ماعليكم زود واسموحولي
ابادلكم التحيه والترحيب نيابه عن نفسي وعن والدي و كافه ال قوبان
وعسى الله يوفقني لمجارات علمين من اعلام هذا الموروث الشامخ واسموحولي على الاطاله والتاخير

محسن بن ناصر بن قوبان
[/c]

[poet font="Simplified Arabic,14,green,bold ,normal" bkcolor="" bkimage="http://nadawi.net/vb/images2/13.gif" border="none,2,gray" type=2 line=200% align=center use=sp char="" num="0,black"]
نديبي قم ترحل فوق وجنا من نسل صوغان= عليها من بنات الريح بالتوصيف مازاني
عليها من تواصيف المهاه مكحلة لعيان= وفيها يوم تدلج من خبييب الذيب سرحاني
قوايمها من السرعه تشادي رفة الجنحان= كما وصف الخريش اللي ملشها فرخ شيهاني
لها خف(ن) كما وصف الجنيه وساقها عريان=فقارتها عريضه واللحم من فوق لثفاني
بعيد كوعها من زورها منحوفة الذرعان= ومنحرها وسيع وغارب(ن) يزهاه هولاني
امعذرها جليل و قحزها ماغطته لاذان= عمانية بحت مادق فيها سر سوداني
نقاها مضمر(ن) شروا مبارك باخس(ن) فهمان= وانا اقدر مزاج مبارك مناحي قهيداني
ترد العلم وتجيبه ( صويغه) صنعة الرحمان= لاعاد ان المواتر صنعة امريكي وياباني
من الهجره ترحل واتجه لبقيق والظهران =الى مبارك مناحي مكرم الضيفان والعاني
رفيقي ساعة الشده الى دار الزمان وشان = سلام الله على ذاك الحجاج مزبن الجاني
ولد عود(ن) كريم (ن) يذبح الخرفان والحيران= يسبق بالكرامه لو حلفت بكل لدياني
وبتل يارسولي للسحيمي ترثة الشجعان=ابو ثامر حمد راعي المراجل طير حوراني
ابو ثامر عشير الغانمين مشرع البيبان= تقول ان مجلسه ومقلطه مافيه بيباني
نداوي والنداوي ماكره في نايف الضلعان= سحيمي والسحيمي من هل العادات قحطاني
وله فضل (ن) بعد ربي على الموروث والقيفان= جمع شمل القصايد واقبلت لولو ومرجاني
اجاريكم وارحب بالنيابه عن ذوي قوبان= وعن شيباني الغالين واخواني وجيراني
هلا يامرحبا ممزوجة(ن) بالمسك والريحان= عدد ماهل وامطر من حقوق المزن وداني
وعدد ماسال من سيل(ن) جذوب وسالت الوديان =تراحيب(ن) من شعور(ن) عجز يوفي بها لساني
هلا بالطيبين الواصلين اللي لهم حسبان = وحن والله نفرح بالرفيق اللي يجي عاني
ورجلا(ن) مانصوه اهل الكرم واهل الوفا خسران= ولا وقف مواقيف الشجاعه فيه نقصاني
طراة الرجل باخلاقه وقول الصدق والايمان= وتكريم الرجال وستر وجهه والعمر فاني
[/poet]

[c] محسن بن ناصر بن قوبان


[/c]


[c] قصيدة مبارك بن مناحي العمور

وهي اول قصيدة في المجاراة


[/c]

[poet font="Simplified Arabic,14,green,bold ,normal" bkcolor="" bkimage="http://nadawi.net/vb/images2/13.gif" border="none,2,gray" type=2 line=200% align=center use=sp char="" num="0,black"]
ترحل يانديبي فوق حمرا من حلال عمان= ذلول(ن) مادغرها غير سر عيال ( رهماني)
( ترشح ) قبل ما تركض على الفكسار و النيسان=مع الشوط الرئيسي ما تخلا ترقب الثاني
الى من حضروها وطلقوها والفجر مابان =تلفت للجهاز وكنها اللي صابه الجاني
وعلى بيت السحيمي لا توخر يا رفيع الشان=تنصى اللي يقدر جيت الاقصى مع الداني
وقله يا (حمد) هاذي رساله ماتبي عنوان= من مبارك مناحي...( يارفيع القدر والشاني )
يبلغك السلام اللي سرى من خاطرن ولهان= على شوفة مثل شرواك في سيل(ن) وريضاني
يبي يوم(ن) تسوق الرجل معه لدار( ابن قوبان)= امير الهجره اللي شوفها تطرب له اعياني
سقاها الله من وبل السحابه ماطر(ن) هتان = من اول يوم فاالوسمي الى اخر يوم وداني
نبي جيت ابو صالح ولو دونه حزم فزران= حكيم(ن) شوفته مثل السفر لعيون عمياني
ولد ذرب اليمين اللي يمينه تنقذ الغرقان= عسى عمره مديد بطاعة المولى والايماني
يزيد العمر جيت مثل ناصر ياصبي قحطان= وانا خابر بقلبك له محل ومنزل وشاني
[/poet]

[c] مبارك بن مناحي العمور
[/c]



[c] قصيدة حمد السحيمي ردا على مبارك مناحي العمور


[/c]

[c]أرحب يابو مناحي ...
صح الله لساااااانك ملايين ..
لاهنت يالقرم .. وأسمح لي برد الصوت بهذا الصدى والذي لن يصل لدرجة شاعريتك ..
ولكن هذه محاولة مني آمل أن تنال اعجابك .. وأعجاب من يطلّع عليها ..
والمعذرة على التأخير .. ولك خالص تحياتي

[/c]

[poet font="Simplified Arabic,14,darkred,bold ,normal" bkcolor="" bkimage="http://nadawi.net/vb/images2/30.gif" border="none,2,gray" type=2 line=200% align=center use=sp char="" num="0,black"]
توجه يا نديبي فوق حمراً من نسل ضبيان = أخذ مني جوابٍ وصله ذربين الأيماني
بوسط بقيق تلقا يانديبي مكرم الضيفان = " مبارك بن مناحي الدوسري " من حسبة أخواني
تقوله يامبارك وانت تدري صاحبك شفقان = على ذيك الديار اللي نظرها يبعد أحزاني
سكنها الشيخ أبو صالح رفيع المنزل كحيلان = نسل قومٍ يضدون العدا والجد غيثاني
بني مرّه بني مرّه ليا منّه حمى الميدان = رفيعين المقام وكاسبين الطيب من داني
علي الحرْم ماخليت مسيار على الظفران = يكود مصارع الوقت الصعيب اللي تحدّاني
على قول المثل ياصاحبي ذي ورطة حديجان = علوم يامبارك من سمَعْها جاه ما جاني
بحمّلك الأمانه ياصل التسليم للشيبان = علي مع محسن اللي قدرهم من قدر عماني
وسلّم لي على محسن وصالح وأذكر سويدان = ولاتنسى علي ومحمد وسالم كحيلاني
وعبدالله مع سعيد وفهد وسعود يا ذيبان = قرومٍ باللقاء تعجبك نسل العود قوباني
وصالح بن علي مع صالح الوسمي سوا وأخوان = وذاك الشايب اللي عندهم في قدر جدّاني
وعيال العود ابن الّعمى سلام يرجِح الميزان = وعلى كل المعارف والرفاقه دون نقصاني

[/poet]

[c] اخوك
حمد السحيمي


[/c]

مجارات وافي لوافين

محسن بن قوبان


اولا هلا وغلا بك بين ربعك والمحل محلك يالقرم

ويامرحبا بما تكتب

وفي انتظار القادم

تقبل تقديري

مجاراه طيّبه من راس طيّب



محسن بن قوبان


صح إلسانك ولا هنت




سجّل تحياتي وإعجابي



أخوك

الشاعر الكبير والعملاق محسن بن ناصر بن قوبان


أرحب يالقرم أبن القروم ،،،،،


مرحبا والله ومسهلا والله العظيم أني صادق ،،،،


مرحبا بالجزاله والذرابه والمتعه الشعريه واللتي يكتبها الشاعرالاديب محسن بن ناصربن قوبان ،،،


أولأ مرحبا والله ومسهلا بك وبتسجيلك في منتدى الطيبين اللي مثلك وشرواك والنداوي وأهله لهم الشرف


بقدومك وتسجيلك معهم ونقول أن ماشالك المنتدى شلناك في عيوننا ،،،


ثانيأ قصايدك ياأبو ناصر نشفق عليها ونعد ماعرفنا منها وذلك لجودتها وقوتها ،،،،


ثالثأ مجاراتك للشاعرين الكبيرين مبارك مناحي العمور وحمد السحيمي قمة وروعة وجزاله شعريه ،،،،،،


لم ولن نستغربها منك لانك معروف ومشهود لك بالعلوم الغانمة كلها مرجلة وقصيد وأنت تستاهل،،،،،،،،


وكفو ومن لابة كفو كفو كفو كفو كفو كفو كفو كفو كفو كفو ومشهود لهم بالعلوم الطيبة ،،،،،،،


رابعأ صح الله السانك عدد ماذعذع النسناس وعدد مالاح براق السحاب وعدد ماحج بيت الله العتيق ولايكفي ،،،


خامسأ تقبل سلامي وتحياتي لمقامك العالي وأسلم وسلملي على من لديك عزيز ،،،،،،،


أخوك دغش بطي الدوسري ،،،،،،،،

ارررررررررررررررررحب يابو نااااااصر ..

مرحبا تراحيب المطر ..

ابرك قصيد اللي جابك معنا ..

ومهما قلنا فلن نوفيكم .. حقكم .. انتم وافين ولا قلنا الا الصحيح ..

سعدت جدا بمجاراتك لقصائدي انا وابو مناحي ..

ويعلم الله انك الببستنا وشاح الشرف والفخر .. لأن شاعر بحجمك نشفق على خوته وعلومه الطيبه وانت راعي وفا وطيب يابو ناصر ..

تقبل مني خالص التحيه ومرحبااااااااااااااااا مليون ولا يكفووووووون ..

تحياتي

اخوك

حمد السحيمي

محسن بن قوبان


لاهنت على هذى المجاراه الشامخه


كلكم مبدعين



لاهنت ياطير شلوى



تقبل تحياتي

صح الساااااااااانك //// يا محسن



كفيت ووفيت




وما قصّرتوا ......... وللجميع التقدير والإحترام





أخوكم



------- عبد الله الجزلاني ------

السلام عليكم

يامرحبا يا بوناصر بمجاراتك وانتسابك الى منتدى النداوي اللي يسعد بنضمام شاعر بحجم
محسن بن قوبان ومايقال في ناصر بن صالح لن يوفي لهذا الرجل الذي جمع العلوم الغانمه
ويشهدله الطرقي ويشهد له الضيف والعاني من غير قصور في كل من يقرا هذه السطور

وانت يابو ناصر لك مكان عند رفيقك واخوك مبارك ويشهد علي الله انك في قيمة اخواني..

صح الله اللسانك
يا راعي( القبله ) وللمعلوميه القبله ناقة محسن اللي خذت الثاني في المزاين في يبرين وحصلة على الجنيبه والثاني في مزاين الجرابعه في منطقة الحبل ويستاهلها ابو ناصر

سعد براك


مرورك اسعدني



وهذا من ذوقك


والله لايهينك



وشكرا

راشد فاروع

مرورك اسعدني




والله لايهينك

الشاعر دغش بطي الدوسري

يامرحبا يا دغش

مرورك اسعدني

صح الله بدنك

والله لايهينك

[c]

محسن بن قوبان


صح السانك يا محسن وتسلم يميينك يالغالي ولا هنت على المجارات

حضور رائع من شاعر رائع

دمت ودام ابداعك وبانتظار نزف قادم من شاعرنا بن قوبان

تحيـــــاتى لــــــك

البندر




[/c]

[ حمد السحيمي ]


صح الله بدنك

مرحبا يا حمد


مرورك اسعدني

والله لايهينك

تحيـــــاتى لــــــك


محسن بن قوبان

محسن بن قوبان


شاعر وافي ومجاري شعراء وافين لاهنتوا


صح لسانك



وتقبل تحياتي

طالب آل عفيفه
مرحبا
صح الله بدنك



مرورك اسعدني