أخي الواثق ( قل لبنت الذيخ ... ماكل شيخ شيخ )

إلى الواثق .... السلام عليكم ورحمة الله ...في قصيدتك بنت الشيخ بان من كلامك الدليل على ثقتك بنفسك وبأصلك ... أخي لقد حركت قصيدتك في داخلي أمور دفينة سببه ما تلاحظه وألاحظه ويلاحظه الشرفاء في زمننا الذي أصبح الجاه لمن يملك تراب الدنيا ... لكن لاجا الملاقاة ما عندك أحد ..عندها تظهر وتنجلي المعادن الثمينة مثلك وشرواك .. وتسلم .. وتقبل معارضتي لقصيدتك ....وقل لبنت الذيخ .. ماكل شيخ شيخ ... ومعذرة على اللقافة ...

شدني شعركم يا مطرب اسماعي
................. سالم يالشلي يفدونك الخمة
في زمنا بدت لنذال رتاعي
................. اصبح الهيس شيخ ثاقل دمه
في زمان مضى لنذال ترتاعي
................. ما تطيق الملاقا صابها غمه
كلمة "الشيخ" صارت مالها داعي
................. حطت ال*** لشهب عم لعمه
قل لمنهي تبجح اصلها ضاعي
................ وين ماضي اجدودك وينهو يمه
ارجع لشاعر مالضيم ملتاعي
............... شارب المراجل مع حليب أمه
يا رفيقي ترى قلبت لوجاعي
.............. انت مثلى مثل شقران في الهمه
ومثل بن يام مهدي قادم الباعي
............. والحكيم الخبير استاذي .... القمة
اشكر الهاجري والشكر له داعي
............ واطلب انك تسمي الحل لي سمه


وسلامتك وسلامة الجميع
اخوكم الصغير / فتى الأفلاج
***********************
توي جديد وهقوتي تعذروني ....... لاني خبير ولا بعد صرت راوي
********************************************************

اخوي فتى الافلاج...صح الله لسانك ولاهنت على المعارضه وصدقني انا افتخر بالرجال اللي مثلك وشرواك بعيدا عن الشعر وغيره...وبيض الله وجهك يالسنافي, ومشاركتك تثلج الصدر.


اخوك/الواثق

عزتي لمن طاح بين ايديكم عزاه شعّار وطحاطيح رجال الظاهر انكم تكّفون ماعاد له لزوم اشارك ماخليتو لنا شي نقوله .

الله يعطيكم العافيه .وبيني وبينكم اللي مافيه خير يستاهل ماجاه

رخمه ويزم له نفس .

اخيكم الصغير /حكيم الجامعه

كلمة "الشيخ" صارت مالها داعي
................. حطت ال*** لشهب عم لعمه


===> والله انك صادق يالذيب سلامي لك والواثق والاخوان الي ذكرتهم كلهم مافيهم قصور والمنتدى ذا مايجمع الا كل طيب الله يجمعنا على محبته وطاعته ويوفق الجميع لما فيه الخيــــر


اخوكم شقران

سلامي لـ ... الواثق .. حكيم الجامعة ....شقران ... وللجميع

اخوي الواثق ... ما دعني لمعارضة قصيدتك الا افتخاري بك وتقديري لاعتزازك بماضيك ونفسك .. الرجال ترث ارجال .. تسلم ويسلم كل سباق لعلوم الرجال .. ولاهنت ولاهانوا جميع الأخوان


***************
أخوي حكيم الجامعة ... كل يوم يزداد اعجابي بمشاركاتك سواء الشعرية منها أو المقالية ... منك بعد الله استمد التوجيه والتشجيع والنقد حتى ولو كان سلبياً ... وبعدين لا تهددنا بترك المنتدى .... المنتدى عامر بك وشرواك ... وانكان لابد أحدنا طالع انا اطلع وتبقى ..جعلك تبقى على طول ولا يحرمنا الله من شوفت مشاركاتك .

***************
أخوي الكريم الشهم "شقران" القلوب على بعضها واشكرك على كل حال ... الله لايحرمنا من قلمك وصوتك .... واشكرك على تفاعلك مع معارضتي لطويل العمر "الواثق" كبير المستشارين ... وفقنا الله وإياكم لطاعته ....


وسلامتك وسلامة الجميع
اخوكم الصغير / فتى الأفلاج
***********************
توي جديد وهقوتي تعذروني ....... لاني خبير ولا بعد صرت راوي
********************************************************

ليستمر التواصل بيننا

إلي كل من تفاعل مع هذا الموضوع ... اشكركم كل الشكر ..إلى اللقاء .. مع موضوع آخر ..