مرزوق العتيبي

مساكم الله بالخير يالنداويه

وعذرونا على التاخير لانكم كلكم تعرفون ظروف العمل هالايام



واتمنى ان تحوز هذه القصيده على رضاكم

وهي للشاعر مرزوق العتيبي









مرزوق يامشكاي ياشامخ الراس
انا اشهد ان الوقت بي مال ساسه

الوقت والميلات وحثالة الناس
زادوا على جور الزمان وخساسه

جارت بي الدنيا ودقن الاجراس
وكنت احسب الدنيا تمد الوناسه

واسقتني من الهم ياعزوتي كاس
كاس الهموم اللي ذبحني بفاسه

كاس الاهانه والدناعه والانجاس
كاس التذلل والقهر والدناسه

ياما غزاني في دجى الليل هوجاس
وياما نهضت من القهر في عماسه

ليت النصيب انسان اله هامه وراس
وآخذ نصيبي غصب وآجز راسه

مير الزمن وقت القلم وقت قرطاس
وقت الشجاعه راح واعلن افلاسه

لا عاد به سالم ولافيه جساس
ولا عاد به ياخوك حرب البساسه

واليوم جيتك وانت للحال مقياس
تعرف وش اللي زاد عمري تعاسه

انا زبنتك وانت للكل نبراس
فيك الشجاعه والحميا فراسه

جيتك نصيتك وادري البيت له ساس
وانته قصر كل(ن) تفيا بساسه








وانت قصر كل (ن) تفيا بساسه
وانت قصر كل (ن) تفيا بساسه


تكفى يابو محمد عسى الهم ينداس
واعيش بعد الهم لحظة وناسه
واعيش بعد الهم لحظة وناسه











وسلاااااااااااااااااامتكم
تقبلوا تحيات اخوكم الصغير



سلمان بن عويد الذيابي










اليا تعديت النجود احجزت وان جيت العطيف
تلقى الذيابي فزعة المضهود وحزام الظهر

#################نايف صقر