الكامل في التاريخ

[c]

مساء الخير .. أعضاء وزوار النداوي الكرام

أتمنى أن تحوز هذه المتواضعه على جزء بسيط من ذائقتكم الرائعه

[/c]


[poet font="Simplified Arabic,14,white,bold ,normal" bkcolor="black" bkimage="" border="double,2,white" type=0 line=200% align=center use=sp char="" num="0,black"]
أبتدا خلق الخليقه وأكتمل = بالبشر يوم البشر صاروا ملل

ثم بدا الحاسد على درب البشر = يوم نجمه ساطعٍ ماقد أفل

وعقبها صار السكن في واديٍ = منبته شوكٍ وعوسجها عسل

وأستلم ربي الأمانه ثمْ غدا = عقبها حكم البشر وسط الزلل

ولا دعا نوحٍ في قومه مرتجي = من ظهر ربعه صدوقٍ ماسأل

أنكفا قومه وجا يومه دنا = وأنقطع درب العفو ويّا السبل

أمتلا ماها سيولٍ بالضحا = والغرق غطا رواسي ذا الجبل

وفي وفاته صارت الفتنه فتن = الصنم ما خلّد الشيخ الكهل

واعبدوها واعبدوا الحيد الأصم = يحسبون الرّب لازم له وصل

وربي أختاره خليلٍ بدّهم = يوم عيّا يعبد النجمه ودل

كسّر أربابٍ عمي ولاهو عمي = وأطرم النمرود شبّاب العبل

ودل بيت الله الواحد أحد = قوّم العمدان في وادي الهمل

والولد يوم أنولد جاله ولد = العرب صلبه وصارت ذي الدول

ثم بلا ربي عباده واصطبر = من عباده عبده أيوب بعلل

ثم رزق يعقوب في يوسف نبي = الحسد ما غيّبه وسط الدحل

وأنعمى بحزنه ولكنه رضا = حكم ربه عقبها بشوفه كحل

ومن بنات شعيب زوجه للطريد = يوم ذا الإيمان في قلبه دخل

مخرس الفرعون في جمعه وسل = آيةٍ للي تغشّاه الجهل

دلّ قومه صوب ذا الوادي ودل = يوم قومه ما بغوا خير الفضل

الطغا فيهم طغا واسترسلوا = في قتل أحباب ربي والرسل

وزاد ربي غيُّهم في غيِّهم = وحُكْم ربي في هل الوادي شمل

وبنت عمران الرحيم اللي صبر = عذرةٍ يوم الحشا شلّ الطفل

كذّبوها قومها وربي حكم = ينطق الطفل بحكايتها وغسل

والنبي عيسى وعيسى ما لقا = عابدٍ قلبه عليلٍ بالوجل

أبأمر ربه بيحيا كل ميت = والعمى وجرحٍ غدا ما يندمل

قالوا هذا ربنا هذا الإله = وانغرس كفرٍ في قلب اللي دهل

يحسبون إن النبي وسط الصليب = مادروا إن القتيل لا ماأنقتل

وحكمة الغار الوفي وسط الجبل = سبعةٍ في تسعةٍ ولا أقل

من عبد ربّه بيلقى رحمته = ومن يدل الدرب في سعيه وصل

وفي سنة فيل اليمن كان الوعد = مولد الهادي وخاتم ذي الرسل

كان طيبه وسط طيبه معتلي = عند أبي طالب سكن يومه كفل

وزاد ذكره بالعتيق يوم انهدم = فك نشب القوم من فعل الخمل

وكانت اللات ومناة بقربها = تعبد وزادوا عبادتها بهبل

وأكتسى غار الحرا بالنور تم = من وحي جبريل مرسول العدل

قال أقرا وما قرا وصار الجواب = سورةٍ للخلق تمحا ذا الجهل

وأنتشر إسلام ربي في الدجا = والرجا في رحمة الخالق دبل

ودارت سنين الشقا يومٍ بيوم = وأنكسر قيد الكفر ويا الحجل

في بدر كانت وتاليها أحد = واخلفت الأحزاب مؤته بالفصل

والوداع عقب التمام اللي لفا = في زمن طه حبيب الناس كل

وأحتكم عقبه صديق الصدق يوم = هوّنت بعض العرب دفع الحلل

ثم قضا بالحق فيهم وأنتهى = عهده ابقرب المنيّه والأجل

ثم حكم عقبه خلافتها عمر = فارق الباطل بحقّ الله عمل

زاهدٍ دنيا الزهيد وما بقا = غير من سمّ الحقيقه بالنصل

وصاحب النورين عقبه شالها = صاحب الحق الخجول اللي خجل

وأنتهى يومه بغدر الناس يوم = مالت الدنيا على حقٍّ ذبل

وابن أبي طالب مسكها واعتدل = صوب نارٍ من شمالٍ تشتعل

وأنقسم جسم العرب في فتنته = وضاعت العليا على طمن السهل

والحسن ضاعت خطاه بظلمهم = أنقتل حتى الحسين بعده قُتل

وعقب ابن سفيان وكّلها ليزيد = وأنشغل في ملكه بحكم الشغل

وملّك الملك لخليفه بالولد = وما قدر يحمل حمولتها وعدل

ثم توالت ذي الليالي وألتوت = في نحر مروان قابلها وقبل

وشالها لأبنه عبيد الملك في = حربهم لأبن الزبير ابن البطل

ومن سنة سته على العشر الثمان = الملك صار الوليد ولا تسل

ملكهم في نسلهم مثل المدد = عقدةٍ في عقدةٍ ما تنفتل

واخلفه عقبه وريثه بالتمام = اسنتين وخمس تشهر ما تقل

وجدّد الدعوه عمر عبدالعزيز = خامس وجيه الخلافه بالمهل

عدّل الميلات في وضح النقا = مبطل الباطل وقبله ما بطل

وفي وفاته صارت بقبضة يزيد = همّل الغارب طليقٍ في الجمل

ومسّها عقبه هشام بن الملك = فكّها ثم أرتخا منه الحبل

الوليد بن اليزيد بن الوليد = شاقها وأشقت حياته وأشتكل

أخفته وأخفت أخوه بسحرها = ومن تلاهم مارقا فيها ونزل

وأستلم سفاح هاشم وأستلم = رد غاربها عليها ثم عقل

وأبتدا العباس في سفك الدما = ومن دماهم صارت ثيابه بلل

وعقبه المنصور في وضعه بدا = واهتدا خلقٍ كثيرٍ وانتقل

وفي ذرا البيعه هداها لمهديٍ = سيّس السيسان بالحكمه وشل

ولفّها الهادي ولفّ المعتدي = والرشيد اللي عزلها واعتزل

ودارت أيام الرخا باللي نخا = واقربت يم الرشيد اللي اتكل

وكبرت رقعة سماه بحكمته = وأتسع درب الحقيقه بالأمل

صانته ثم صانها وصام الليال = والليالي تحسب أيامه عجل

والأمين اللي حسد مأمونها = ساقه بضربة يمينه وأحتفل

وأعتصمنا المعتصم اللي عصم = دمّنا من غدر رومٍ مستحل

ولا بقت إلا وخذاها في الضحا = الوكيل اللي أتكل ثم أتكل

خاطفٍ روحه وريثٍ منتصر = وذاقها مرٍّ غدت مثل البصل

وانكفا عمر الندامه بالشقا = من على العالي تزيله في سفل

ذلّها وما عزّها معتزّها = مهديٍ للمهتدي البيعه وعل

علّها وما علّته والكاس مر = ذاقها مرٍّ وكانت له عسل

ودارت سنين الخلافه بالعمد = وأعتمدها المعتمد خذها وخل

وجا عضيده وأعتضد زنده بها = خانته شوف الطوالع في زحل

وما كفت للمكتفي غير بعنا = كل يومٍ جايبه أمرٍ جلل

صعبةٍ لا ماقدرها المقتدر = خانة اللي صارت أفعاله كسل

مافهمها قاهرٍ لا ما فهم = غرّته مقبل نجاحه ثم فشل

ولارضت في راضي الحكمه علم = ماقوى من سحرها وشلّه شلل

وأتقاها المتقي ولا تتقي = من حكم هذا القدر واللي حصل

غرّها بالكيف هذا المكتفي = وما كفت غيره وغيره مااحتمل

طاعها الطايع وطاعتها كفر = وأنقطع حبل الرجا وسط الأهل

وماختمها بالوفا مستعصمٍ = يسحل الخطوه عليها وأنسحل

هذي الخلافه والخلاف اللي خلف = أختلفنا بسردها لون وشكل


البندر
[/poet]

الشاعر / بندر المطيري

صح الله السانك ملياااااااار


والله لا يهينك على هالابداع


واعذر قلمي فقد يخونني التعبير امام هذه الشامخه

ولك تحياتي ومتابعتي

اخوك

جازع

بسم الله ,,

اخوي الغالي

بندر المطيري,,


صح لسااااانك على

هالقصيده الجزله

وتقبل تحيااااتي
اخوووك

الغالي / بندر المطيري

صح الله السانك
رائعه هذه المعلقه يابندر لاهنت
تقبل تحياتي وعجابي

الأستاذ الشاعر بـــنــــدر الــمــطــيــري

ما شاء الله

تبارك الله


رائعة تضاف إلى روائعك


صح لسانك ... أقولها مرات ومرات


لك خالص الود

اخي بندر


صح الله السانك

قصيده جزله جزله من جزل


يا سلام عليك


والله لا يهينك

وتقبل تحياتي وتقديري

الغالي بندر
صح لسانك
ولاهنت على الابداع

تحياتي لك

مطلق بن شويه

بندر

صح السانك ولاهنت الى ماله نهايه



على هذي المعلقه الفاتنه


مهما كتبته لن اوفيها حقها


سجل اعجابي بشخصك وقلمك


لك تحياتي

الاخ بندر المطيري

صح الله السانك على هالفاتنه

تقبل تحياتي

..

بندر المطيري









ماهو غريب عليك هذا الحضور القوي والشعر الجميل









صح لساااااااااااااانك وانااخوك

الاخ الكريم بندر المطيري

ياسلالالام عليك يابندر

الله الله الله

شاعر متمكن وتعطي الكلمة حقها

صح الله لسانك ولا هنت

سجل اعجابي عندك

تقبل مني فائق الود وخالص التحايا

اخي العزيز







بندر المطيري












قصيده في منتهى الروعه









صح السانك مليون











جزله من جزل











وتقبل ودي




.

صح السانك البندر

قصيدة جميلة

وسرد تاريخي رائع

ودي اقولك شي للامانة التاريخية
ان شدتك على بني امية فيها نوع من الظلم

لان الانسان يجب ان يقرا الوجه المشرق من الخلافة

بغض النظر عن الفتن
فعبداللك له فضائل جمة ومناقب كثيرة
وهشام من اتقى بني امية بعد عمر بن عبد العزيز وله فضائل كثيرة

الله يحفظك ويقويك

قصيدة رائعة وجهد رائع

نسختها وطبعتها

تحياتي

الاخ الشاعر بندر المطيري


خلاصه جميله جدا عن ماضي جميل
اجدت يابندر بقطف كل ثمرة
وابدعت بصياغتها دون شك


وش اقول وش اخلي

انا وبصراحه عاااااااااااجز عن اعطائها حقها

تقبل مني احلى تحياتي


اخوووك خالد

[c]
جازع الخنفري

صح بدنك يا الخنفري

الأروع وجود توقيعك الذى افخر به

أشكر قرائتك لمشاركتي البسيطه

وأتمنى أن اقدم مايرضي أذواقكم

تحياتى لك

البندر

[/c]