مساجله بين محسن حمدان الشمري وسعد

[poet font="Simplified Arabic,14,black,bold ,normal" bkcolor="deeppink" bkimage="http://nadawi.net/vb/images2/5.gif" border="outset,3,deeppink" type=0 line=200% align=center use=ex char="" num="0,deeppink"]
اسمحولي بهذه المساجله

قصيدة محسن الشمري
ياعيال هزن خاطري بالتماثيل=وكلن يعبرعن مشاعراحساسه
سلام منا للرجال المشاكيل=ابي امدح الطيب على طيب ساسه
لبو محمد نرسله بالتفاصيل=من لابتن يشوقني قو باسه
قبيلة له بالفعايل محاصيل=سجل لهاالتاريخ يوم الفراسه
سبيع يوم ان الفعايل على الخيل=خيالهم بالفعل تعتز ناسه
يا سعد يفدونك رجال مساهيل=اللي سوالفهم عليهم قماسه
اهل النقيلي والعلوم المهازيل=واكرم الطيب عن اهل البلاسه
لشرواهم اول ماتصب الفناجيل=واليوم كلن حشمته من لباسه
ومن زادماله صار يرجح له الكيل=ومن قل ماله قيل مابه وناسه
وش عاد لو هو من خيار الرجاجيل=وعنده على طيب المعاني حماسه
وشرواك له يالعرف نظره وتعديل=والعرف لوهو ثوب يطلع مقاسه

ردي على محسن
يامرحبا واعداد وبل المخاييل=واعداد غصن ركزوه لغراسه
للي يسوق الطيب فعل ومراجيل=محسن ولد حمدان والصعب داسه
من لابة شجعان ذباحة الحيل=شمر فعايلها اتدرس ادراسه
عند القبائل فعلها ابين من سهيل=عدوهم يشرب من المر كاسه
يذللون الصعب الله تذليل=وافعالهم تذكر بحره ويباسه
يا محسن الدنيا عليها غرابيل=بذت خفى الصاحي وزادت عماسه
اشوف وانت تشوف بليا درابيل=قام الثعل والبوم يلعب براسه
قامت تصافق بين حبل ومحابيل=والكل منهم دارع فالدناسه
دنيا كفى الله شرها للمهابيل=والا سديد الراي قلت اجناسه
الشعر ضيف الناس من جيل لاجيل=والجيل الاول مايضيع مساسه
واليوم ضاع وشفت بعض التهاويل=هذاك يلعبه وهذاك حاسه
صار المدح للي فلوسه مزاميل=لو كان هيس وعايش بالخساسه
ومن قل ماله لو مامده بخيل=مايمدحونه ماكلين الطفاسه
ومن كثر ماله وحسبته من الخابيل=قولوا عساه ياناس يعلن إفلاسه
الطيب مايخفيه قول ولاقيل=يرسي ولاهمه ورير البساسه
وختامها عز ومعزه ومراسيل=ولاهمنا ياذيب طباخ فاسه
[/poet]

الآخ الشاعر سعد السبيعي

الله يصح اللسانك انت والاخ محسن الشمري

قصايد جزله وتستحق الاعجاب والاشاده

وسبيع وشمر يستاهلون مايقال عنهم

من المدح .

وتقل خالص تحياتـــي,,,,,,,,

الاخ / سالم محمد
شكرا على مرورك
وماعليك زود يالغالي
اشكرك شكرا جزيلا
تقبل فائق تحياتي
اخوك / سعد