Tweet
اكيد تدري ما جيتك كود لي حاجه
اكيد تدري مدي اخر مشاويري
جيتك وبحر المشاعر تلطم امواجه
ما حدها حد فاضت من تعابيري
ابيك والحب ما يخفاك منهاجه
وش عاد يهمك لا صرت اجمل مساييري
السيل ينحت بجوف القاع مدراجه
وانته نحت الغلا يا اغلي تباشيري
وان كان للزين هيبه فانت له تاجه
تخضع لك قلوب وعيون الغناديري
يا صاحبي والغلا يحتاج لمواجه
لا تجرحه يوم ساقتك المقاديري
ما هو بالانصاف منك تزيد بحراجه
ما شوف لي ذنب تجزيني بتقصيري
صبرت واشوف صبري سبب ازعاجه
زودتني هم واحتارت تفاكيري
وكان الهوي ما شغل خاطرك بغناجه
تراك مسموح ودروبك تسافيري
لا تنشغل من دخل بيدل مخراجه
مصير الايام تبدي فيه تغييري
ودرب ٍ مشيته لك الله يرجع ادراجه
لو الامل كان في شوف النواويري
من صد قلبه ما تغري ضحكة حجاجه
والحب كلمه تضيع ابها التفاسيري
وشعر ٍ يناجيك لا من حل ّلك ناجه
واليا سرت فيك رعشه افتكر خيري
محتاج لك حيل قربك حيل محتاجه
لو جابك الود لك حبي وتقديري
جيت احمل الجرح جيتك اطلب علاجه
ما يحتمل منك لو لحظات تاخيري
جيتك وانا العاشق اللي بخاطره حاجه
جيتك اببدا معاك اول مشاويري
.
..
.
.
.
.
.
.
.
.
تعليق