Tweet
[poet font="Simplified Arabic,14,black,bold ,normal" bkcolor="" bkimage="http://nadawi.net/vb/images2/13.gif" border="groove,6,seagreen" type=0 line=200% align=center use=sp char="" num="0,black"]
النا مع الصبر المسمـى معاهيـد=ولولا الصبر ضاقت علينا الوسيعه
نصبر ولو طالت علينا المواعيـد=الصبر أخير من الندم والهزيعـه
ولا يدري عن أسرارنا زيد وعبيد=تفنى القلـوب وسرهـا ماتذيعـه
بعض المعاني مثل رمي العباريـد=تنصى هدفها اللي تـوده سريعـه
والا بعضهـا كلبـوهـا مناقـيـد=سـوالـف(ن) ياعلـهـا للقطيـعـه
بنات فكري كنهن شـرد الصيـد=جمالهن يغلـب جمـال الطبيعـه
لا قلـت تعالـن لفنـي مواريـد=الكل منهن قبل الأخـرى مطيعـه
تعطفت في البـال تعطـف الغيـد=وقامت تسلهم بالعيـون الوسيعـه
تسحر بزين اوصافها وتنثر الجيـد=فوق المتون وصنعها احسن صنيعه
سطرتها اوكد لـك العلـم توكيـد=ياولـد شيـخ(ن) يحتمـي للوقيـعـه
رددت لك ياناصر العلـم توكيـد=والسوق لو ماطاع لابـد اطيعـه
اشوف لي ناس(ن) تحايد علـى حيـد=عن شرع ربي سنت لها شريعـه
اطبوعها ماهي طبـوع الاجاويـد=طبيعـة(ن) ياشينهـا مـن طبيـعـه
وانته من اللي يفهمون المقاصيـد=تفهم ويبقى السر عنـدك وديعـة
السااااااااااري
[/poet]
تعليق