Tweet
[poet font="Simplified Arabic,14,black,normal,normal" bkcolor="" bkimage="http://nadawi.net/vb/images2/10.gif" border="outset,7,gray" type=0 line=200% align=center use=ex char="" num="0,black"]
اخوتي واخواتي في منتدانا
منتدى النداوي
اسعد الله جميع اوقاتكم امام انظاركم
وعقولكم هذه القصيده ارجو ان تنال
ولو بعض رضاكم
غدر الصحيب وطمعة الشاه فالذّيب=صارت وهذا يا فوادي زمنها
الوقت لزم اهل الوفا بالتلابيب= واهل العلوم الهينات احتظنها
ولاحق تحت قدر الرخوم المشاهيب= ونار الوفا غيّم عليها دخنها
وساوى مقام الثايره بالمكاذيب= وصلّى على روح الحياه ودفنها
يالله ياسامع دبيب الدباديب= يامن سفينة نوح فالما وزنها
تعين من يمشي على منهج الطيب= وتمكنه من حاجةٍ مامكنها
هذي سنه وانا اتحرى المناديب= واخيل بارق شامها مع يمنها
واحوز عن محبالة الشك والريب= والمشكلات احلها وامتحنها
ون دندنت بين الضلوع الهناديب= وضعفت هدايتها وقويت فتنها
وتكدرت من زوبعتها المشاريب= والخوف خيم فالمعاليق منها
احترت.. والانسان مايعلم الغيب= وخفت اني اشريها ولااقدر ثمنها
ولجيت للمولى مجيب المطاليب= اللي مقاسيم البنادم ظمنها
ثم للعقول اللي بنتها التجاريب= اعقول قومٍ مالها مافتنها
والشور ماهو لاجهاله ولاعيب= حكمة رجال ومن تعومس زبنها
تحط لك فالجال الاملس مقاضيب= ولحية ابليس اتلّها وتحسنها
لاخذتها من مكملين المواجيب= اللي بدين الله تامر وتنها
والمعرفه حظ ونصيب ومواهيب= ومجلس رجالٍ جهلها ماسكنها
والعبد ذيبٍ والخطايا مراقيب= ماله ليا سلم الصواديف عنها
والرجل بيتٍ والمراجل مناسيب= لاصانها وبطاعة الله قرنها
وللشيخ ضيف وللهزالا معازيب= ولايقني الخلفه محرّم لبنها
وام الغصون المورقات الرواطيب= لاظمي واردها تهاوت شبنها
وسيل المخايل سحّ واللا مساريب= كم من شعوبٍ شالها من وطنها
وصلاة عبّاد الريا فالمحاريب= تهفيه لاجت جثّته في كفنها
واللي ربت بين الضلوع المحاديب= غنيتها وش رايكم في لحنها؟
وسلامتكم
محمد الدهيمي
[/poet]
اخوتي واخواتي في منتدانا
منتدى النداوي
اسعد الله جميع اوقاتكم امام انظاركم
وعقولكم هذه القصيده ارجو ان تنال
ولو بعض رضاكم
غدر الصحيب وطمعة الشاه فالذّيب=صارت وهذا يا فوادي زمنها
الوقت لزم اهل الوفا بالتلابيب= واهل العلوم الهينات احتظنها
ولاحق تحت قدر الرخوم المشاهيب= ونار الوفا غيّم عليها دخنها
وساوى مقام الثايره بالمكاذيب= وصلّى على روح الحياه ودفنها
يالله ياسامع دبيب الدباديب= يامن سفينة نوح فالما وزنها
تعين من يمشي على منهج الطيب= وتمكنه من حاجةٍ مامكنها
هذي سنه وانا اتحرى المناديب= واخيل بارق شامها مع يمنها
واحوز عن محبالة الشك والريب= والمشكلات احلها وامتحنها
ون دندنت بين الضلوع الهناديب= وضعفت هدايتها وقويت فتنها
وتكدرت من زوبعتها المشاريب= والخوف خيم فالمعاليق منها
احترت.. والانسان مايعلم الغيب= وخفت اني اشريها ولااقدر ثمنها
ولجيت للمولى مجيب المطاليب= اللي مقاسيم البنادم ظمنها
ثم للعقول اللي بنتها التجاريب= اعقول قومٍ مالها مافتنها
والشور ماهو لاجهاله ولاعيب= حكمة رجال ومن تعومس زبنها
تحط لك فالجال الاملس مقاضيب= ولحية ابليس اتلّها وتحسنها
لاخذتها من مكملين المواجيب= اللي بدين الله تامر وتنها
والمعرفه حظ ونصيب ومواهيب= ومجلس رجالٍ جهلها ماسكنها
والعبد ذيبٍ والخطايا مراقيب= ماله ليا سلم الصواديف عنها
والرجل بيتٍ والمراجل مناسيب= لاصانها وبطاعة الله قرنها
وللشيخ ضيف وللهزالا معازيب= ولايقني الخلفه محرّم لبنها
وام الغصون المورقات الرواطيب= لاظمي واردها تهاوت شبنها
وسيل المخايل سحّ واللا مساريب= كم من شعوبٍ شالها من وطنها
وصلاة عبّاد الريا فالمحاريب= تهفيه لاجت جثّته في كفنها
واللي ربت بين الضلوع المحاديب= غنيتها وش رايكم في لحنها؟
وسلامتكم
محمد الدهيمي
[/poet]
[/align]
تعليق