( رد متواضع علي قصيده الاخ العزيز كحيــــــــــــــلان )

اشكر الاخ الغالي / كحيلان علي قصيدته الطيبه ... وارجو المعذره في التاخير علي الرد للاسباب التي وردت في الموضوع السابق ... وهذه هي قصيده الاخ كحيلان:ـ


سلام ياوجهن ضوى درب الاجداد
==============ضوح اوله واتلاه عزه وشيمه
عداد مالف المساء ليل الاجواد
========== ==وعداد مالاحت ورى الحزم ديمه
فز القلم وادنى له الطرس منقاد
==========يوم انتخت عكف الضلوع الكريمه
لبى الحنايا والمشاعر له مداد
============من ضامري نضح القوافي حميمه
خلجات حق ولي مع الحق مقعاد
===========في ذمتي حقن لابن سيف اقيمه
هي كلمتن واقولها ظيب وعناد
=========== يرضخ لها طويق المشمخ شكيمه
والله ونعم والف ونعم قرب وبعاد
=========== باللي مواري غربته مستقيمه
اي والله اللي به نما حق تنعاد
===========باصوات سمحين الوجيه الرخيمه
لزمة وفا اليا تطروه الاشهاد
==========تصدح بها افواه القلوب السليمه
صدقن ورى خشوم الردى يقدح زناد
==========يجمد على عكف الشوارب لطيمه
للي شقا رجله من بلاد لبلاد
========= يرقابها الطالات لوهي سقيمه
ياناشدي قم انشد السيل لىماد
========عن جرته بين الصخا والحشيمه
الله يثيبه كان حدر و لاحاد
======== شفقن يبي الراحه وقلبه خصيمه
ياناشدي قم انشد الحر لى صاد
========هي عزته ترضى الخلايا غنيمه؟
خايل مواري ناظره واشبع رقاد
=======ولك عند ابن قحطان حضوه وقيمه
يالله عسى راع الصخا يلحق مراد
========في روض عزه يالله انك تديمه


وهذا ردي المتواضع عليها :ـ


يامرحبا بك عـد ماحن رعــــاد

****************************** وعداد مانشي علي القاع غيمه

مشكور ياللي سطر القاف وآجـاد

****************************** وأقول صح لسان راعي الوسيمه

واللي يحافظ في مواريث الاجداد

****************************** هذا رفيقي وأعتبرها قديمــه

الله يديم المعرفه بين الاجــواد

******************************يالله عساها رفقةٍ مستديمـــــه

في غربتي عانيت ويلات وأسهــاد

****************************** حتي غدى همي لقلبي كليمـــه

ماتهتني عيني مع الخلق برقـاد

****************************** يوم العيون بمظلم الليل نيمه

في منهل الطالات صـــادر ووراد

****************************** والنفس مانرضى عليها هزيمــه

وأحب أناخوة شغامـــيـم الاولاد

****************************** أهل العقول الراجحه والحليمه

وأعيش في وادي والانذال في واد

****************************** وأشوم عن درب القلوب السقيمه

واللي يضيع خوة الملح والـزاد

****************************** جنب عن دروبه وذب الخريــمـه

هذا جوابي كان تسئل ونشــــاد

****************************** انبيك عني والعلاقه حميمــــه



مع تحيات اخوكم / بحــــــــــــــــر

الولايات المتحده الامريكيه

لاهنت يابحر ولاهان ابو صقر كل منكم يقول الزود عندي
الله لايحرمنا منكم

والقصيدة رائعة ومجاراتك لها رائع ايضا

تقبل تحياتي اخوك
سهم المنايا

لبى الحنايا والمشاعر له مداد
============من ضامري نضح القوافي حميمه
خلجات حق ولي مع الحق مقعاد
===========في ذمتي حقن لابن سيف اقيمه


===>الاخ الغالي / كحيلان ,,,ياســـــــلام ياكحيلان صح لسانك كلمات لهن ذوق ويستاهل الطيب منهو سعى له



===============================================

وأحب أناخوة شغامـــيـم الاولاد

****************************** أهل العقول الراجحه والحليمه

وأعيش في وادي والانذال في واد

****************************** وأشوم عن درب القلوب السقيمه

واللي يضيع خوة الملح والـزاد

****************************** جنب عن دروبه وذب الخريــمـه


====> الاخ الغالي / بحر يقول المثل من كريم لمستحق وكحيلان كريم وانت تستحق ولايهون من يقرا ردي ,,,,

ماقصرت رديت ووفيت ولاهفيت هذا الكلام الصحيح سلامي والله عليك صح لسانك والله يردك لعين ترجيك

اخوكم واخو كل طيب شقران

[ابو هاجوس]

وش نقول لاصارت للبحر

على بطلاق انك قمة بالشعر يابحر لعنو ابو ابليسك ابيوتك تحييني لوني على فراش الموت خيل البلها
تحياتي لك من هنا الي واشنطن
الله لايخليني منك يالسنافي


[تم تعديل الموضوع من قبل ابو هاجوس بتاريخ 02-05-2001 الساعة 01:38 AM]

تسلم تسلم ياسهم المنايا .... ولاعليك زود
كحيلان يستاهل وهو راعي الاوله ..... وتقبل تحياتي


أخوك / بحــــــــــــــــــر

[تم تعديل الموضوع من قبل بحر بتاريخ 04-07-2001 الساعة 07:07 AM]

الاخ الغالي / شقران

لاهنت ....... ويعطيك العافيه ومشكور علي أطرائك ياذيبان
وتقبل تحياتي ..........وأسمح لي علي التأخير في الرد


أخوك / بحـــــــــر

الاخ الغالي / ابو هاجوس

لاهنت ....... وتسلم روحك وأشكرك علي كلامك الطيب
ولاهي بغريبه منك .... ياطير شلوى
سلامة روحك وتقبل تحياتي



أخوك / بحــــــــــــــــــــر

فالح بن صقر الدوسري ......
من اجمل الشعراء اللي قريت لهم ... رجل يحمل معنا الرجوله والكرم بشكل بديهي تفرضه عليه نفسه الكريمه ..
شاعر رغم قصور شهادتي فيه ... وصديق الى حد الاخوه واكثر ..

ابعاد قصيدته تدل على شاعريه لها ثقلها ووزنها اللي ما يستاهله الا الشعراء شروى .. بحر ...

هي كلمتن واقولها ظيب وعناد
=========== يرضخ لها طويق المشمخ شكيمه
والله ونعم والف ونعم قرب وبعاد
=========== باللي مواري غربته مستقيمه

صح لسانك يا فالح ... وتستاهل يا بحر ..
............................................................
بحر ........

شاعر الغربه ....
له نهج في الشعر يقرب من العقول المتجدده وبصيغه اشعار بيئتنا الكريمه ..
له في كل حرف يكتبه سيل من الصدق والواقعيه ..
انسان جرب الغربه ومازال يعيشها .. اصدقه بكل بيت قاله واحبه واحب شعره ..
............................................................
صوت وصدى تستحق قرائتنا لها مره ومره ومره ....... الخ

تقبلو خالص ودي وتقديري ..

اخوكم:
امرىء القيس


[تم تعديل الموضوع من قبل امرىء القيس بتاريخ 04-07-2001 الساعة 12:45 PM]

مساء الخير جميعا
والنعمين بالبحر وبكحيلان
وماهي غريبة من شاعرين مهمين في المنتدى
صح لسانكما..

بيض الله وجهك ...ياالبحر

صح لسااااانك طال عمرك...

يفعل وانت تستاهل ..صوت وصدى يوضح شموخ الرجولة في شاعرين وأبناء عرب..

تحياتي لك والله لايهينك...

ولدعبس

الله عليكم ياثنين كل واحد منكم يستحق الاشاده الله يديم المعزه والمعروف امتعتونا بهذه القصائد الجميله وكل واحد يستاهل المدح والثناء...

تقبلو تحيات اخوكم /// حكيم الجامعه

الخ الغالي / امرؤالقيس

الله لايهينك ..... وثق أنك ماحبيت الا من يحبك يابو راشد
وأشكرك علي شعورك الطيب ولاعدمتك يالذيب..... وتقبل تحياتي



أخوك اللي علي القلمه / بحـــــــــر

الاخ العزيز / جابر السلمي

صح بدنك يالغالي ..... ولاعليك زود ومشكور علي الكلام الطيب ياطيب
وسعيد بمعرفتك وردك ... وتقبل فائق التقدير


أخوك / بحــــــــــــــر

الاخ الغالي / ابو فرحان

وجهك أبيض .. وصح بدنك ولاهنت ياطير شلوي
ومشكور ...... مشكور والله لايخلي من مثلك وشرواك وتقبل سلام البحر


أخوك / بحــــــــــــــــر

الاخ الغالي / ابو مهدي

لاهنت ياوجه محلف .... وكحيلان يستاهل وأشكرك من الاعماق
والله يديم معرفة الطيبين اللي مثلك وشرواك ... وتقبل مني أحلي سلام



أخوك / بحــــــــــــــــــر