ياليتنا عقب البطا ماالتقينا

أعزائي النداويه من شعراء وشاعرات

لكم مني اجمل تحيه
يشرفني ان اشارك يقصيدتين مرتبطتين ببعض الاولي تعتبر من أوائل محاولاتي في كتابة الشعر الشعبي وتتكلم عن موقف معين اما الثانيه فهي بعد مرور اكثر من 13سنه تكر ذلك الموقف ولكن 000
متمنيا ان تحوزا على رضاكم[poet font="Arial,14,darkblue,normal,normal" bkcolor="" bkimage="http://nadawi.net/vb/images2/4.gif" border="none,2,gray" type=1 line=200% align=center use=sp char="" num="0,black"]
عقب البطا لاقيت ظافي الجديلات=ياليتنا عقب البطا ماالتقينا
سلمت وقلت لنور عيني سلامات=وش غيًرك ويش السبب ما تبينا
دنق وقال ارجوك إنه العلاقات=شيٍ حصل ماعاد هو في يدينا
قلت السبب قال الليالي غريبات= إنه العلاقه واعتبرنا انتهينا
انا بحبل انسان ماهي دعايات=ارجوك ابعد خايف انًه يجينا
طالعت فيه وهلت العين عبرات=في ساعةٍ غصبٍ علينا بكينا
حاولت اعبر عن همومٍ خفيات=بس الحكي شيفيد مهما حكينا
كتمتهن بالجوف لوهن قويات=راضي على ماصار لو مارضينا
وآخر كلامه قال لي كم كلمات=لاتسيء ضنك في غصبٍ علينا
ولف العباه وراح وانا بحسرات=فرقاًجرت من غير ذنبٍ جنينا
وقفت اخايل غض الأنهاد لحظات=فيهن تهدم كل شيٍ بنينا
وفمت اتذكر كل شيٍ لنا فات=قبل ايتغير بالمحبه حدينا
ياما سهرنا بأظلم الليل ساعات=وياما طلع نور الفجر مادرينا
وياما لنا فوق المراقيب ذكرات=وعلى جبال الزور ياما رقينا
وياما تحملنا الصعوبات مرات=وياما على سود الليالي شكينا
على زمانٍ فات جريت ونات=لو هن على ضلعان مكه تلينا
اقرا الموادع بالقصص والروايات=لاشك ماضنيت بيصير فينا
وارجع واكرر كلمةٍ لي بسكات=ياليتنا عقب البطا ماالتقينا
=============


تكررت عقب البطا والتقينا=من عقب مامرن سنينٍ طويلات
في صدفةٍ فيها حشا مادرينا=ولاهقينا نلتقي عقب مافات
لاشك جابتها الليالي وجينا=رغم الفراق ورغم ذيك المسافات
في موقٍف بان التوتر علينا=لحظه تلين إبها القلوب القويات
قالت شلونك قلت ربك عوينا=الحمد لله عاضني عقب لوعات
الله رزقني في هنوفٍ تبينا=احيت خفوقٍ كان بعداد الأموات
هي نور عيني فرحتي والضنينا=ألقابها عن ظيقة الصدر سجات
قالت سليت وقلت عقبك سلينا=لكن عقب مالاعنا الحب مرات
قالت شلون وقلت لاتسألينا=مافات فات ولا تفيد الحسوفات
قالت تكلم قلت مهما حكينا=الدمع ماينفع عزيزٍاليامات
قالت نسيت وقلت لامانسينا=لكن قنعنا والقناعه من الذات
قالت أروح وقلت وش في يدينا=روحي عسى في كل خطوه سلامات
بصبر على فرقاك مهما حيينا=ولا تشوه صادق الحب زلات
قالت على ماكنت دنيا ودينا=تكرم ونكرم عن دروبٍ رديات
قلت اسمحيلي قبل لاترحلينا=يم الديار اللي علينا بعيدات
تراي ذخرٍ لاحدتك السنينا=اجيك مهما واجهتني صعوبات
من اليوم اخوك وغيرها ما بغينا=كلي فداك ان صار بالوقت ميلات
وتبسمت بإعجاب مدري حنينا=وتهشمت قدام عيني بعبرات
قالت فمان الله قلت انتهينا=واقفت تكلم نفسها بس بسكات
وقفت تقديرٍ لها ثم مشينا= دربٍ مشوه اهل القلوب العفيفات
امشي واردد ليتنا ماالتقينا=وش جابها عقب السنين الطويلات

اخوكم سعود



[/poet]

الشاعر
سعود الردعان
ارحب مدد ماهيب عدد
مرحبا من طبخة القهوه لسنام القعود
صح الله لسانك
بيض الله وجهك
وافي
جزل











مبدع
شايب عسر



ودعتك الله

لاخ العزيز الشاعر



سعود الردعان الهاجري

صح الله لسانك

لاهنت قصايدك رايعه بيض الله وجهك



ودعتك الله يالغالي

الشاااعر القدير سعووود الردعااان






يامرحبا بك ومسهلا




الله يوفقك اول وتاالي



وصح الله السااانك على هاتين القصيدتين التي تنم عن شاااعريه جزززززله ووفااء وصدق وعزه




صح الله السااانك مليووون


وحفظك الله

الأخوه / سالم العرجاني ونعير بن شلوان المحترمين

لكم مني اجمل تحيه وفائق الإحترام

ولكم جزيل الشكر على ماتكرمتم به من رد


تقبلوا خالص تحياتي

اخوكم / سعود

الأخ الشاعر / محمد العرجاني المحترم


تقبل مني تحياتي واحترامي


اخوك

سعود

الاخ الشاعر سعود الردعان الهاجري
جميل جدا ورائع ماخطه قلمك في كلا القصيدتين وماتحتوينانه من تعبيرات واسلوب وقوافي
صح لسانك وسلمت يمناك اول وتالي
لاهنت
تقبل تحياتي وتقديري
اخوك نايف العويمري

الأخ المحترم نايف العويمري

لك مني كل احترام وشكرا على تعليقك الذي اعتبره وساما اعتز به


تقبل تحياتي


اخوك / سعود

الأخ العزيز / سالم العرجاني المحترم

تقبل تحياتي


ولا هنت


اخوك / سعود

الله الله










وش هالدره













صح الله السانك يابو سعد









قصيده جزله














ولا هي غريبه عليك
















بس عندي ملاحظه







































تعال بعد































حلاها زايد
















صح السانك مره ثانيه















وتقبل تحياتي




.

الشاعر سعود الردعان

الله عليك ياشيخ

والله ما بقا لى قلب

كلش

وهالقصايد


المحزنه


اموت فيها


تقبل اعجابي الشديد


وتحياتى


وصح لسانك

ملللليون في ملاااااايين الملايين


اخوك الشاعر


السنافي

الأخ / العزيز السنـــــــــــــافي المحترم

تقبل تحياتي
وكل الشكر على تعليقك الذي اعتز فيه ولاهنت


اخوك / سعود

الأخ العزيز الشاعر / عايض العتيبي المحترم

لك مني اجمل تحيه وفائق الاحترام


وكل الشكر على تعليقك على القصيده

اخوك / سعود

الأخ الشاعر/ نعير بن شلوان المحترم


تقبل تحياتي واحترامي

وكل الشكر على تعليقك الذي يشرفني

عزيز ولاهنت

اخوك / سعود

سعود الردعان


تمكنك يالغالي واضح والله



استطعت ان تشبك القصيدتين بمشااااعرك الصاااادقه



لا يختلف عليك اثنين شااااعر بمعنى الكلمه


ويكفي ان الاولى لا يزااال صداااها باسماااعنا من خلال صوت الاسير محمد المطيري اللهم يفك اسره
مع اخوانه الاسرى




ما اقووووووووووووووول الا صح لساااانك يالردعاااان



تحياااتي
ابوفيصل..لنــدن