بديت القول واعدل مقاسه ** على ترتيب تفكير التماسه

بسم الله نبدا وخل معـــــــــــــــــكم صبـــــــــر لانها طويله شوي
===

بديت القول واعدل مقاسه *** على ترتيب تفكير التماسه

احاول قدر تفكير الظمير ***يصير القاف مافيه انتكاسه

اهزه بعد قزه لايطيح ****صحيح القول مايقبل طفاسه

ولااخالط قصيره بالطويل ***واعزل الغزل من باب ال*****

واشوف الدوس عذروب القصيد *** عزيز النفس مايقبل مداسه

واحب المدح في روس الرجال*** ولا ادخل نشيدي بال*****

ولاامدح واحد ماهو مديح*** على سبة يقدم لي لهـــاسه

عزيز النفس من ناس اعزاز*** عن الدنعات تبعدنا النحاسه

يعذربنا الزعل فينا سريع *** ولانصبر على ظيم وتعاسه

وانا احب النشيد الي يفيد*** تماثيل بها عرف وبهاســه

تعلمته بتفكير الفواد ***خذاه العقل من تفكير راســه

غرايز بالنفوس لها رسوس *** معانيها لبانيها حراســه




والقصيـــــــــــــــــده مانتهـــــــــــــت ابي اكملها بكره لاني ضعيف في الطباعه وراح اقول اسم الشاعر في نهايتها بس الي يعرفه لايحرق اوراقي

تقبلوا تحياتي

اخوكـــم واخو كل طيب
شقران

[تم تعديل الموضوع من قبل شقران بتاريخ 02-03-2001 الساعة 08:36 PM]