قصيدةالإبل، البر، المقناص_إهداء خاص

[gl]قصيدة الإبل..البر..المقناص[/gl]

[/shdw] هذه القصيدة تطلب مني كثيرا ً في المجالس .... أسميتها " الكيف والمشهاة " .... فأسموها قصيدة الابل والبر والمقناص....هي قصيدة مجالس ( رجال ) بالدرجة الأولى،،، طلبها مني صحفي عزيز مهتم بالتراث فلم ألبي طلبه لعلمي بعدم صلاحيتها للصحافة ......... سر نشرها هنا أن أحد أعز من عرفت طلبها وهو بدوي مقيم في "هجرة " في الشمال .... قلت له سأبعثها لك في الفاكس فقطع مسافة وذهب لبلدة مجاورة ومع الأسف خانه ورق الفاكس !!!!! فأقسم إلا إن يأتي نهاية الاسبوع ليأخذها يدا ً بيد ( لويترك المرابطة )!!!...فكرت ثم اتصلت به وقلت له عندكم مقهى انترنت ؟؟؟!!! فقال : استح يارجال ؟؟؟؟!!!! المهم بعد عدة محاولات اكتشفت ان عند أحد أصدقاء زميله!!! جهاز انترنت وبعد تنسيق مكلف مع صديق زميله؟؟؟ قلت : سأضعها لك في النداوي ولا أوصيك اطبعها للرجال ووصلها له في مقر عمله .... لعله يصد ّق كلامنا .........إليه و إليكم مع التحية/


أنا مولع ٍ فــ البر ماقدر على فرقاه
..............................وانا عايش ٍ في البر واغليه واحبــّــه

من يومي صغير وهو ... هوا القلب وهو دواه
............................... وهو طب جرح ٍ خافي ٍ مالقي طبــّــه

خصوصاً ليا منه نشا الخير من منشاه
.............................. ولاحت بروق ٍ فــ المناشي ( تعقربــّــه )

لاهوب "صفري" ولا شتا .... بين ذاه وذاه
.............................. على اول دخول الوسم ، والماطر يصبــّــه

بروقه... تدل الساري اللي غوي ممشاه !
................................ ورعوده ... تخلي الكافر يسبح لــ ربــّــه !!

ينسنس له الشرقي ... ولامن تنثـــّــر ماه
................................ يسيل السهل ، والقاع ، والضلع ، والخبــّـــة

مزون ٍ "حقوق" ، وسيلهل يتسع مجراه
................................... سواة البحور الزرق .... لكن بلا غبــّــة !

ولامن ّ تم اسبوع .... جاب النبات اقصاه
................................. وجا تسوقه الارض !! وسماها ترحبــّــه!!!

يشقــق "حشاط الارض" وان جيت ابي حلياه....
..................................... كما يشقــق الزلزال في محكم الصــبــّــة؟!!

نواوير "بسباسه" و"حوّاه" و"خزاماه"
......................................لاهب ّ النسيم ، وقامت الريح تلعبـــّــه

لياجيت ابا أوصــّـف ، وبا ادوّر الاشباه
...................................... بيعجز خيالي ... ويش اعدّ ..؟ ووش اشبــّــه؟؟!

كما " الزّل" من (شيراز) في دار "شاهن شاه"
.......................................وراعيه من شان الوزير يتقربــّــه

عطاه الوزير ..... وبيــّــض الوجه يوم اهداه.....
..................................... واخذه الوزير وقام يفخر ، وينصبـــّــه

نبات الفياض يشوق ... لو بالعيون ارعاه
...................................... وتشوقني لحون "أم سالم " تهندبــــــّــــه

أقول : اسكتي !!!! خل المولــــّــــــع يجر غناه ....
....................................... وتكوسر لحون ٍ كنها موجة منبـــّـــه

هذي هي طراة العمر ، والكيف ، والمشهاه
....................................... تجلـــّــي هموم ٍ في ضميري تعاقبــــــّــه

إلى جيت "قفر ٍ" ينشرح خاطر اللي جاه
....................................... وينساح بالي يوم اشرّق ، واغربــّـــــه

من قل ّ العرب كنه يرحب بمن ينصاه
........................................ فسيح ٍ ، خصيب ٍ ، خالي ٍ ماحد ٍ طبــّــه

مايحري به الشاوي .... ولاتاصله معزاه
...................................... ماغير الضواري كل ليل ٍ تقانبـــّـــه

مداهيل ( ملحا ً ) فــــ اوّل الذود ماتتلاه
...................................... شحمها يضيم ردوفها كنه القبــــّــــة

عراض ٍ " اباهرها " لها زور ماشا الله
................................... سناد الظهر ... ماهيب قدام منصبـــّــــة

ليا من لاح البرق ... فالبارق مشقــــــّـــاه
................................... مرابيعها في نجد تشمل ، وتجنبـــّـــه

راعيها لاعد وصولها فــ العدد ماتاه
.................................... لها معمق ٍ طيب ....والامثال تضربـــّـــه

أبوها... حسين الطبع ، ومعرّب ٍ مجناه
................................... عن برد الشمالي كنه ملبــّــس ٍ جبـــــــــّـــــة

لله العجب !!! ....ياكبر خفه ، ياطول خطاه
..................................ومن حيث ماتنظر وصوفه تعجبــــّــــــــه

ولامن عدا ... صفق البراطم كما " الموجاه "
....................................ليا دقها اللي محكم ٍ طحنة الحبـــّــــــــــــة

أذانيه روس حراب شيخ ٍ رفع شلفاه
.................................. من اهوى عليه يروح رجليه منجبــــــــــّــــــــــة

وثمرة الكلام .... البر شفق ٍ على طرياه
................................... وقصر المدينة ... ماهويته ، ولا ارغبــــــّـــه

راعي القصر ... مايدري عن الضيف لاناداه
.................................. ومن دونه البيبان ، والقفل ، و " الضبــــــّـــــة "

لكن البداوة هي هوا خاطري ومناه
................................ وعرف النشاما مكسبي واتكســـــّـــــبـــــــــّـــــــه

لاخاويت ربع ٍ من هل الطيب ، واهل الجاه
................................على بداية المخضار والنار مشتبـــــــــــّـــــــــه

ودار الحديث ..... وكل رجل ٍ على مركاه
................................... سوالف نشاما ..... لانميمة ،، ولا سبــــّـــــة

ماهي خوة اللي رفقته كذب ، ومراواة
...............................كما قالت الامثال : يخذ معك عبــــــــّــــــــــة

ويبلاك ... ولسانه بزود الحكي يبلاه
............................... هذا يجرح شعوره ،،، وهذا يعذربــــــــــّـــــــــــــه

لكن الاوادم كل ٍ يحول دون حماه
................................ ومن يخطي تجيه الغرابيل منكبــــــــــّــــــــــــة

لابد العرب تركي على راسه " العرقاة "
................................... لكن اتركه قدام ينشب ..... وتنشبـــــــّـــــــــــه

وانا ارافق الطيــّــب وحرص ٍ على لاماه
.................................. وقد قالوا العراف : كب الردي كبــــــّـــــه

هذي وجهتي .... والناس كل ٍ بحسب ارياه
............................... وكل ٍ على مايشتهي قاضي ٍ نبــــــــــــّـــــــــــه

وهذا الكلام اللي علي ّ الضمير املاه
................................. والاوراق تطلب ،،،، واسود الحبر يكتبــــــّــــــه






[shdw]وسلامتكم والعذر على طول القصيدة

الشاعر / سفر الدغيلبي

صح الله اللسانك على هذه القصيده التي

في مقمّة النجاح والروعه وهي صراحه تعتبر

قمّه يعجز التعبير عنها وعن شاعرها وفيت وكفيت

والله لايهينك ....

ولك خالص تحياتــــــــي ....

اخوك/ ســـااااااااااااااالــــم ...

الأخ الشاعر / سفر الدغيلبي




صح إلسانك ولاهنت



وقصيده وافيه يا وافي




تقبّل فائق إحترامي ويحيّاتي لك



أخوك / بدر

سلمت ياسفر ..

ماشاء الله عليك جامعها نظم ومحاورة .. وطيب ومرجله ..

اشكر لك تواصلك معنا ياخوي سفر ..

تقبل اعجابي بالقصيده .. وباسلوب قائلها ..


تحيااااااتي

اخوك

حمد السحيمي

صح لسانك يا سفر


ويعطيك العفايه عزيزي


ننتظر جديدك القادم


وإلى لقاء ٍ قريب



أخوك \ بدر المشاعر

لا هنت يا سفر

وصح السانك مليار

جزل من راس جزل


تحياتي لك

صح لسانك يا سفر


ويعطيك العفايه عزيزي


ننتظر جديدك القادم

أخي سالم بن وحير..................






بعد التحية


العذر ياسالم على التأخير انت وجميع الاخوان



شكرا لكل حرف كتبته يداك



وشكرا لاهتمامك



و............................لك




(تركت المكان فراغا لأن كلمة الشكر قليلة في حقك ولم أستطع التعبير)




عذرا...............وشكرا

[ALIGN=CENTER][/ALIGN]

اررررررررحب ياسفر

وياهلا وغلا

وعاش من شافك


صح السانك ياذيبان من بحرها لابحرها

وزانت علومك طاب فالك


اسلم وسلم لي على الديره واهلها

ولك تحياتي

الدغيلبي


صح لسانك

هذا القصيد وانا اخوك مير يجوز للاعلام ولا مايجوز ماعليك منهم...

صح لسانك ملايين...

مرحبا بك ياسفر



حيه وحي ماجابه




قصيده تزوود في الرووووح يالدغيلبي



صح الله السانك



وسلم بنانك



ولك سلامي يالذيب

سفر

سافرنا للمكان اللي وصفته

الله يصح لسانك

وبيض الله وجهك ووجه راعي الهجره كله بركه

وصدقت ..هذي هي طراة العمر ، والكيف ، والمشهاه
....................................... تجلـــّــي هموم ٍ في ضميري تعاقبــــــّــه

إلى جيت "قفر ٍ" ينشرح خاطر اللي جاه
....................................... وينساح بالي يوم اشرّق ، واغربــّـــــه

من قل ّ العرب كنه يرحب بمن ينصاه
........................................ فسيح ٍ ، خصيب ٍ ، خالي ٍ ماحد ٍ طبــّــه

مايحري به الشاوي .... ولاتاصله معزاه
...................................... ماغير الضواري كل ليل ٍ تقانبـــّـــه

مداهيل ( ملحا ً ) فــــ اوّل الذود ماتتلاه
...................................... شحمها يضيم ردوفها كنه القبــــّــــة

عراض ٍ " اباهرها " لها زور ماشا الله
................................... سناد الظهر ... ماهيب قدام منصبـــّــــة

صح لسانك


وتقبل تحياتي

وسجل متابعتي

وسلم على راعي الهجره اللي تسبب لنا

[ALIGN=JUSTIFY]

صح السانك يا سفر والله لا يهينك




تحياتي لك






عبدالرحمن البراك[/ALIGN]

ياسلام عليك يالدغيلبي


قصيده قمة قمة يا سفر



صح لسانك ولاهنت



تحياتي لك