يمّه .. دخيل تراب ماطا رجلك الدمع احبسيه

اخوي الغالي دائماً حامد مناور
او ( نود الشمال) كما يحلو لي تسميته
عاد تدري وانا انجز هالقصيده مادري كن اللي مطريك على بالي
يمكن لأنك اول من سمعها
لا خلا ولا عدم يالغالي
وعساني دايم عند حسن ظنك

مع التحية...

رائع يامحمد الدحيمي

كلمات جدا تستحق التصفيق من الجميع
تحياتي لك
حبيب قلبي

وهذا انا ارفع قبوعي لك الف مره اعجاب بما تكتب

[تم تعديل الموضوع من قبل لورنس بتاريخ 01-31-2001 الساعة 08:17 AM]

إستمر

هكذا أنت أيها الجنوبي المبهر .. وهكذا هي قصائدك
زدنا إمتاعاً .. ولا تبخل .. طالما أن ملهمتك هنا
هي أمك.

يامحمد مابقى للشعر من بعدك بقايا
،،،،،، لعنبو منهو يناظرها ولاتذرف دمـوعه
ياأخي قصيدتك بامك تسوي بي سوايا
،،،،،،الف لوعه والله انها سببت لي الف لوعه
اربكتني جننتني كل بيت وله مزايا
،،،،،،وامزعت قلبي قسم بالله ضاقت به ضلوعه
انت قلبك ماسكن صدرك يسار بالحنايا
،،،،،،انت قلبك من يمين ويسقي احساسك فروعه

اخوي محمد لالا لالا ابوي محمد

(وان من البيان لسحر)

عندي طلب بسيط اذا تكرمت
اذا جيت بتكتب قصيده مره ثانيه قولنا على شان نجهز انفسنا
لانه حرام اقرا قصيدتك وانا لابس بدلت العمل
والله لو اني داري عنها قبل لا اقراها
كان لبست المشلح والشماغ وشبيت الجمر وحطيت العود الازرق
وطيبت قصيدتك

الله واكبر عليك
اخوك:
امرىء القيس

اخوي الغالي ولد عبس

تسلم وتبقى

لا خلا ولا عدم

الغالي لورنس الفرحان

يسلم والله القبوع وراعيه

عساني دايم عند حسن ظنك

لا خلا ولا عدم

اخيتي نجدية سدير
هلا والله ومليون غلا
اشكر لك مداخلتك الجميله وماخطته اناملك من إطراء ربما لا استحقه
اتمنى ان اكون عند حسن ظنك
لك كل تقديري واحترامي

اخوي الغالي امريء اقيس

ياهلا والله ومليون غلا

ياخي اول مره احس اني عاجز عن الرد علماً اني شاعر محاوره قبل النظم
العزاء يمكن يكون اني ماقدر اوصل لها الروح وها لطيب اللي عطاك الله

لاخلا ولا عدم وعساك والله ذخر

وبالنسبه لطلبك يكفيني منك كرماً قراءتها

وانا ابانزل قصيده بعنوان رابع اخواني اليوم انشاء الله
وتامر امر

عساني ماعدمك
لك كل التقدير والأحترام

[مهاجر]

أخي محمد ( أبو بدر )
ما شاء الله عليك جد مبدع
والحمد لله أنهم أرسلو لي كلمة العبور حتى أشيد بهذا التميز الفريد وإذا كان في الشعر العربي الفصيح يتيمة الدهر ، فبنظري أن قصيدتك هذة هي يتيمة الدهر من الشعر الشعبي إلا أن تأتينا برائعة أخرى .

تقبل تحيات أخيك مهاجر ؛؛؛؛؛؛

اخوي مهاجر

هلا والله وغلا

يكفيني بس من الشعر انه عرفني عالنشاما مثلك وشرواك

عساني عند حسن ظنك يالغالي

لا خلا ولا عدم

صار لي فترة كل ما بغيت أبدي رايي ما لقيت الوصف المناسب
إن قلت طيبة....ما يكفي
وان قلت روعة....قصرت بالوصف
وان قلت تحفة.......ساويتها ببعض القصائد التحف
وكل ما اقوله:

أنك غواص للدرر

وإنك قناص المعاني


ما كل من دش البحر صـار غـواص........ولا كل من هام المراجل تجيله

ولا كل من يركض ورا الصيد قناص........ولا كـل تفـّاق يـصيـد الجميـلـه
(لعبدالله الصقري)




[تم تعديل الموضوع من قبل الفهد بتاريخ 02-02-2001 الساعة 11:45 AM]

اخوي الغالي الفهد

ابيك اولاً تعذرني يالحبيب

والله اني احسب اني رديت عالجميع

لكن استميحك العذر مره اخرى

لاهنت يالغالي وعساني ماعدمك

عساني دايم عند حسن ظنك

اتحيا وتدوم

لهذا الرائع بصمات في هذا المنتدى وقريبا سيعود الى الاسرة النداويه.


اخوكم/الواثق

رجعت مثل اللي طلب ثار ولده من عند اخيه
ــــــــــــــــ وشديت بالقعدان حملي يوم ضيعت الزمل


.اشهد لله انك ابدعت يالدحيمي. فيك ياريال . الله يهب لك حظ