Tweet
اخواني الغالين في منتدى النداوي
اسعد الله اوقاتكم بالخير والمسرات
قصيد’ رثاء في والدي المغفور له بإذن الله /حمد بن سعود الدهيمي البقمي
لاتفيه حقه ولكن ...
واعتذر منكم عن غيابي السابق واطلب منكم الله يرحم والديكم انكم تدعون لابويه بالرحمه والمغفره
وعساكم ماترون مكروه فيمن تحبون ان شاء الله...
[poet font="Simplified Arabic,14,black,normal,normal" bkcolor="" bkimage="http://www.nadawi.com/bg/photogallery/photo9484/back-012.gif" border="groove,7,gray" type=0 line=200% align=center use=sp char="" num="0,black"]
قدّام شهر الحج ينقز هلاله=ماباقي الاّ ليلتينٍ وينزال
جرى لدمعي فالعيون اجتواله=والدمع من يوقف مسيله لياسال
وكتمت لي بين الضلوع انفعاله=واونستلي تحت المعاليق زلزال
من حالةٍ عقب اذّن العصر حاله=وقفت منها عاجزٍ ما اقدر احتال
وشربت من براّد حزني بياله=واخذتلي من دلة الغبن فنجال
على فراق اللي كرامٍ سباله= اللي لضيفان المواجيب مدهال
موقف فراق ابوي ياناس ياله=من موقفٍ مثّر وانا منه مهتال
طيّب ويسألني واجاوب سواله=وفجأه تردّت حالته ياللأهوال
وانا انصدمت وخفت ممّا جراله=ادعي ودمعي فوق الاوجان همّال
وتليّموا حوله وكلاً عداله=كل الدكاتر جالها اقفاي واقبال
وشالوه من فوق السرير بعجاله=واوزوه في قسم العنايه على الحال
وبعد شويه علموّنا بحاله=قالوا توفّى ابا المكارم والافعال
وانهل دمعي قبل لااوحِ المقاله=الله ولافالٍ يجي مثل هالفال
اهبّي دنياً تاليتها حثاله=تسقيك كاس المر عقب التبهلال
مير احمد الله يوم ماجاه عاله= وجت موتته سهله بليّا تغلغال
صبرت ولصبري عليّه جماله=لين الغطا شاله عن الوجه شيّال
واسفر بوجهٍ زاد نوره جماله=تقول يضحك ضحكةٍ كلها اجلال
ساعة لمحته قلت ياعزتّاله=وارخصت له من غالي الدمع شلال
يالله لاتقطع عراوي حباله=وتحط له في جنة الخلد منزال
ويالله تجزى خير من جا وشاله=ثم غسّله لوكان ماهوب غسّال
ثم طيّبه من طيبه اللي حلاله=ثم صارله فالقبر ماقف ومحوال
ويالله عسى نواً تزبّر خياله= يبرق ورعّاده غداله تجلجال
يرخي على الثقبه مقاديم فاله=ويركد ويسبل فوقها وبله اسبال
ويسقي ثرى قبراً يضم الشكاله=ويبرّده ربي من الجال للجال
يالله عسى قبره مقيماً ظلاله=تحته رياض وفوقه ابراد وظلال
وتسقيه من خمرٍ لذيذٍ زلاله=حيثه توفّى ماشرب خمر الانذال
بحسناك يامن كل خلقه تساله=يامنزلٍ سورة تبارك والانفال
اليوم ماعندي ياكود الدعاله=ولاّ البكا مارد فانين الاجيال
ياعين دمعك مايفيد انهماله=كفّي وعزّي فالبطل كل الابطال
كفّي وعزّي في وفاته عياله=لاهم بمن عالوا ولاهوب من عال
وعزّي بني عمه رجال الجزاله=وعزّي بنيخٍ كنهم حسبة عيال
وعزّي عموم بقومنا في زواله=والآد داهم خص رجّال رجّال
وعزّي سبيع اهل المكارم خواله=آل القريشي متعبة كل خيّال
وعزّي الشجاعه حيثها راس ماله = يكعم بها خشم المعادي ليا عال
وعزِ الكرم حيث الكرم من خصاله=في ذمتي ماني بما قلت دجّال
وعزي عويّد ثم عزي دلاله= وعزي نفاد المال فـ منفّد المال
وعزي من اللوعه سلالة شعاله=ذلوله اللي مالها عنده امثال
عزي ترى بعض المصايب جلاله=تبلابها الاجواد والحزن قتّال
وابويه اللي شد واقفت رحاله=ياليتني قبله على القبر منشال
عند اللقا يثبت بقاله وطاله= ياعنك ماجنّب عن وجيههم ذال
ريف الضعيف وفزعة اللي عناله=ومتن الرفيق اللي لما ثقل شيّال
وابوي ماجياً لي ابواً بداله=ولاكن في عيني عقب زوله ازوال
والله لاموت وكنّي اسبر خياله=وطيفه يراودني بممسى ومقيال
وان قيل تدله قلت ماني بداله= لاوحيت لي عزّام جابه على البال
وشلون بانسى ابوي عقب ارتحاله= وانا تذكّرني به افعال واقوال
والله للاي اخشى انّي احيي الجهاله=لاشق ثوب الستر وابدي فالاقذال
لاكن ذا امر الرب جلاّ جلاله=سبحان رباً في يده حتم الآجال
لعل صبري ماتزعزع جباله= والحمد للمولى على كل الاحوال
سعود الدهيمي
[/poet]
اسعد الله اوقاتكم بالخير والمسرات
قصيد’ رثاء في والدي المغفور له بإذن الله /حمد بن سعود الدهيمي البقمي
لاتفيه حقه ولكن ...
واعتذر منكم عن غيابي السابق واطلب منكم الله يرحم والديكم انكم تدعون لابويه بالرحمه والمغفره
وعساكم ماترون مكروه فيمن تحبون ان شاء الله...
[poet font="Simplified Arabic,14,black,normal,normal" bkcolor="" bkimage="http://www.nadawi.com/bg/photogallery/photo9484/back-012.gif" border="groove,7,gray" type=0 line=200% align=center use=sp char="" num="0,black"]
قدّام شهر الحج ينقز هلاله=ماباقي الاّ ليلتينٍ وينزال
جرى لدمعي فالعيون اجتواله=والدمع من يوقف مسيله لياسال
وكتمت لي بين الضلوع انفعاله=واونستلي تحت المعاليق زلزال
من حالةٍ عقب اذّن العصر حاله=وقفت منها عاجزٍ ما اقدر احتال
وشربت من براّد حزني بياله=واخذتلي من دلة الغبن فنجال
على فراق اللي كرامٍ سباله= اللي لضيفان المواجيب مدهال
موقف فراق ابوي ياناس ياله=من موقفٍ مثّر وانا منه مهتال
طيّب ويسألني واجاوب سواله=وفجأه تردّت حالته ياللأهوال
وانا انصدمت وخفت ممّا جراله=ادعي ودمعي فوق الاوجان همّال
وتليّموا حوله وكلاً عداله=كل الدكاتر جالها اقفاي واقبال
وشالوه من فوق السرير بعجاله=واوزوه في قسم العنايه على الحال
وبعد شويه علموّنا بحاله=قالوا توفّى ابا المكارم والافعال
وانهل دمعي قبل لااوحِ المقاله=الله ولافالٍ يجي مثل هالفال
اهبّي دنياً تاليتها حثاله=تسقيك كاس المر عقب التبهلال
مير احمد الله يوم ماجاه عاله= وجت موتته سهله بليّا تغلغال
صبرت ولصبري عليّه جماله=لين الغطا شاله عن الوجه شيّال
واسفر بوجهٍ زاد نوره جماله=تقول يضحك ضحكةٍ كلها اجلال
ساعة لمحته قلت ياعزتّاله=وارخصت له من غالي الدمع شلال
يالله لاتقطع عراوي حباله=وتحط له في جنة الخلد منزال
ويالله تجزى خير من جا وشاله=ثم غسّله لوكان ماهوب غسّال
ثم طيّبه من طيبه اللي حلاله=ثم صارله فالقبر ماقف ومحوال
ويالله عسى نواً تزبّر خياله= يبرق ورعّاده غداله تجلجال
يرخي على الثقبه مقاديم فاله=ويركد ويسبل فوقها وبله اسبال
ويسقي ثرى قبراً يضم الشكاله=ويبرّده ربي من الجال للجال
يالله عسى قبره مقيماً ظلاله=تحته رياض وفوقه ابراد وظلال
وتسقيه من خمرٍ لذيذٍ زلاله=حيثه توفّى ماشرب خمر الانذال
بحسناك يامن كل خلقه تساله=يامنزلٍ سورة تبارك والانفال
اليوم ماعندي ياكود الدعاله=ولاّ البكا مارد فانين الاجيال
ياعين دمعك مايفيد انهماله=كفّي وعزّي فالبطل كل الابطال
كفّي وعزّي في وفاته عياله=لاهم بمن عالوا ولاهوب من عال
وعزّي بني عمه رجال الجزاله=وعزّي بنيخٍ كنهم حسبة عيال
وعزّي عموم بقومنا في زواله=والآد داهم خص رجّال رجّال
وعزّي سبيع اهل المكارم خواله=آل القريشي متعبة كل خيّال
وعزّي الشجاعه حيثها راس ماله = يكعم بها خشم المعادي ليا عال
وعزِ الكرم حيث الكرم من خصاله=في ذمتي ماني بما قلت دجّال
وعزي عويّد ثم عزي دلاله= وعزي نفاد المال فـ منفّد المال
وعزي من اللوعه سلالة شعاله=ذلوله اللي مالها عنده امثال
عزي ترى بعض المصايب جلاله=تبلابها الاجواد والحزن قتّال
وابويه اللي شد واقفت رحاله=ياليتني قبله على القبر منشال
عند اللقا يثبت بقاله وطاله= ياعنك ماجنّب عن وجيههم ذال
ريف الضعيف وفزعة اللي عناله=ومتن الرفيق اللي لما ثقل شيّال
وابوي ماجياً لي ابواً بداله=ولاكن في عيني عقب زوله ازوال
والله لاموت وكنّي اسبر خياله=وطيفه يراودني بممسى ومقيال
وان قيل تدله قلت ماني بداله= لاوحيت لي عزّام جابه على البال
وشلون بانسى ابوي عقب ارتحاله= وانا تذكّرني به افعال واقوال
والله للاي اخشى انّي احيي الجهاله=لاشق ثوب الستر وابدي فالاقذال
لاكن ذا امر الرب جلاّ جلاله=سبحان رباً في يده حتم الآجال
لعل صبري ماتزعزع جباله= والحمد للمولى على كل الاحوال
سعود الدهيمي
[/poet]
تعليق