( هذه قصيدة خلف العتيبي بالجنادرية 16 )

للجميع نهدي قصيدة خلف العتيبي في الجنادرية 16 حيث نشرة عن طريق الأخ شقران وكان بها نقص على العنوان التالي
http://www.alnadawi.net/vb/showthrea...=9575#post9575
.. وقد تم تكملتها والتأكد منها . واليكم القصيدة مع وافر تحياتي للجميع :


كل مخلوق على المولا اتكاله
يكتب الارزاق والغاوي يدله

ربنا معبودنا جل جلاله
ما نصلي مانصوم الا رضا له

في خراميس الدجى الدلقس نساله
يقضي الحاجه ويستر كل خله

سامع الدعوه يلبي من دعاله
دامح الزلات ما تخفاه زله

والبدع بالدين مفتاح الضلاله
مالنا عن ملة الاسلام مله

والتلاعب بالعقول من الجهاله
والسياسة من طبيعتها ممله

والوطن تولد على الفطره رجاله
والشهور الغر تولد بالاهله

والعمل بالراي فتله وانحلاله
افتل المنحل والمفتول حله

لاح برق الوسم بدري في خياله
كل مايرعد اتمي مستهله

طابت الوديان من صافي زلاله
والاراض الجرد لبست كل حله

وانسجم طير الربيع وطاب فاله
من سمع صوت المغني ما يمله

ربع الراعي وضحى في حلاله
واصطحب ضيفه على منسف ودله

في ربوع المملكه وارض الرساله
جو ماطر والخواطر مستهله

الحرس يظهر تراثه باحتفاله
والرياض ام الثقافه تحتفله

لبست الثوب الجميل ام الجماله
عاصمتنا ام العواصم مستضله

بالامان اللي تهزع في ضلاله
والخمايل والمشاريف المطله

حي ابو متعب وترحيب جراله
متكاه المسك والريحان زله

مرحبا باللي بذل جاهه وماله
نجدة المحتاج صارت له جبله

من كثر مايارده ماضاق باله
للبعيد وللقريب في محله

مادرت عن مدت اليمنى شماله
في سبيل الخير منها الخير كله

الرحوم المحترم في كل حاله
الدواء الشافي وللعلات عله

البطوله والرجوله والبساله
مسهمه وانقول والله مسهم له

والسماحه والصراحه والعداله
عند عبدالله وظل الناس ظله

الشريعه ممتطيها له خياله
والعدل سيفه ومن حقه يسله

ماخضع راسه لراس ولنحنى له
خاضع لله واما الناس لله

يسهل الحمل الثقيل اليا ارتكاله
عانز له بالعضود وبارك له

عون من لوذ بجاله وارتجاله
مصدر الحكمة وفكاك الشكله

يسعد ايامه ويسعدله لياله
ويسعد الله عضده اللي يمتثله

ابو خالد كامل اوصاف الشكاله
ساعده واقوى المعاصم معصم له

والكرامه والشهامه من كماله
راحته تندى وفعله شاهد له

والتآلف والتكاتف من خلاله
التفاف الشعب حول قيادة له

قاتل الله من لا نقوى قتاله
يدفع البلوى وتصبح مضمحله

وش طرى للشرق الاوسط وش طرالهد
كانه الكوره بيد لعاب سله

التصدع بالصفوف اكبر دلاله
ما تليمه الخطوط ولا تشله

صعب في جسم العرب عقب اعتداله
ماتخيطه المخايط والاخله

والتضامن للعرب صعب مناله
مابعد تجمعو تحت المضله

القلوب اشتات والضحكة ختاله
لو تبلج عن ثناياها مغله

ابتسامات عريضة وابتهاله
بالحفاوة والعداله مستجله

والعدو اللي تكدر ما صفاله
لايس ثوب الصديق ومستغله

الحماقه من نفاقه في خياله
بالخديعه والخداع يبيع خله

صدقه او لاتصدق في مجاله
ماينام الا على حقده وغله

ثم صلاح الدين من رشح بداله
لا صلاح ولا بديل له لا بله

مثل من نادى الجهاد ومنه باله
طب سوق الماجدات وصفق له

فجر الشاشة حماسه وانفعاله
قل له انت اللي فتحت القدس قل له

انتزاع الحق ماهو بالسهاله
ناشب من يبغى عصامي يتله

ينقذ المكتوم ويقطع حباله
للحريب يقول ما احتليت خلّه

يصرخ القدس الشريف وعزتاله
من براثن عنصري مستحلّه

مارس انواع الخساسة والنذاله
والخيانة والمهانة والمذلّه

واصبحت عهدة عمر تحت احتلاله
زود الطينة على ما قيل بلّه

دقت اجراس الفرج وأقبل زواله
عندنا في دفتر البصمات أدله

أرموا أوراق التفاوض بالزباله
أسود التاريخ ما ينظف سجلّه

حفنةٍ جتنا من الخارج حثاله
شرذمه متصهينه عفنه وقله

روجت فينا سماسرة العماله
لهمتنا من جحيم الصبر مله


طغمة ما عاشت إلا بالحياله
هانت الأمة وأعزتها أذلّه

يمضي الشعب المحاصر في نضاله
يبدي التحرير من حله لحلّه

كيف نسكت ونتفرج باغتياله
نسمع الصايح يصيح ونستزلّه

عن فلسطين الجريحة لا محاله
بالسلاح تعود حرة مستقلّه

من شرار الحرب ياسرع اشتعاله
عن ظهور الخيل رموا بالأجلّه

في ذرى شيخ حمي البيرق وشاله
وإن حدا الحادي على العادي يفلّه

من نخاه بساعة الضيق إنتخاله
نخوة محدٍ تنخوى نخوةٍ لّه

كم مضى له بالشدايد؟ كم مضى له؟
من فعول طيبات ومقبللّه

إمتداد العز ونردد عساله
البقاء وبوافر الصحة لعلّه

الجزيل اليا تنادو بالجزاله
المروه في فهد طبعه ودله

نعم بالقايد ونعم بالسلاله
أبو فيصل كل ما نملك فدالّه

ابن من ضم العرب والهم زاله
لم شمل عروبته وامسوا هللّه

يرحمه ويبارك الله في عياله
الملوك اللي جلت للحق سلّه


الشاعر : خلف بن هذال العتيبي

[شلاع]

بيّض الله وجهك على هالهديّه وصح لسان شاعرها وزيزومها.
وتقبّل تحيات اخوك شلاع.

تسلم ياسهم المنايا وهلا وغلا

اخوك
شقران

بسم الله الرحمن الرحيم

تسلم يالسهم ..

دايم ماتقصر معنا ..