خــــــــــــــــداع ؟

الله الله يا الشاعر الجزل سعد الدوسري

عادتك و لا هيب غريبه ما تجيب الا الرائع من الشعر و الجزل من المعاني

لاخلا و لا عدم و الله يجعلك من ذا و زود

تحياتي

اخوك فيصل العاصمي

كـل جرحٍ ما يجي منك يا .. الطرف الخجول
وقـفّت لـه حـزمة ضـلوع مجنونك .. دفاع

وكـل فـتنه غـير فـتنة جـمالك .. ما تهول
وكـل حـبٍ غـير حـبّك .. متاهات وخداع


ياســـــــــــلام عليك ياسعد ...


شاعر انيق .. يرسم الشعر قبل كتابته ..!

الف صح لسانك ...


اخوك ...
خالد التميمي

مرحبا يا نواف آل مركوز



تشرّفني دايم بحضورك جعلني ما خلا منك

زدتني بهالمرور جعلك تسلم

صح بدنك ولا هنت

أقبل تحياتي

مدغم أبو شيبه

يا مرحبا

إطراء جميل أتمنّى فعلا أن أستحقه

ألف شكر ياغالي وأسعدتني بهالحضور

صح بدنك ولا هنت

مرحبا ومسهلا يا عبدالله

العويمر


أسعد بحضور من هم في شعرك وأخلاقك

شرّفت القصيده وراعيها نفداك


صح بدنك يا القرم

مرحبا يا ريم قطر

دايما تسعديني بتواجدك يا ريم

وسعيد بكرم تواصلك

لاهنتي وصح الله بدنك

وتقبلي تحياتي

مرحبا يا محمد الشهري


غالي واله يامحمد وحضورك له طابع خاص

لأنّي أغليك ويعجبني ماتكتبه

لاهنت وصح الله بدنك

مرحبا يا علي بن مشرف

أتشرّف بك والله ياعلي

كلامك الطيّب دافع .. ويعكس روحك الطيبه

لاهنت وصح الله بدنك ولاهنت

على هالمرور الي زادني

تحياتي

هلا يا واقعيه

لاهنتي على مرورك الطيّب

وإشادتك .. وكلامك الجميل

ألف شكر وصح الله بدنك

تــحيــّــاتي

مرحبا يا راشد فاروع

لاهنت جعلك تسلم وصح الله بدنك

ألف شكر على تشريفك للقصيده

تحياتي

مرحبا يافالح بن قشعم

الله يرفع مقدارك مثل مارفعت معنوياتي

أنت أستاذ يا فالح وأثق في ذائقتك لذا أفرح بإشادتك

صح الله بدنك يا غالي

تحياتي

سيّدي الراائع / سعود الدوسري

طابت اوقاتك أيها الرائع بحق


قصيدة مفعمة بالأفكار الرائعة والصور المدهشة . فعلاً لم أستطع تضمين احد ابياتها في ردي لأضفي عليه الجمال الخلاب فيها لاني وبصدق وجدت نفسي تائهاً بين روعة الخيارات المطروحة .

يبدو انك شاعرٌ عظيم بلا نفاق 000 فلاتخشى على نفسك من نفاقي انا لا ارد على من لا يزعزعني بشاعريته كما تفعل ويفعل القليل من المبدعين .
اعلم ان ردي ليس تتوجياً ولكنه على الأقل محاولة لإنصاف الشعر الحقيقي وتمييزه عن غيره .

واراك ستساعدني على زيادة عدد مشاركاتي بما تقدمه من روائع .

شكر الله لك هذا الفضل

ولاااااافض فوووك

اخوك الأصغر ::: خلف الكريّع

مرحبا يا أمسيه

شاعره متمكنه وإسم لامع

أشكرك على هالأطراء

وصح الله بدنك

تحياتي

مرحبا يا خالد الهطلاني

تشرفني دايم بتواصلك لا خلا ولا عدم

صح بدنك يا غالي وألف شكر على هالمرور

اقبل تحياتي

إنتهينا يازمن كل نجمٍ له .. أفول = قدّر الله طعنة الوقت في .. ظهر الشجاع

جعلها خيره ؟ .. ولو تفرح عيون العذول = ما يحمّل الآدمي حمل .. ما لا يستطاع!

ما خبرتك وأنت قلبي؟ .. على الشدّه زعول = لا حنى كاهل وسيع البنايد .. الإنهزاع

إقتنع وإرضى لإنّ الرضا .. أصل القبول = ما يقص المعضله كود .. حد الإقتناع

بالقدر .. ومنزّل العلم في العقل الجهول = أنت سلّم بالقضا .. أصلا الدنيا ضياع!

لنّ أكثرهم له بقمّة العليا .. ميول = ولأنّي أفرق عنهم إنّي .. شديد الإندفاع

من عشق سفح المعالي .. كره جرف النزول = ومن ضرا بالقاع ماعاد .. يغريه الرفاع؟

وما يخرّب رقّة الورد .. يا كود الذبول = وما يشوّه صفحة الحب .. يا كود الوداع

وأنت يالّي كنت أحسب إندفاعي لك .. فضول = ما دريت إنّ الغلا أوّله .. حب إطّلاع؟

شفني أمشي لك على الدرب .. طاويني النحول = وجهتي عينك .. وحفنة مواعيدك متاع

وياوجودي كان زلّ القدم .. قبل الوصول = وجد من جمّع حصيلة شقا عمره .. وضاع؟

كل جرحٍ ما يجي منك يا .. الطرف الخجول = وقفّت له حزمة ضلوع مجنونك .. دفاع

وكل فتنه غير فتنة جمالك .. ما تهول = وكل حبٍ غير حبّك .. متاهات وخداع

كن في عينك ليا أغضت هدب .. جيش المغول = رمشها سلطة ملك؟ .. كل ما يأمر يطاع؟

فيه قسوه .. عنجهيّه .. خطا .. لكن كسول = وأرضخت لأحكامه شعوب صدري .. بإنصياع!

وكن عودك لا تهزّع من الخطوه .. ملول = وكن بين الصدر والخصر .. ثورات ونزاع!

مهرةٍ ما درّبوها .. على قرع الطبول = كم تمنّى قنيها الناس .. سادات ورعاع؟

نعمةٍ وأدخل على الله .. عن عيوني تزول = معجزه تعطي الخيالات .. سيره وإنطباع!

كنت أفكّر كيف يسري غرامك؟ .. في ذهول = في الوريد أسرع من النار في .. عود اليراع؟

إنتبهت وشفت نفسي بدون شعور .. أقول = كل حبٍ قبل حبّك دريت .. إنّه خداع!
-
-
سعد
اسعدالله ايامك على هالجمال لا يترك عرق بالقلب الا ينفضه
حقا
حقا
حقا
حقا

روووووووووووعه وعذوبه لا يتقنها الا سعد الدوسري

واللله ان حرفك مشرط جراح يفتق الجرح ويخيطه بسلاسه رائعه لتعلم بان هذه هي مشاعري
حقا ليست مجامله يالغالي






تحيااااتي
اخووووووووووووووووووك_ابوفيصل (لندن)