Tweet
يسعدني أن أنقل لكم آخر ما كتب الشاعر الكبير/ محمد العلوش
[poet font="Simplified Arabic,14,black,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
يانفس لاتزعلين ولاتضيقين=منتي بنفسٍ من نفوس الصحابه
بيني وبينتس جدالٍ قد له سنين=مبطي ، ولا احدٍ من العالم درابه
تحمّدي دامتس بخيرٍ لذالحين=غيرتس حداه الزمان إلين جابه
لامن لقيتي ربع ماتستحقين=من واحدٍ مرجلة راسه هبابه
مثلتس يعذره، وذا طبع المساكين=في كلّ ديره طبايعهم تشابه
أنتي تعيشين فالواحد وعشرين=قرنٍ عسى الله يعدّينا مصابه
دامتس خلقتي وعشتي عام 2000=إنسي خراج السحابه، والسحابه
خلّيه لإبليس وعيال الشياطين=إلين يفتح لتس الرحمن بابه
مهما تشوفين كنّتس ماتشوفين=حتّاتس تنجين من جوّ الكآبه
هذا عصر تختلف فيه الموازين=فيه التقي ينقلب ريّس عصابه
عصرٍ هله والله إنْ ماهم بصاحين=دام إختلافه وصل حدّ التشابه
عصرٍ هل الدين فيه، تهمّش الدين=ينذر بيوم القيامه وإقترابه
عصرٍ ويملك زمام أموره اثنين=واللي بقا مثل مذّنة الخرابه
يامشين الشين لازِيّن وهو شين=لاقامت النفس تِجلب له جلابه
والله ماحن بذلاّن ورديّين=حنّا رجالٍ لنا عزّ ومهابه
وشلون نحمل مسمّى إنّا مسلمين=ونسيرنا بإسم مايحسب حسابه
رحنا للأقصين نشكي ظلم الأدنين=إلين رحنا لخلق الله نهابه
نخشى العواقب، وقمنا نردم الدين=إلين مانوّخ المسلم ركابه
والله مايضحك من دموع باكين=رجلٍ يخاف الله، ويخشى عقابه
الخشم لا لطم، أكيد بتدمع العين=حتّى لوّ انّه سبب مابي ومابه
حنّا المسلمين وأسلاف النبيّين=أهل الكرم، والشجاعه، والصلابه
الصايمين، المزكّين، المصلّين=ذراً يذرّي وينجي من لجابه
ورّاثة الدين، وأحفاد السلاطين=تاريخ ينبيك عن شيبه شبابه
إن كانها بالعدد حنّا ملايين=حنّا هم اللي لقالوا يندعابه
أمّا حياةٍ نعيش إبها عزيزين=ولاّ معاشٍ أخير إلنا ذهابه
العبد له يوم، ما للعبد يومين=كلٍّ ويومه مسجّل في كتابه
حنّا لنا وعد نصرٍ لو بعد حين=مادام معنا ملايكةٍ تهابه
الأمّه اللي وحدْها ترفع ايدين=لاقام شوف العرب يزمي سرابه
متى؟ ومن وين يالأمّه؟ على وين=يامن لكم دعوة الله مستجابه
[/poet]
للشاعر/ محمد بن جابر العلوش
اخوكم/ مشعل الزعبي
.
[poet font="Simplified Arabic,14,black,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
يانفس لاتزعلين ولاتضيقين=منتي بنفسٍ من نفوس الصحابه
بيني وبينتس جدالٍ قد له سنين=مبطي ، ولا احدٍ من العالم درابه
تحمّدي دامتس بخيرٍ لذالحين=غيرتس حداه الزمان إلين جابه
لامن لقيتي ربع ماتستحقين=من واحدٍ مرجلة راسه هبابه
مثلتس يعذره، وذا طبع المساكين=في كلّ ديره طبايعهم تشابه
أنتي تعيشين فالواحد وعشرين=قرنٍ عسى الله يعدّينا مصابه
دامتس خلقتي وعشتي عام 2000=إنسي خراج السحابه، والسحابه
خلّيه لإبليس وعيال الشياطين=إلين يفتح لتس الرحمن بابه
مهما تشوفين كنّتس ماتشوفين=حتّاتس تنجين من جوّ الكآبه
هذا عصر تختلف فيه الموازين=فيه التقي ينقلب ريّس عصابه
عصرٍ هله والله إنْ ماهم بصاحين=دام إختلافه وصل حدّ التشابه
عصرٍ هل الدين فيه، تهمّش الدين=ينذر بيوم القيامه وإقترابه
عصرٍ ويملك زمام أموره اثنين=واللي بقا مثل مذّنة الخرابه
يامشين الشين لازِيّن وهو شين=لاقامت النفس تِجلب له جلابه
والله ماحن بذلاّن ورديّين=حنّا رجالٍ لنا عزّ ومهابه
وشلون نحمل مسمّى إنّا مسلمين=ونسيرنا بإسم مايحسب حسابه
رحنا للأقصين نشكي ظلم الأدنين=إلين رحنا لخلق الله نهابه
نخشى العواقب، وقمنا نردم الدين=إلين مانوّخ المسلم ركابه
والله مايضحك من دموع باكين=رجلٍ يخاف الله، ويخشى عقابه
الخشم لا لطم، أكيد بتدمع العين=حتّى لوّ انّه سبب مابي ومابه
حنّا المسلمين وأسلاف النبيّين=أهل الكرم، والشجاعه، والصلابه
الصايمين، المزكّين، المصلّين=ذراً يذرّي وينجي من لجابه
ورّاثة الدين، وأحفاد السلاطين=تاريخ ينبيك عن شيبه شبابه
إن كانها بالعدد حنّا ملايين=حنّا هم اللي لقالوا يندعابه
أمّا حياةٍ نعيش إبها عزيزين=ولاّ معاشٍ أخير إلنا ذهابه
العبد له يوم، ما للعبد يومين=كلٍّ ويومه مسجّل في كتابه
حنّا لنا وعد نصرٍ لو بعد حين=مادام معنا ملايكةٍ تهابه
الأمّه اللي وحدْها ترفع ايدين=لاقام شوف العرب يزمي سرابه
متى؟ ومن وين يالأمّه؟ على وين=يامن لكم دعوة الله مستجابه
[/poet]
للشاعر/ محمد بن جابر العلوش
اخوكم/ مشعل الزعبي
.
تعليق