الامير/متعب بن عبدالله ...والجنادريه...في منتديات النداوي !!

الاهداء الى صاحب السمو الملكي الامير/متعب بن عبدالله بمناسبة افتتاح فعاليات مهرجان الجنادريه..فسموه الكريم كان وراء استمرار هذا الملتقى الثقافي الهام الذي يقام سنويا في عاصمة العرب الرياض..ولسموه ايادي بيضاء في وجود الشعر الشعبي في هذا المحفل حيث قام بجهود رائعه وعظيمه في سبيل دفع عجلة الشعر والادب الى الامام وكان وراء ابراز الكثير من الشعراء عبر منبر الجنادريه ولسموه منا كل الحب والتقدير.


ياســمو الطـيب يا ابوه يــاعمه

......................يــاولد من قمة المجد مرقــابه

يـاكــريمٍ بالســخافـايـضٍ جـمه

.....................من ورد كفــه من العســر يروابه

كلمــاضــاقت على مســــلمٍ يمه

.....................مــاله الامـتعـب الخـير يلجـابه

لـوتجـيـه الالاف لــلالاف ملتمــه

.....................يضــحـك حـجـاجـه ومن جاه حيابه

والله ان البـحـر يخجل عـلى دمه!

.....................رغـم كـثرة مـاه يقـل شــرابـه !؟

والبحــر مـاقـالها الا وله ذمه

.....................قــال متعـب لو معه كثري اصخابه

لو يقل المـال في ايديه مـاهمه

.....................مايـراوي يبـذل الخير في انصابه

وكـفه اللـي طيبه يعج ونشــمه

.....................لاقـبـض بالســيف عـدوانه تهـابه

متعـب اللـي ماكره عالي القمه

.....................اشـهـدان شـروى سـموه يوصـــابه

كــل مولـودٍ علـى ســيدي سمه

....................متعـب اللـي ويـن مـاراح يدرابـه

جعل مايعرض على النار بطن امه

....................وجعـل يسـلـم راس قـرمٍ لنـاجـابه


مع تحياتي


اخوكم الصغير/عبدالله بن فلاح الهاجري

بيض الله وجهك يالواثق




جعل مايعرض على النار بطن امه

....................وجعـل يسـلـم راس قـرمٍ لنـاجـابه


اللهم امين وصح الله لسانك اخوي عبدالله ياسلامي والله عليك قصيده وافيه وفي وقتهاوفي من يستحق المدح والذكر وبيض الله وجهك ووجه كل طيب سلمت يداك

اخوك شقران

الله يخليك لعين ترجيك

والله ان البـحـر يخجل عـلى دمه!

.....................رغـم كـثرة مـاه يقـل شــرابـه !؟

والبحــر مـاقـالها الا وله ذمه

.....................قــال متعـب لو معه كثري اصخابه


هاذان البيتان للاستشهاد على روعة القصيدةومافيها من حكم

البيت الاول حكمة والبيت الثاني يدل على كرم الامير متعب ماشالله حتى البحر يشهد له

اخوي ملفت الانظار صـــــــح لسانك وسلمت اناملك


اخواني واخواتي النداويينلا يدري اخوي الواثق اني سرقت صورته(وحدة على بالها انه مارح يقرا كلامهاlool) سرقت صورته من موقعه زي ذوق المعاني لمن سرق صورة خالي النداوي .. وحدة بوحدة والبادي اظلم


.




[تم تعديل الموضوع من قبل الواثقة بتاريخ 01-19-2001 الساعة 02:17 AM]

يا والله اللي سرقنا عينك عينك !!!!!!؟؟؟؟؟؟؟؟؟

اخو نـــــــــــوره...صورتي وش جابها...حسبي الله على شيطانك يالواثقه...سويتيها فيني وسرقتي صورتي...والله اني اول مادخلت ابي ارد وشفت صورتي اني مدري وش صابني..على طول رحت اشيك على موقعي اتفقد باقي الصور...لايكون شليتيهم كلهم لا وازيدك من الشعر بيت تفاجأت اني عينت نفس الصوره...وبعدين هذي كيف كبرتيها اللي في المنتدى صغيره...لاوالمصيبه اني يوم طالعت في اسمك الاحاطك الخال مراقبه..يا والله اللي ضعنا بينك وبين ذوق المعاني...خلاص موقعي باقفله بطلت خلاص ماني قد هاللعبه انا يادوب اكتب وبالعافيه....وبعدين انا اشوفني البارح ممسيت احس ان به شي يلدغني اثاريك حاطتني في هالمنحله وتبيني امسي وجهي وجسمي تنفخ من كثر لدغ النحل فيني....ماني قايل لك صح بدنك ولاني قايل لك شئ....بس الله يخليك لاعاد تعودينها واشوى اللي جت على صوره ماجت على شي ثاني !! هذا وانتي مراقبه بعد تسوين كذا وش خليتي لنا انتي وذوق المعاني ارتحت يا خالي النداوي الحين
انبسطت سرقوني عينك عينك..هذاني سامت وجهي قدامك وش تبي بعد.


اخوي شقران...المعذره يا السنافي الهتني عنك المصيبه اللي انا فيها والله اني تفاجأت يا اخوك...صح الله بدنك وجهك مايشين يالحية الغانمه..واشكرك جزيل الشكر.



تقبلوا تحياتي

اخوكم/عبدالله بن فلاح الهاجري

يا سلالالالام عليك يالواااثق ,,,,

الشعر البسيط في معاانيه ومفردااته المتدااوله بين النااس ,,,

لك قدره في توظيفها بطريقه قمه في الرووعه والجماال ,,, لكن ليس جميع من يكتب القصيده يكتبها بمثل ما يكتبها الواااثق ,,,

الامير متعب يستااهل وانت تستاهل نقووولك لا هنت ولا عدمناااك يالغاالي ,,,

تقبل تحيااتي ,,,

اخوك ابو الاصاله

مرحبا مليون يا ابو الاصالة...هلا والله ومرحبا

يا اخوي ابو الاصاله انت وينك يالغالي يا مرحبا والله اني فرحت يوم لقيت اسمك في المنتدى يا اخي الغالين من الرجال اللي مثلك وشرواك ينفقدون طال عمرك عسا الله لايخليني منك يالاصيل النقي وشكرا لك على الاطراء وشهادتك اعتز وافنخر فيها واعتبرها وسام على صدري من انسان عزيز على قلبي.


تقبل تحياتي

اخوك/عبدالله الهاجري

يا سلااااااااااااااااااااااااااااام اخوي الواثق صح لسااانك مليون على هالقصيد الرائع,,,, لسااانك ما يمطر الا عذب من اعذب الاحساااس,,
انشاء الله بتوصل الى صاحب سمو الملكي الامير /متعب بن عبدالله ,,

تحياااتي مكبوسه بكرتون اعجب لخيي الواثق ,,

اختي الواثقه ههههههههههههههههههه فجعتي الرجال بس انشاء الله اناالي بجيب له صوره لا صارت ولا استوت ولا انشااافت من قبل الله يقدرني على حيله و فخ اطيحه فيه

تحيااااتي للمدير الجديد ,,

هلا اخوي ذوق المعاني

من اليوم حاسميك الكمرا الخفية ههههههههههههه

نحن في انتظار الصورة

بس استنى شويه لين ينسى ملفت الانظار المؤامرة

طقيت من القوم طحت في السريه !!!

يا والله البلشه يامن شراله من حلاله عله!!! الواثقه حيها صوره ولطشتها من المنتدى والربع عندهم خبر فيها...الذل والله من ذوق المعاني والله لاينفع باسوورد ولارقم سري معه ولاحمايه والعله لاخرب جهازي مايصلحه الاهو واللي فيه مخزن كله هو اللي مخزنه لي
يعني كذا والا كذا انا الخسران...لكن تدري اغير الجهاز وافتك منه ادري انه يبي يلطش صورة الطفل عبدالله لاكن يابعدها عليه هذا وجهي ياذوق المعاني...ورد العلم لاختي الواثقه.


تحياتي لكم يالثنائي المرح


اخوكم/عبدالله الهاجري

(........................................................... ..)

والله يابو فلاح ....ان هذه القصيدة لماقلتها لي بالتليفون انه صابني ياخوك شي ....غريب ..وشعر راسي ..ماوقف وبس ...الا ..طار...اتمنى ان تصل هذه القصيده ..للامير ...الفارس...النيبل.....الكريم...ال..ال....


حبيت اعيد كتابة احد الابيات التي شدتني اكثر ....ويعلم الله اني طولت ولاقدرت ...لدرجة انني طبعت هذه القصيده ...وانت تعرف رفيقك يابو فلاح ...متى وليه يطبع القصيده..؟؟؟؟ وتدري انه ماكل قصيده احرص على الاحتفاظ بها....................
لاهنت يالغالي.....عزالله قصيده تبيض الوجه ...واسلوب جديد بالمدح ...ووفقت حتى باختيار الالفاظ والكلمات....بل اكثر...
شـــــــــــــــــــكــــــــــــــراً.......

امشششششششششششششششششش
يالواثقه منهو المملوح ذا لبا قلبه


-------------

ابو فلاح الا مقديه فيك الواثقه
وحذرا بعد الدكتور ذوق المعاني قام يتخطا هنيا وهناك
احمد الله اني بجده مابيقوني لكن الله يعين اللي حواليهم
----

سمعت منك هالدره الرائعه
وقلت لك وش ناقصها
والا هي كامله مكمله والكامل وجهه



ابو فلاح
ان شفت موضوع لك انتشيت تدري ليش
لأني استمتع بشعر حقيقي لا يكتبه الا


الواثق

عبدالله فلاح الهاجري

الفارس لي الفخر ان يشهدلي انسان مثلك

الف شكر لك يا اخي الفارس...اطراءك ومديحك من الاشياء التي افخر بها دائما لاهنت يا الغالي على تواضعك ومتابعتك لما اكتبه في هذا المنتدى.


تقبل تحياتي

اخوك/عبدالله الهاجري

لبا والله قلبك يالدحيمي

ابو بدر فديت خشمك يالغالي ان كنت انا مملوح فانت الملح كله
يكفي انك تعرف غلاك عندي ومعزتك والله ان اخوك الصغير عبدالله يفتخر باخوة وصداقة الرجال امثالك...بعيدا عن الشعر وغيره فانت يامحمد كبير والكبير الله باخلاقك وشاعريتك وتعاملك مع جمهورك ومحبيك.....وتاكد انك تمون على كل مايخص اخوك الواثق
والصور واللي في موقعي الشخصي كلها فدوه لك يالغالي...الله لايخليني منك.


تقبل تحياتي

اخوكالصغير/عبدالله بن فلاح الهاجري

ذوق المعاني43 صورة للواثق

يالربع سواها ذوق المعاني...وطير صور الواثق من الجهاز...لكن ياويله مني ...تصدقون فكرته يمزح لكن الظاهر انه كان ناوي علي من زمان...والمشكله انا مغتر في برنامج الحمايه اللي عندي طلع ماش !!!!!! والله على قولتهم كنه الخلا ومقيله.


تقبل تحياتي ياذوق المعاني لكن كانك صادق طلع شي منها...!!ولاتلوم الانفسك هاهاهاهاها...غديت على عقوبه


اخوك/عبدالله بن فلاح الهاجري