Tweet
[poet font="Simplified Arabic,14,black,normal,normal" bkcolor="" bkimage="http://nadawi.net/vb/images2/17.gif" border="none,2,gray" type=0 line=200% align=center use=sp char="" num="0,black"]
ياحبيبي لاتقول آه لو تدري بلآه=وش تسوي كان غرغرت فيها غرغره
لابغيت آجرها صح سوت بي سواه=كنها منشار اجتر قلبي ونشره
وانت لاقلت آه من حب والا من سواه=جات ملتمه وهي بالخفوق امبعثره
ياحبيبي ياهنا القلب مدري ياعناه=يابعد من يقسم القلب شفعه ووتره
صاحبك وده يفضفض ويكشف لك خفاه=استره لازل بلسان شكواه استره
صاحبك حده زمانه على الشكوى وجاه=جاه مابيح كنينه وما جاب اخبره
لابغى يضحك لدنياه ويداري عناه=ويتناسى طول وقت عبث فيه اقصره
عكرت ليام ماطاب له من صفو ماه=واستباح الحزن دنياه واجتاح اكثره
النهار اللي ترى الناس شمسه في سماه=في عيون من عنا الوقت كاسيه اغبره
ان رمى سنارة الحظ في بحر الحياه=طالت المده وسنارته وسط ابحره
ون رماها طول جاته على عرض عصاه=ون رماها عرض ماجاوزت حد انظره
ون زرع زرع جديد وبآماله سقاه=كل عام يزرعه بر ويحصده ذره
ون بسط كفه لطير شدا باعذب غناه=من على كفه بدل واحد طار اعشره
له سنين تنحت ايديه في صم الحصاه=يستثير الحظ والحظ معطيه اظهره
ياحبيبي كف الايام من مثلي قراه=مادرا بالغيب لكن قراه وفسره
اتوقع والله اعلم دوا قلبي وداه=من خلال التجربه والسنين المدبره
ان فــ الافاق برق يطمعني ضياه=يغسل اهموم المسافات برقه ومطره
ماني ابكاهن ليا ضاق بالعلم ادعاه=مومنن بالله واومن بحكمه وقدره
عارف ماانصكت ابواب وانسدت قناه=الافرجها كريم العطا والمغفره
واعرف ان ماكربه الا ويفرجها الاله=ون ما من عسر الا وعقبه ميسره
ياحبيبي جاك علمي وبلغه الرواه=والله اني شيخ قوم عنا الوقت اغدره
كلما لاحظت كن القدم تثقل خطاه=اعتزيت بعزوة كل كسر تجبره
طيب ساسي ولا ابغي على طيبي وصاه=الصديق اقدره واعسر اللي يعسره
اغدي له لين الجال واعادي عداه=وانتصر له ون نخاني على الضيق انصره
خل من ينكر صديقه ويطعن في قفاه=واحد قسمه من الهرج هزله واكسره
ذاك لا حسب حسابه ولا ابحث عن رضاه=والله اني ماربحته على شان اخسره
ناصر علي الحارثي ( هداج )
[/poet]
ياحبيبي لاتقول آه لو تدري بلآه=وش تسوي كان غرغرت فيها غرغره
لابغيت آجرها صح سوت بي سواه=كنها منشار اجتر قلبي ونشره
وانت لاقلت آه من حب والا من سواه=جات ملتمه وهي بالخفوق امبعثره
ياحبيبي ياهنا القلب مدري ياعناه=يابعد من يقسم القلب شفعه ووتره
صاحبك وده يفضفض ويكشف لك خفاه=استره لازل بلسان شكواه استره
صاحبك حده زمانه على الشكوى وجاه=جاه مابيح كنينه وما جاب اخبره
لابغى يضحك لدنياه ويداري عناه=ويتناسى طول وقت عبث فيه اقصره
عكرت ليام ماطاب له من صفو ماه=واستباح الحزن دنياه واجتاح اكثره
النهار اللي ترى الناس شمسه في سماه=في عيون من عنا الوقت كاسيه اغبره
ان رمى سنارة الحظ في بحر الحياه=طالت المده وسنارته وسط ابحره
ون رماها طول جاته على عرض عصاه=ون رماها عرض ماجاوزت حد انظره
ون زرع زرع جديد وبآماله سقاه=كل عام يزرعه بر ويحصده ذره
ون بسط كفه لطير شدا باعذب غناه=من على كفه بدل واحد طار اعشره
له سنين تنحت ايديه في صم الحصاه=يستثير الحظ والحظ معطيه اظهره
ياحبيبي كف الايام من مثلي قراه=مادرا بالغيب لكن قراه وفسره
اتوقع والله اعلم دوا قلبي وداه=من خلال التجربه والسنين المدبره
ان فــ الافاق برق يطمعني ضياه=يغسل اهموم المسافات برقه ومطره
ماني ابكاهن ليا ضاق بالعلم ادعاه=مومنن بالله واومن بحكمه وقدره
عارف ماانصكت ابواب وانسدت قناه=الافرجها كريم العطا والمغفره
واعرف ان ماكربه الا ويفرجها الاله=ون ما من عسر الا وعقبه ميسره
ياحبيبي جاك علمي وبلغه الرواه=والله اني شيخ قوم عنا الوقت اغدره
كلما لاحظت كن القدم تثقل خطاه=اعتزيت بعزوة كل كسر تجبره
طيب ساسي ولا ابغي على طيبي وصاه=الصديق اقدره واعسر اللي يعسره
اغدي له لين الجال واعادي عداه=وانتصر له ون نخاني على الضيق انصره
خل من ينكر صديقه ويطعن في قفاه=واحد قسمه من الهرج هزله واكسره
ذاك لا حسب حسابه ولا ابحث عن رضاه=والله اني ماربحته على شان اخسره
ناصر علي الحارثي ( هداج )
[/poet]
[/align]
تعليق