Tweet
السلام عليكم ورحمة الله وبركاته
أخواني أخواتي يسعدني ان اطرح مصافحتي الاولى امامكم على أمل ان ترقى لحدود ذائقتكم ....
ولا أنسى ان اشكر اخي الشاعر بندر المطيري على دعوته الكريمه الى هذا المنتدى الرائع ...
تسلل إلى مسمعي صوت الشاعر الكبير ضيدان بن قضعان وهو يقول :
الهنوف اللي سرت من نجد وامست بالحوية --- ظيقت صدر الرياض وسافر الطايف وجاها
فلامست هذه القصيده شيئاً في نفسي وهو بين يديكم ...
[poet font="Simplified Arabic,12,black,bold ,normal" bkcolor="" bkimage="" border="double,4,#800000" type=2 line=200% align=center use=sp char=""]
الهنوف اللي هواها حلّ في قلبي هنيّه = جردت كل الخناجر يوم جيت أطلب رضاها
جيتها شوقٍ تبعثر في رجا لحظه هنيّه = سايقٍ خطوات قلبي والنظر يرقب مداها
أخبر ان الحزن يفنى بين كفيها النديّه = والفرح يرخي حجاج الهم لين أقبل شذاها
واخبر أني من عناها كل ما تطري عليّه = آتفيا ظيقةٍ يلفي بها طاري عناها
وما أخبر إني ذخرت الدمع ودموعي عصيّه = لكن اللي ذاق ماها مايغالي لو بكاها
ماكنه باقصى المحاني بالمعاليق امحميّه = سجنها عوجٍ تداري لا يجرّحها حداها
شيخةٍ عند المزاعل ترتوي بالعنجهيّه = طفلةٍ عند المراضا تكتسي طيبٍ كساها
علّقتني والعبت بي بين روحات وجيّه = لوّعت بالقلب لين أزريت أنادي لعن أباها
والليالي يالدحيمي الليالي سرمديّه = جرعتني مرّ عشقي واتركتني في قفاها
يالدحيمي عاجلتني واطعنتني بالخطيّه = واصفعتني بالحروف اللي علاها ما علاها
ياسنادي جيتها رجلٍ تباريه البريّه = جيتها وادري غرامي منزله عالي سماها
جيتها دربٍ طويل وسكةٍ جردا لظيّه = واقبلت لي حربةٍ بالجوف عنوان الجفاها
أصدرت حكم المباعد وآمرتني به عليّه = وافتقت جرحٍ من أول إيتتقى عن خطاها
ما ارحمت ذيك الليالي ما ارحمت عطر وهديّه = ما ارحمت دفتر غرامي ما ارحمت صوتٍ دعاها
ياسقى الله يوم حلّت وسط حيّ العقربيّه = جيت أسوق اخطاي مسرع علّي اتنفس هواها
قلت أكون اقريب منها يمكن أرشف لو مويّه = قلت يمكن لا المحتني قدم عيني اتباها
ياسقا الله يوم سقت الها الحروف الأبجديّه = يوم طوّعت القوافي لجلها ماهو السواها
يا سقا الله كل حزّه شفتها داخل عنيّه = لين أعمتني سهومٍ سلّها عامي قساها
دامها الفرقا وراها تتبع الكيّه بكيّه = ليه تنهي ما مضى بحروف مسمومٍ نباها
ليتها يوم اتركتني ما تمادت بالأذيّه = ليتها يوم البست ثوب الفرح قاظب يداها
ليتها يوم المفارق مكنتني لو شويّه = أذرف ادموع الوداع وخاطري صافي علاها
لكن اللي صار صار وظنتي ديّه بديّه = ببتعد مقفي لجرحي ساهرٍ عل وعساها
وكان إبن قضعان قال إنه بيدن الهاشميّه = والله ان يجزع من الدنات ويتعوذ شقاها
باسرج الونه نحيبي فوق ذيك العولقيّه = عولقيه ما سبقها غير همّالٍ سقاها
والهوى لامن تمرّد واستباح الروح غيّه = مارحم شيخٍ كبير ولا عفا النفس وزكاها
ويالدحيمي خوك رجلٍ لا تشدد له مطيّه = صانها بين المحاني ويتتقى عن خطاها
وسلامتكم
محمد بن حزام
[/poet]
أخواني أخواتي يسعدني ان اطرح مصافحتي الاولى امامكم على أمل ان ترقى لحدود ذائقتكم ....
ولا أنسى ان اشكر اخي الشاعر بندر المطيري على دعوته الكريمه الى هذا المنتدى الرائع ...
تسلل إلى مسمعي صوت الشاعر الكبير ضيدان بن قضعان وهو يقول :
الهنوف اللي سرت من نجد وامست بالحوية --- ظيقت صدر الرياض وسافر الطايف وجاها
فلامست هذه القصيده شيئاً في نفسي وهو بين يديكم ...
[poet font="Simplified Arabic,12,black,bold ,normal" bkcolor="" bkimage="" border="double,4,#800000" type=2 line=200% align=center use=sp char=""]
الهنوف اللي هواها حلّ في قلبي هنيّه = جردت كل الخناجر يوم جيت أطلب رضاها
جيتها شوقٍ تبعثر في رجا لحظه هنيّه = سايقٍ خطوات قلبي والنظر يرقب مداها
أخبر ان الحزن يفنى بين كفيها النديّه = والفرح يرخي حجاج الهم لين أقبل شذاها
واخبر أني من عناها كل ما تطري عليّه = آتفيا ظيقةٍ يلفي بها طاري عناها
وما أخبر إني ذخرت الدمع ودموعي عصيّه = لكن اللي ذاق ماها مايغالي لو بكاها
ماكنه باقصى المحاني بالمعاليق امحميّه = سجنها عوجٍ تداري لا يجرّحها حداها
شيخةٍ عند المزاعل ترتوي بالعنجهيّه = طفلةٍ عند المراضا تكتسي طيبٍ كساها
علّقتني والعبت بي بين روحات وجيّه = لوّعت بالقلب لين أزريت أنادي لعن أباها
والليالي يالدحيمي الليالي سرمديّه = جرعتني مرّ عشقي واتركتني في قفاها
يالدحيمي عاجلتني واطعنتني بالخطيّه = واصفعتني بالحروف اللي علاها ما علاها
ياسنادي جيتها رجلٍ تباريه البريّه = جيتها وادري غرامي منزله عالي سماها
جيتها دربٍ طويل وسكةٍ جردا لظيّه = واقبلت لي حربةٍ بالجوف عنوان الجفاها
أصدرت حكم المباعد وآمرتني به عليّه = وافتقت جرحٍ من أول إيتتقى عن خطاها
ما ارحمت ذيك الليالي ما ارحمت عطر وهديّه = ما ارحمت دفتر غرامي ما ارحمت صوتٍ دعاها
ياسقى الله يوم حلّت وسط حيّ العقربيّه = جيت أسوق اخطاي مسرع علّي اتنفس هواها
قلت أكون اقريب منها يمكن أرشف لو مويّه = قلت يمكن لا المحتني قدم عيني اتباها
ياسقا الله يوم سقت الها الحروف الأبجديّه = يوم طوّعت القوافي لجلها ماهو السواها
يا سقا الله كل حزّه شفتها داخل عنيّه = لين أعمتني سهومٍ سلّها عامي قساها
دامها الفرقا وراها تتبع الكيّه بكيّه = ليه تنهي ما مضى بحروف مسمومٍ نباها
ليتها يوم اتركتني ما تمادت بالأذيّه = ليتها يوم البست ثوب الفرح قاظب يداها
ليتها يوم المفارق مكنتني لو شويّه = أذرف ادموع الوداع وخاطري صافي علاها
لكن اللي صار صار وظنتي ديّه بديّه = ببتعد مقفي لجرحي ساهرٍ عل وعساها
وكان إبن قضعان قال إنه بيدن الهاشميّه = والله ان يجزع من الدنات ويتعوذ شقاها
باسرج الونه نحيبي فوق ذيك العولقيّه = عولقيه ما سبقها غير همّالٍ سقاها
والهوى لامن تمرّد واستباح الروح غيّه = مارحم شيخٍ كبير ولا عفا النفس وزكاها
ويالدحيمي خوك رجلٍ لا تشدد له مطيّه = صانها بين المحاني ويتتقى عن خطاها
وسلامتكم
محمد بن حزام
[/poet]
تعليق