قلته وانا لي فيه معنى مركّز !!

[c]
اسعد الله اوقاتكم ...

قصيده جميله وضعها شاعرها للتحدي للعموم وأنا والله ماحب التحديات خص

في الشعر ... ولكن جازت لي القصيده وجاز لي الرد عليها

فالقاف من جهه ومخالفتي لمعناه من جهه ... ومن هالمنطلق

كتبت رد كيبوردي سريع وارسلته ... من باب المداعبه ... وستر ربي

ماجا شي متكرر ...


اترككم مع القصيدتين ...

[/c]

[poet font="Simplified Arabic,14,black,normal,normal" bkcolor="" bkimage="" border="solid,1,black" type=2 line=200% align=center use=sp char="" num="0,black"]
ياراكب اللي كل مادستله فز=فزت شياهينٍ بفك الحجازي

بي ام دبليو جيب توه محفز=امن الوكاله في غبرة القزازي

انوار زينهم يوم يقدح ولك قز=كنه قمر خمسة عشر بالتوازي

حتى المراتب جلد ريمٍ مطرز=ماورده افطس وعباه قازي

والبدي كنه جسم بنتٍ تهزز=يغريك لامنه على الخط هازي

دق الاشاره تقل بنتٍ تغمز=تبي المواعد مير ضاق المجازي

ماركبه المصري ابو هشام معتز=اللي لصرات الجنيهات عازي

مركاب من هو لرجاجيل عنز=رجلٍ كريم ولطويلات حازي

ماحدته دنياه للي تطنز=خبلٍ وفي درب الردى دوم فازي

سجه لبنتٍ تقدح النار وتعز=بنتٍ عليها يسهج الخط غازي

شعره بسلك الليل حنى وطرز=وكن النجوم بخدها بالمغازي

حتى العسل في شفته دوم يفرز=ياما حلى شف العسل بانفرازي

ابو نهودٍ تقل بيضات للوز=ماشده ( ...... ) دوم ارتكازي

فيها الرشاقه ماتبي من يهمز=لاطبت الميدان هتلر ونازي

حبه بوسط القلب وان لز به لز=بين الضلوع العوج حبه ولازي

من الشمال لشرق واللي تمركز=بيني وبينه حد ختم الجوازي

اللي على السيفين نخله وله رمز=وانا جوازي اخضرٍ بمتيازي

مصيبتي من هو على الباب بوبز=كنه على البيبان بير ارتوازي

واليا عطيته عذر سرعه تنرفز=هيه انت وش عندك علينا متوازي

هذا اخوه ياعرب دوم مشمز=لاسين لاجيمٍ ولا شي جازي

مدري اكز الحظ والا بعد كز=ليلي فرح والا بعد بالتعازي

واليوم ياشعار كلٍ يعزز=الصدر واضح عجز في قاف ازي

وليا بغينا القاف قافٍ وله عز=اسمع عبادي شوي والا عزازي

واليا ابتعدتم لا تقولون مبتز=فتوى النميمه في كتاب بن بازي

والملح لا قللت سمج لك الرز=وان زدت زاد الظغط زاد انتهازي

مدري وش اللي صار مع از في از=قافٍ عسرته عسر ماهو ابتزازي

واليوم ابي حلٍ على الوقت يركز=حلٍ كما كنزٍ يصير اكتنازي

وسلامتكم

الشاعر // عديم إحساس
[/poet]


[c]

وهذا ردي المتواضع على الاخ عديم احساس

[/c]
[poet font="Simplified Arabic,14,black,normal,normal" bkcolor="" bkimage="" border="double,4,black" type=0 line=200% align=center use=sp char="" num="0,black"]
يامرحبا بالقاف مبني على أز=باول شطوره واخره جاك آزي

بيت يجي مسعوف وملاحقه دز=دز البيوت اللي تجي بالدزازي

لا ياعديم احساس شفتك ترزز=في قافك اللي مالقا له موازي

مايشتكي من عيب ولا من الهز=محبوك ماياقف بدربه غرازي

السالفه ياإحساس بالجوف تركز=علمٍ وثيق وثابتٍ بإحترازي

السالفه ياخوك في حالة الوز=يبغى يطير وناويٍ للمغازي

ملحوقةٍ يذرى بها راعي الغز=كلٍ خذا والكل فيها محازي

مشيومةٍ بالذل .. والعيب واللز=لو انّها ياخوك تكفي وتازي

كان انتهي بالحوم واسقط معزز=وآخذ من الطربات كل المجازي

بس القهر مفتوق متخززٍ خز=لا مايلوق ولا لنا مايعازي

خليت ديرة راعي القص والجز=للي يحب الوز .. كثر اللزازي

قلته وانا لي فيه معنى مركّز=لأهل العقول الفاهمه والعزازي

شيمة هل المعروف بالترك تعتز=واللي لقا بالوز وزٍ ... يوازي

ياخذ نصيبه بالعقل قبل تفرز=قبلن يصيب العلم منها فرازي

عاينت في وضعه وخزيتهم خز=وماينجبر عقب التكسر قزازي

مجبور من قبل امس ياراية العز=مار الحقيقه تنكشف عند ( رازي )

معلوم لي كل الخفا لو تنزز=ماقولها وان كان صابه نزازي

تسهل علي والله لو قلتها ( طز ) =طبعي وانا قد قلت قولٍ ( مَجازي )

ترى الشرف موجود بالشام والدرز=ولا هل الفيدين تلقى مخازي

متلبسين العز ... والعز مخنز=متبريٍّ من لبسته للخنازي

عندك خبر للي لها قلبك يفز ؟=عندي خبر بس الخبر مايحَازي

تولّم العصيان لأجل تعكّز=من عقب صدمات القلوب الفزازي

ياعل عين الوز تعمى وتنغز=قبلن تصيبك وانت راعي مغازي

***** ابو جد الكذب .. والتخزز=***** ابو جد القرف .. والطبازي

خل الحكي بس الحشا احذر ينز=واحذر قبل نوصل عليك التعازي

واحذر تنوش الورد ولا تمزمز=ماينفعك بالفيد كثر المزازي

لا يافهيم الفيد وان جاك مرتز=محيوس ياعشّاق وينك تلازي

كلٍ يحب الطلع لا بان والتز=وازرى على عينك وبالعين جازي

لا ياخفيف الطلع مهتز مهتز=صابه قبل يومين مِنْه اهتزازي

خل الرخم تسلى مع البوم والوز=وفرقٍ مابين اثنين لاصار بازي

ولاّ عديم احساس ناوي يعجّز=قصيده اللي فيه بالتاج فازي

وتسلمون وتحشمون

اخوكم

جلال الخالدي
[/poet]

الف صح لسانك

ولاهنت

لا والله الارديت ردن طيب

الف شكر اخي جلال الخالدي

صح لسانك يالذرب
عزالله قاف رائع

سجل اعجابي لاهنت


ابراهيم القحطاني

ماركبه المصري ابو هشام معتز
اللي لصرات الجنيهات عازي


مركاب من هو لرجاجيل عنز
رجلٍ كريم ولطويلات حازي


ماحدته دنياه للي تطنز
خبلٍ وفي درب الردى دوم فازي


سجه لبنتٍ تقدح النار وتعز
بنتٍ عليها يسهج الخط غازي

صح لسانه...

ودايم ياجلال الصوت يطلع اقوى من الصدى....




خليت ديرة راعي القص والجز
للي يحب الوز .. كثر اللزازي

قلته وانا لي فيه معنى مركّز
لأهل العقول الفاهمه والعزازي

شيمة هل المعروف بالترك تعتز
واللي لقا بالوز وزٍ ... يوازي

ياخذ نصيبه بالعقل قبل تفرز
قبلن يصيب العلم منها فرازي


صح لسانك....

وقصائد كثيره قيلت بالمواتر....

وعلى سبيل المثال هذا البيت:

الله على جمسٍ جديدٍ مجهز
...........من صنعته توه جديدٍ طرازه


صح لسانك ياجلال...وماقصرت وانا ابن عمك

لك تقديري واحترامي

اخوي الغالي جلال

عز الله الا شاعر جزل ورد على شاعر جزل

صح الله لسانك و لسان عديم إحساس

لا هنتوا و لا هان غاليكم


اخوك و مغليك

فيصل العاصمي

الاخ جلال الخالدي
صح السانك
وسلمت يمينك
صوت وصدى رائعين
تقبل خالص التحيه

[c]
شعار جزلين ووافين

(( جلال الخالدي ))

يعجز كل حرف أن يترجم مدى أعجابي بقصيدك يا الرائع
لك نزف ما يخرج ألا من شاعر متمكن
بالفعل يالغالي أثبت جداره غير طبيعيه في الرد
الله لا يحرمنا منك ومن جديدك
ورووود الجمال لقلمك وقلبك

البندر

[/c]

ولا انت ياغازي الفارس


هلا بك وصح الله بدنك اكثر يابعدي


تشرفت بحضورك وسعدت والله


لا عدمتك


جلال

ابراهيم القحطاني


هلا بك ياابراهيم


صح بدنك يابعدي ... وتسلم


والسالفه كلها مشاكسه ليس الا


تحياتي لك


جلال

احمد الخالدي


هلا والله يالغالي


صح قلبك يابعدي .. هو مهو حول المواتر

مسويها مدخل


تسلم يابعدي ...


تحياتي لك

فيصل العاصمي


هلا والله بالغائب الحااااضر


صح بدنك يابعدي ... وماعليك زووود


الف شكر لك يافيصل


تحياتي

مجعد بن متعب

هلا بك وصــح بدنك يابعدي


الف شكر لحضورك الجميل


لا عدمتك شاعرنا


تحياتي

بندر المطيري


هلا والله وغلا ....


ماعليك زود

والـف شكر يالوااافي

لا عدمتك

ارحب يا جلال




ما شالله مجاره جزله لبدع جزل



صح الله لسانك مليون يا جلال وصح الله لسان الشاعر عديم الاحساس




لا هنتوا وتقبلو خالص الود

الله الله
صح الله لسانكم يا ثنين
والله درتين رائعتين
لله دركما
تقبل تحياتي واحترامي







............................................................ .... تميم القحطاني