يــضــيـــع الــكـــــون

مراحب

يضيع الكون كل الكون اذا ناظرت بعيونــــــه 000اخاف العين لو ترمش يضيع الوقت ما القـــــاه

هالبيت بيت الاخت الشاعرة (( سراب )) وسبق اني طلبت منها إني أبني قصيدة
عليه وتم الموافقه منها

واتمنى ان القصيدة تكون جديره بييت الاخت الغالية (( سراب ))




يضيع الكون كل الكون اذا ناظرت بعيونــــه
اخاف العين لو ترمش يضيع الوقت ما القاه

حبيبي لا بعد عني اخاف الــوقت وطــــعونه
وتعازم كل جرح بجرح وزاد الهم والويـلاه

اناظر صبيّت اعيونه وداعب وقفت اجفونــه
شموخ الناس بعيونه وربي ما حـدن يسواه

عطاه ربي جمال اللى جميع الناس مجنونه
عطاه ملح البحر كله ومن نور القمر غــطاه

مـع غــيـره اعد الوقت وعنده انثره دونـــه
ألا يا نــوم يا جارح عيوني ما ابي فرقــــاه

انا ودي بجنب الخل اسافر رحلت امــزونه
انا ودي انــا وياه يــتـاما مــالـنـا لــــــ لله

صغار ويرسمو رسـم المشاعر وسطِ بلونه
صغار وينقشو قصرٍ على شط الهوى والماه

صغار ويزرعو زرع الورود وريحة اشجونه
صغار ويضحكو لما يـــلاعب كــلـنا ملهـاه

ولــيــا مــنــا تــزاعــلـنا يــخـبي كلنا اسنونـه
عشان انكابر بلحضه ولحضه ضحكتي ويـاه

ولــيـا مـنـا تـبـاعـدنا يـذكرنا الســما ولونـه
مـثـل طـل الـصبح لما يزور البدر في ممساه

واكــبــر هـمنـا يـا ناس عـلى لعبه صغـنونه
لا تـجــرح مـشـاعـرنا ولا تـزيد الـعـنا والآه

انا ما همني شي (ن) ولاهي همها اجــنونـه
انا هـــمي انا وياه لـعـابي ولــعب انـا ويــاه

ومــر اليوم وبعد يوم وجف الورد وغصونه
ملل لنا كل شي (ن) فات من لعب الشقى واذاه

نبي شي (ن) يكبرنا شويه عن لعب نونـــــه
نبي شي (ن) يهز القلب من اول عرق إلين اقصاه

نبي شي(ن) يــطربــنا ويـزيد الـشعر والحونه
نـبـي قـاف الـشعـر يـسجد لنا وينثر لنا معناه

نبي حـب الكـبـار اللى يــذمونه ويـلـومــونـه
نـبـي حب الصبا يسكن قلوب (ن) ضاميه بالماه

صغار ويلعبو لعب الكبار واصعب افــنـــونه
صغار ولا يفرقنا يا كود الموت من مـــولاه


وربي
0
وربي
0
وربي
0
0
0

مايلوم اللى يناظر صـبـيـّت عـــــيــــونــــــــــه
يتوه بعالم (ن) ثاني ويبقى الجفن في معـــلاه !!


فــــــواز الــشيباني

فواز الشيباني



يا هلا وسهلا فيك
انور المنتدى بوجودك
صح الله لسانك
والله يعطيك العافية
تقبل تقديري واحترامي






............................................................ .. تميم القحطاني

الشيباني


كلمات رائعه


رائعه حقا



اعجبت بها الي حد.........

ولكن هناك تحفظ



.
دمت لابداعك

فواز...

صح لسانك وتكمله موفقه جداً....

لك تحياتي واحترامي

تميم القحطاني

هلا بك اكثر
والمنتدى منور بوجودك وبوجود الاخوان
وتسلم
وصح بدنك
ولا هنت

وتحياتي لك

حمدان القحص

حياك الله
وتسلم والله على هالنور
ولا هنت

وتحياتي لك

هلا فواز

صح لسانك والله لايحرمنا من تواجدك


تقبل تحياتي يا الغالي

صح لسانك اخوي فواز

جميل ماسطرته

دام ابدااعك

اجمل تحياتي

اخوك

فالح

,,,,,,,,,

فواز الشيباني



يا هلا وسهلا فيك
انور المنتدى بوجودك
صح الله لسانك

احمد الخالدي

مرحبا بك
وصح بدنك يالقرم
ولا هنت على هالنور

وتحياتي لك

ياهلا فيك يافواز






قصيده رائعة بكل معنى الكلمة










صح لسانك وسلم بنانك على هالفاتنة











تقبل تحياتي

مقبل الكويكبي

هلا بك
وماتنحرم من غالي يارب
وصح بدنك

وتحياتي لك

فالح بن راشد ال حثلان

حضورك اجمل حبيبي
وتسلم والله على هالنور
وصح بدنك

وتحياتي لك

الاخ الشاعر فوااز الشيبااني

صح الله لساانك مليوووووووون.....

قصيده راائعه....

جزل وتعودناا منك الجزااله....

سجل اعجاابي ولك مني كل الود....