حبيبتي الله كتب الله اختار

[poet font="Simplified Arabic,14,black,normal,normal" bkcolor="skyblue" bkimage="http://nadawi.net/vb/images2/10.gif" border="none,2,gray" type=2 line=200% align=center use=sp char="" num="0,black"]


اخواني النداويه
اخواني زوار المنتدى
هذه آخر ماكتبت
آمل ان تحوز على اعجابكم
****
***
**
*


حـــبـيـبــتي الله كــتــب الله اخــــتار=حــبـيـبـتي مــا بالـمــقـاديـر حيله
حــبـيــبتي يــاعـل مــن اوقـــد النار =يـعـــلّها أول مــاتــشـــب بـشليله
حبيبتي عفت الحياه وصــرت منهار=مـــدام ما أنــتي في حيـاتي حليله
جار الـــزمن ياذعـــار والله بي جار= وأبـعـد عـشـيرٍ كـنت دايــم أخيله
ما طاب لي مجلاس ولاطابت أسفار=مــدامــها وســط الـضـماير نزيله
شــقّـيـت ثـوبي يـوم جوني بالاخبار=ومــن الـقهر همّي عجزت اشيله
ياونــتـــي مــن سَمـّعها قــــال ستار=ونّــت خـلـيلٍ يـوم فــارق خـــليله
عــجــزت أقــوم وطايحٍ بين الاحرار=مـحـدٍ تـنـاولـني دمــوعـي هميله
راحت ودمــعي فوق الاوجان مدرار=ماظــن تــعود الــيوم بنت القبيله
العـــين ملّت تـــبكي الــترف ياذعار=صــبرت سـت أعوام منهو قويله
ياذعـــــار بالله وصّل الترف الاخبار=قــلّه يــبــيـني او تـناسا عــمــيله
قــلّه نسا الــــمـوده يـــومـنا صــغار=يــومــننا نــلـعب بـذيــك الــنـثيله
إذا نـــسى قـــلّه مـــجنــونـــك إنـهار =وإذا الــمــوده باقــيه قل صفقيله
يــشهد على ماقــول خــلاّق الابـصار=اللــي رفــع سبـعٍ وسبــعٍ نـكــيله
لو عـــرّضــو لي غــيرها كل الامهار =مــاريد انا غــيره ولا أرضا بديله
يا ذعــار أحـــبه والــزمن كله أسرار =هــي حبـي الاول شــقرا الجـديله
يـا ذعــار اظــنـك أدرى بالــذي صار=حــبّــي شــرف مافـيه زلّه وميله
لا ما أنثني وابوي شـيـخ من الاخيار=لا أبـقى على عهدي سنينٍ طويله
مهـما تــفرّقــنا وهــي راحــت إجبار=يــحرم علي بالقــلــب ماله بديله
وخــتــامــها الله كــتــب الله اخــــتار=ماعـــاد لي بالــحب نفسي عليله



وسلااااااامتكم



.

[/poet]

صح السااانك يااامشعل قصيده وافية من راس وافي

السلام عليكم



الغالي مشعل الأسمر





ابيات اقل ما يقال عنها انها روعه



تسلم يمينك ايها الرائع




تقبل خالص تقديري

[c]... صح لسانك يا مشعل ...[/c]
[poet font="Simplified Arabic,16,blue,Bold,normal" bkcolor="" bkimage="" border="none,2,gray" type=2 line=200% align=center use=sp char="" num="0,black"]
تَوَجِّد صادق ... وبوح حزين ..... صح لسانك
ولا هنت ... والله المستعان ... دمت سالم .
[/poet]
[c] تحياتي للجميع .............
[gl]السلسبيل[/gl] [/c]

الاخ مشعل الاسمر


صح لساااااانك والله يعطيك العافيه على هالقصيده

لاهنت وبيض الله وجهك



تحياتي
.............. شبيب

حبيبتي ياعل من اوقد iiالنار
يعلّها أول ماتشب iiبشليله



الاخ مشعل





قصيده في قمة الروعه




تقبل اعجابي




ولله درك

اخوي مشعل

صح لسانك ولاهنت

جزله من جزل

وكل عام وانت بخير


تحياتي لك

اخوك


فالح


,,,,,,,,,,

الأخ سطام الغربي
صح بدنك وشاكرا لمرورك

الأخ همس النسيم
صدقني الأروع مرورك


الأخ محمد بن جديّد
صح بدنك

شبيب به شاهر
صح بدنك والله يعطيك العافية على المداخلة


الأخ حمدان القحص
أشكرك على مرورك
يالغالي

الأخ فالح بن راشد
صح بدنك يكفيني مرورك الله اليهينك