Tweet
لمن يهمه معرفه سبب الابيات مع التحيه للجميع
شكرا للاخ عبود سليــــم
وكذلك للسنافي وطير شلوي وللكويتيه
طبعا مثل ماتفضلت ان معناها عند قله من الناس والحقيقه انها
قيلت في احد اخوان الشاعر السديري عندما بدأ له بعض النكران من قبل اخيه وهذه حقيقه ويجب ان تقال بدون اي تحريف وهذا الشي
(( يحدث في احســن العائــلات)) وهذه قصيده اخري علي نفس
الموضوع ارجوا لكم الاستمتاع ..... THANKS FOR ALL
ياشن بقلبي منه اصـبحت مكضـوم***يعلم به اللي عن عباده غـناوي
وعيني يابوماجدحريب لهاالـنوم***وكنه يعالجهاالطبيب المــداوي
شوف البغيـض بنونهاعمس وهـزوم***والقلب ناشـه بالمعاليــق لاوي
وانا لياجاني من الناس مزحـوم***احل عنــه الكايدات الدعــاوي
ارخص له النفس العزيزه بلاسـوم***واناعلي فعل الجمـايل رهــاوي
وعديت من جور العنا راس مزموم***قي راس مرقاب جديــد المطـاوي
رجم طويل نايف كــل مرجــــوم***مهايـف راسه عسيـــر المهـاوي
وهيضـت من وسط الحشاكل مكتـوم***زفرات مايقوي لهن كــل قــاوي
وانا بعون الله لو كنت مظـــلوم***لكسب المعالـي بالشدايد مهاوي
ارومها لو دونها حرب وسهـــوم***وياما حوينـا بالشدايدمحــاوي
عسـاك ياللي تنقل الكبروالزوم***من المرض تصلي بحــر المكـاوي
(اناالوحيدوقومي اكثرمن الروم***وفي لمه العربان كني خـــلاوي)
ــــــــــــــــــــــــــــــــــــــــــــــــــــــــــــ
وحتي صديقي صار من حسبه القوم***وضاعت عزوم مكثريـن العــزاوي
دعيت عفن الريش يوم ادرج الحوم**ابالرخم وانا احسب انه نـداوي
طير بحزات الهدديلحقه لــــوم***اللي قنـص به ضايع الفكر غاوي
خسران والخسران من ينقل البوم***يبشر بخيبات الرجا والبـــلاوي
الناس في دنياك معطـي ومحـروم***وكــل علي طيب المعاني شفـاوي
الطيب لاهل الطيب والرزق مقسوم***وطير السعدطيــر تعدي الحراوي
(طيرنقلته طالني منه مثـــلوم***وبعض الطيور يضيعـن الهقـاوي)
ــــــــــــــــــــــــــــــــــــــــــــــــــــــــــــ
انااحسبنه صاطي القلب ملحــوم***واثره عن الصيدات مثل العماوي
من المذله بارد الوجه مــاسوم***وقلبه علي درب الرذيله نحـاوي
هقيت به لاشك انا صرت منجـــوم***وتوي دريت اني عن الدرب غـاوي
من خلق في دنياه بالفعل مذموم***علي الردي بالحيل مشيه نحـاوي
الله لايسقيك يالوادي ابـــو دوم***وعسـاك صحصاح بك الذيب عــاوي
خمسين عام مايقولون مـاســـوم***يصحي سمــاك وكل مافيك خــاوي
يجيك ماجا قوم صالح من الشـوم***والبوم باركانك يجر الحــداوي
(( اعـــــوذ بالله من هالدعوه))
يالله يامعبود بافارض الصــــوم***تقبل دعات اللي بجودك رجــاوي
موحد يطلبك في ((ثاني التوم))***يرجي العفووارضاك وامرك سماوي
من خلقت الدنياالي يومنااليوم***صبح يفوت وليل يقفاه ضــــاوي
والناس تفني بين مذنب ومرحوم
وهنيت من له عنــد ربه عراوي
طبعا هذه القصيده تعتبر مدرسه بحد ذاتها مستقله بها جميع
التخصصات الدنيويه والدينينه لمن له قلب يفهم ولكن هيهات
لمن لايفهــــــــم
اخوكم
بحــــــــــــــــر
الولايــات المتحــده الامريـــكيه
تعليق