Tweet
ضايق البال مايـستانــس الحـاله
.... وأنت لاغبت عــني كني الحــالـي
جتك الاشواق رجـليـّه وخيّاله
.... غـير الأول تحمـل شوقـي التالي
ليت من قال متعب خابــت آماله
.... شاف بعـيونك الخـدرات مـنـزالـي
واحدن فيك ماهـو منشغــل باله
.... اشهــد انه بـها لــدنيـا هو السالــي
راوي العود يزهالك وتزهاله
.... عاد من يقـدر يلومــه اليــا مالـي
صاحبي والقـصايد فيك مختاله
.... وأنت لك الحق فيهن يــوم تخـتالـي
دام نفسك لحــب الشعر مياله
.... ليه ما اصير شاعر وانت في بالي
من تمناك لاتنشد عن احواله
.... كيف عقب العسل يستطعم الحالي
عقبك النفس مذعورة ومـهتاله
.... سود الأيام هزت بـرجي العالـي
لكن القلب من يمّك علـى حـاله
.... في تناسـيك . ليه اكذب على حالـي
قلت لك نعمــة النسيــان زواله
.... ذكرياتك .. بـعـضـها قام يــبرالـي
كل مامرني طيــفك عــلى فاله
.... قلت يا مرحبا فـــي ريحة الغـالـي
شلت همّك وهمّي ماحدن شاله
.... كن قلــبك غـدى يا صاحبي خالـي
ابتعدنا وكــلن راح فــي حـاله
.... بــيـن هالناس لكــن كـنـي لحالـي
متعب التركي
...
تعليق