الاعــــتـــــذار شعاري وعنوان اضعه نصب عيني؟؟؟؟؟ دعوه للجميع للاطلاع فقط

الاعتذار كلمه لا تفارقني ابدا اقدمها للكبير والصغير القريب والبعيد لمن اخطأت في حقه ومن اخطاء في حقي وكم وجدت فيها من سماحه وحل مشاكل معقده وارضاء نفوس غاضبه ولم شمل قد افترق
وخيركم من بداء بالسلام
وحتى لا انام ليلة وفي نفسي غل على احد

من هذا المنطلق وضعة هذا العنوان عنوانا لقصيدتي .التي اتمنى ان تحوز على رضاكم على اعلى الرغم من تواضعها.

انا مـن زمـان فـات غيرت خط السير
.....................وغيرت ممشـى الرجل خطواتي احسبها

زمـان مضـى يوم الجهل كل شـي يصـير
....................وانـابحمد الله سـاتر ويــش صـار بهـا

انااليوم مدرك ناضج العقل والتفكير
...................اقـيس المسـافه زيـن واخشا عواقبهـا

الا فـز قلـبي قلت هـون وراك تطيـر
..................تـرفق تـرا مـاكـل عـجـل يـفـوز بهـا

تراالثقل زين وفيه راع الغرور يحير
.................وفي تـالي الجـولـه تصـير انت كاسبها

ترا النفس ياقلب العنامركزالتدمير
................تـراهـارحـول بـليـس دايـم يـدربـهــا

انابعتذر يابنت واسف على التقصير
................بحـور الغـرام يـضـيع منهـو يغـوص بهـا

تراني انا ماشفت نفسي عليكم غـير
...............ولاكـن دروب الـحــب قـبـلك مـجـربهــا

انابستبيحك عذر لو قصر التعبير
..............ونفسي عـن قـلـوب الـغناديـر حـاجبهـا


التوقيع/حكيم الجامعه

[تم تعديل الموضوع من قبل حكيم الجامعه بتاريخ 01-08-2001 الساعة 12:38 ]

زمـان مضـى يوم الجهل كل شـي يصـير
....................وانـابحمد الله سـاتر ويــش صـار بهـا

انااليوم مدرك ناضج العقل والتفكير
...................اقـيس المسـافه زيـن واخشا عواقبهـا



الله الله ياحكيم المنتدى اقصد حكيم الجامعة

قصيدك كله حكم

سلمت وسلمت يمناك

وخلك بعيد عن الحب وبحوره احسنلك

لاتدوس على الجني ولا تقول بسم الله

في الختام تقبل اعجابي وتقديري بماتخطه اناملك

اختك الصغيرونةللابد

حكيم الجامعه وحكيم الكلمة وحكيم الشعر وحكيم المعنى صح الله لسانك بكل صراحة وبدون مجاملة اقول لك ( أنت شاعر ) بكل ماتعنيه هذه الكلمه

تلميذك سهم المنايا

صح الله لسانك ياحكيم ولو الود ودي احط اسمك حكيم وليس حكيم الجامعه الا اذا هلاسم يعني لك شي ولكن انت حكيم في كل الامور

اختي الواثقه كالعاده غمرتيني باطرائك الجميل وشهادتك اللي عندي لها مكانه خاصه.

اخوي سهم المنايا لك مني كل الحب والتقدير على هذا الاطراء الفياض والمشاعر الطيبه والتواضع الجميل انا تلميذك والعين ماتعلى على الحاجب.

اخوي الولهان لاهنت على كل حال واللي تبيه واناخوك حاضر سمني زي ماتبي انا عصاك اللي ماتعصاك والله يديم المعروف بينا ولك مني
ارق تحيه وتقدير.


اخوكم/حكيم الجامعه

صح الله لسانك يا حكيم الجامعه ولي طلب خاص هو تكملة القصيدة التي منها توقيعك ،

والله يرعاك

اخوي المتجول ياهلابك ومرحبا وطلبك على الراس والعين وانت تامر امر لاكن القصيده هذه كلها على فكره اناماحب اطول القصيده حتى ماتفقد جمالها وقوة معانيها.
وابشر وانا اخوك الجاي اكثر واجمل بمشيئة الله.

وتقبل تحياتي

يـــــــمــــــــــــــــــــــ (يا حكيم الجامعة)ــــــــــــــنــــــــــــا ك

الحين اخوك الواثق يرد عليك....ومن ورى خشمه بعد قلت لك انا الاحق واتابع الابداع بغض النظر عن الاسم...رهيب ياحكيم الجامعه
اتجاه جميل ومسار مختلف بالفعل عن الاول خليك دايم كذا يارهيب
كنت متأكد انه يجي منك الاجمل...لك مني حبة خشم رفعت راسي فيك
ولاخيبت ظني.



مـــــلا حــظـة
* يشجع المواهب ...ويصفق للمبدعين فقط


تقبلوا تحياتي

اخوكم الصغير/عبدالله بن فلاح الهاجري

اخوي الوثق الله لا يهينك وتكرم انا اللي بحب خشمك اكبر سن وقدر وحشمه ومقامك عزيز ماسويت انا شي .كلها من نصايحك الطيبه اللي صادره من قلب صادق وابشر والله من يرفع راسك وقريبا انشاء الله مفاجئه اخرى


وتقبل تحـــــ تلميذك ـــــــات/حكيم الجامعه

[تم تعديل الموضوع من قبل حكيم الجامعه بتاريخ 01-10-2001 الساعة 06:13 ]

تراني انا ماشفت نفسي عليكم غـير
...............ولاكـن دروب الـحــب قـبـلك مـجـربهــا

يكفينا أنك أطلقت على نفسك أسم الحكيم ...وأنت الحكيم .

طيب طيب....صح لساااااااااااانك

تحية من أخيك

ولدعبس

هلا بك اخوي ولد عبس اسعدني كثيرا دخولك واطلاعك على قصيدتي شهادتك وسام على صدري والقادم افضل بمشيئة الله
وتقبل تحيات تلميذك/حكيم الجامعه

[تم تعديل الموضوع من قبل حكيم الجامعه بتاريخ 01-10-2001 الساعة 03:39 ]