شدت المحزم وتلت ثوبي واوكت صميلي

السلام عليكم .. وتحية للجميع

والحكايه

______________


جامليني يالليالي واكذبي بس اضحكيلي
....................... وكشرت لي قالت الا غير اعلمك الرمايه

شدت المحزم وتلت ثوبي واوكت صميلي
...................... قالت انت تشوف وشسويت سويها ورايه

توني طفل ٍ ولاقد يوم قالت ياا حليلي
...................... وكل ما اضحك كشرتلي ورجعتني للبدايه

لين صارت مسأله تحتاج تفكير ويبيلي
....................... اشحذ التفكير واعرف كيف آصل للنهايه

قلت مافيها سوى اني اخترع طفل ٍ بديلي
.......................... تنشغل فيه الليالي او تجد فيه الكفايه

قمت اشكل لي قصيده طفلة ٍ في مثل جيلي
....................... في برأتها المدى مد.. و تعدت به مدايه

يوم اجمـّـعها تجمـّعني بعد بعثرت ليلي
...................... لين صرنا مثل من يجمع تفاصيل الروايه

قلت شوفي يالليالي ويش جبت بتفرحيلي
........................ وتفرحين بطلة اجمل طفلة ٍ طلت معايه

قالت الان انتهينا تقدر تقول اسمحيلي
........................ ان بغيت الان ترحل فانت كملت القرايه

وضحكت لي يوم قلت الان اخليتي سبيلي
.................. ضحكة ٍ نستني اللي راح من عمري وشقايه

قالت الا خذ معك هاالطفله وخلك وكيلي
....................... انت علمها على رقص المعاني كالهوايه

كان قصدي بس اجمّع بينكم والا وجديلي
......................... اني احبك محبه وخذت من حبك عنايه

كنت تكبر في عيوني وكنت تسهر في شليلي
.................. كنت اضمك في ظلامي وادعي لعيني بعمايه

كيف كم كنت اتآلم وانت تطلبني قليلي
...................... ولا عطيتك كنت ابيك تقدر الموقف بلايه

كم تمنيت ابقي القمرا على دربك دليلي
.................... بس لازم تعرف انواع الدروب انت بدرايه

والله كم قلبي تفطر وانت والطفله تجيلي
...................... كيف قدمت الهديه وقلت من ذاتي عطايه

قلت اجل ياليلتي جاء دوري اقدم جميلي
..................... دام لي كل هالغلا مانيب مسترخص غلايه

الرحيل اللي ذكرته انتهى ما هو رحيلي
.......................... تقبليني وطفلة ٍ كبرت وتلبس للعبايه

قالت ابركها من الحزات اغني؟ قلت شيلي
....................... وابتدينا مرحله اخرى تبي ايضا ً حكايه


فهد بن محمد

اخوي الذهب ذهب ,,,,



الله يعينك على هالدنيا ,,,



ابدعت واجدت يا الذهب ,,,



جزل دايما لا عدمتك ,,,,,



صح الله لساانك ولا هنت ,,,,,



تقبل تحياتي ,,,,





ابو اصاله

الاخ الشاعر/ ذهب

الله يعين على الدنيا بخير

صح لساانك وعزالله قلت واجدت

وكلامك ذهب لاعدمتك


دمت ودام ابداعك

تحياتي لك

اشهد انك ذهب يا ذهب


صح لسانك ,,, وسلمت يمينك

اخوك

فهد

ابومحمد

لاهنت وصح الله لسااانك
توني طفل ٍ ولاقد يوم قالت ياا حليلي
...................... وكل ما اضحك كشرتلي ورجعتني للبدايه

لين صارت مسأله تحتاج تفكير ويبيلي
....................... اشحذ التفكير واعرف كيف آصل للنهايه

قلت مافيها سوى اني اخترع طفل ٍ بديلي
.......................... تنشغل فيه الليالي او تجد فيه الكفايه

قمت اشكل لي قصيده طفلة ٍ في مثل جيلي
....................... في برأتها المدى مد.. و تعدت به مدايه

يوم اجمـّـعها تجمـّعني بعد بعثرت ليلي
...................... لين صرنا مثل من يجمع تفاصيل الروايه

تسلم على الجزله

الا عينت طويق وش اخباره.

لو هاك الدفيتر يحصل....

اسعدني قراءه هذه الشامخه

تحياتي....الذيب