خذ العلم تلميحه .. خذ العلم تصريحه

[poet font="Simplified Arabic,14,black,normal,normal" bkcolor="green" bkimage="" border="double,2,gray" type=0 line=200% align=center use=sp char="" num="0,black"]
على جمر الجروح القديمه حداني برد "=" أدفّي شعورٍ تعتريني تباريحه
تصبّرت لكنه تمادى الشتا بالجلد "=" تخالف سياطه والحِق الصيحه الصيحه
تجف المشاعر و يتـنامى بقلبي وجد "=" واحسّ الضياع اشعل بدربي مصابيحه
نتيجة فراقك يا اتلع الجيد واهيف قد "=" معيد الجروح اللي بعادٍ مشاويحه
مضامينها الحرمان والجور واعنف صد "=" ومساريح دمعي تقتفيها مراويحه
جروحك كثيره عدّ واغلط وعود وعد "=" والى ما لا نهايه تمادى بتجريحه
بتجريح قلبٍ فاح لاجلك عبير وند "=" ليا فاح يعبق في حناياك من ريحه
أحبك وقلبي زارعه لك حديقة ورد "=" ولك فيه قصرٍ فيه مسبح ومرجيحه
ولك فيه وادٍ فيه وادي ووسطه سد "=" لامنّه دقل عجّ الفضا الطيب من شيحه
ولك فيه بحرٍ موجته بين جزر ومد "=" يهيج الخطر فيها وتِغْرِق سوابيحه
ولك فيه سوقٍ ما تبدّل ولا ترّد "=" بضاعة دكاكينه وتاخذ مرابيحه
ولك فيه شِعْبٍ فيه خيمه وذود وعِدّ "=" ولا غيرك احدٍ يارد العد ويميحه
ولك فيه
ولك فيه
ولك فيه
ولك فيه
ولك فيه
ولك فيه عزوه من خوال وعمام وجدّ "=" تفازع ليا سمْـعَـت على حضرتك طيحه
ولا فيه
ولا فيه
ولا فيه
ولا فيه
ولا فيه
ولا فيه مثلك بالمحبه ولا لك ند "=" تفرّدت فيه وتقطع العرق وتسيحه
أحبك من اقصى الحب حبي ولا له حد "=" على الحب تهليله .. على الحب تسبيحه
ولا زلت اعيش آمال ما بعد غدّ وغد "=" واعيشك هجاد احلام واحلام تصبيحه
واقول الله الهادي عسى ما يطول البعد "=" وباب الجفا يقْفَل وتكْسر مفاتيحه
واشوفك بعينٍ جفنها من فراقك رمْد "=" ليا شافك يموت الرّمد فيه ويبيحه
عليّ الحرام انْ ما لنا عن بعضنا بُـد "=" خذ العلم تلميحه .. خذ العلم تصريحه

[/poet]

السلام عليكم

نتيجة فراقك يا اتلع الجيد واهيف قد " " معيد الجروح اللي بعادٍ مشاويحه
مضامينها الحرمان والجور واعنف صد " " ومساريح دمعي تقتفيها مراويحه
جروحك كثيره عدّ واغلط وعود وعد " " والى ما لا نهايه تمادى بتجريحه

أخي الشاعر / عبدالرحمن

صح لسانك ويشرفني ان اكون اول من تمر على هذه القصيده الجميله

تحياتي

أختك / أماني

ارحبي يا أماني يامرحبا




شرفتيني يا بنت المطاليق الله يحييك

والله يرضى عليك
ــــــــــــــ
عبدالرحمن

السلام عليكم ورحمة الله وبركاته

الشاعر المبدع/ عبد الرحمن

مساك الله بالخير


صح لسانك مليوووووووون ....وليتهم يكفووووووووون


ابدعت ياعبد الرحمن كعادتك .......وعسى تسلم يمينك ...


في انتظار الاجمل والاجمل منك دوما.......


تقبل تحياتي واعجابي


اخوك/ محمد الشهري

علي الحراام انك من الشعااار اللي اطررررب لقصيدهم

واجد فيه مايرووي ضماي 00 ولو انه يزهدني بقصيدي


صح لسااانك يابو وسميه

وبيض الله وجهك


دمت ودام ابداعك لاعدمتك

تحياتي لك

اقول خذ العلم مني انا















































عيني عليك بارده شاعر فعلا يستحق المتابعه وقصيده تستاهل الزياره

بيض الله وجهك

صح لسانك وسلمت يمينك
اخوك

فهد

الشاعر الاستاذ00

عبدالرحمن000

صح لسانك ياراااائع000

قصيده رائعه وجميله جدا000

اجدت فيها كثيرا000

سلمت الأحاسيس والمشاعر يااستاذ000

جزله من راس جزل يالمبدع ، عانقنا بها سحاب الشعر الجزل يالغالي000


شرفتني بالقراءة والرد000


تقبل تحياتي واعجابي0



اخوك


عبدالله العويمر

الاخ / محمد الشهري

وعليكم السلام ورحمة الله وبركاته

ومساك الله بالنور والرضى ..

لاهنت يامحمد وبيض الله وجهك .. مرورك شرف لي طال عمرك

الله يرضى عليك يامحمد

ـــــــــــــــــــــــ
أخوك / عبدالرحمن

عكاشه

اررررررحب يابوعبيد



ماعليك زود وعلي الحرام ان رايك يهمني كثير طال عمرك



لاهنت .. والله يرضى عليك

******
عبدالرحمن

فهد الوايلي

يامرحبا يافهد



أرحب الله يحييك

صح بدنك وشهادتك لي وسام فخر اتشرف بحمله






























يا الوايلي فهد .. الله يرضى عليك .. يافهد الوايلي

********
عبدالرحمن

أحبك من اقصى الحب حبي ولا له حد ii" " على الحب تهليله .. على الحب تسبيحه
ولا زلت اعيش آمال ما بعد غدّ وغد ii" " واعيشك هجاد احلام واحلام iiتصبيحه
واقول الله الهادي عسى ما يطول البعد ii" " وباب الجفا يقْفَل وتكْسر iiمفاتيحه
واشوفك بعينٍ جفنها من فراقك رمْد ii" " ليا شافك يموت الرّمد فيه ويبيحه
عليّ الحرام انْ ما لنا عن بعضنا بُد ii" " خذ العلم تلميحه .. خذ العلم iiتصريحه


اخوي عبدالرحمن ,,,,,



يعلم الله ان هذه القصيده من اجمل القصائد اللي مرت علي ,,,,,,,



ومن اجزلها ,,, ومن ابدعها وارووعهااااا ,.......



لاااااااا هنت على الابدااع يا شااعر ,,,,,




صح الله لساااانك ولااا هنت ,,,,,




تقبل تحياتي ,.,,,,



ابو اصاله

عبدالرحمن
،
،
،
صح السانك ياعبدالرحمن وبيض الله وجهك على هالجزله والرائعه
،
،
قصيده لامست الجمال بكل مافيها من معانى وجزاله .. لله درك
،
،
تـحياتــــى لــــك
،
،
بندر المطيرى

الاستاذ الشاعر : عبدالله العويمر


صح بدنك يابطل

وألف شكر على مرورك العذب يالعذب


الله يرضى عليك

******

عبدالرحمن

أخي أبو الاصاله


صح بدنك واشكرك على مرورك العذب


وارجو أن أكون عند حسن ظنك بي


الله يرضى عليك .. أخوك / عبدالرحمن

الاخ الشاعر عبد الرحمن
مادرى ليش الردود قليله على مثل
هاالقصيده الرائعه الى تستحق القراءه والاشاده
من كل شاعر
قصيده فعلا اجدت فيها ايما اجاده وصح لسانك
من عندى الا عندك على هاالروعه والتميز فى حبك هاذه القصيده
تحياتى واعجابى