رد على الشاعر الكبير غازي بن عون

هذه القصيده رد علىقصيدة الشاعر الكبير غازي بن دخيل الله بن عون العتيبي والتي ارسلها وهي على هذا الرابط
http://alsaheel.com/last.htm
[poet font="Simplified Arabic,14,black,normal,normal" bkcolor="" bkimage="" border="outset,2,gray" type=0 line=200% align=center use=sp char="" num="0,black"]
تجمل علي ياهاجسي باجزل القيفان=وشرد البيوت اللي لها الفكر شفقاني
عذاب المعاني نزهة الروح والابدان=كبار الدلايل مستثيرات الاشجاني
ماطاوعك منها سقه لي سوقة الذيدان=وماعاندك منها قده باخطام وعناني
ولاتستعين الا برب هدى حسان=لزين الكلام وجنبه كل شيطاني
ولاتسلك ادروب المتاهات والعصيان=ترى ربح فكر غره ابليس خسراني
تضرع وناج الله...ياحنان يامنان=اسالك..معافاتي وترجيح ميزاني
بعدها تراحيب بخط رفيع الشان=اعلي بها صوتي على راس ماباني
هلا مرحبا برسالة معرب الجدان=حليف الوفا..سمح النوايا كحيلاني
نديم الادب والشعر ومشامج الضفران=سليل الحرار الكاسرة طير حوراني
ابونايف اللي لارفع صوته الرنان=تجي له شواريد الحكم طوع واذعاني
يوم انها تقابل ناقص العرف بالعصيان=وتعطيه لانادى قفاها والامتاني
اتطاوع لغازي طوعة السفن للربان=بصدق وقبول وطيب خاطر وعرفاني
يشيّد كبار الدور فوق اجود السيسان=وتبقى شواهيق على مر الازماني
يروم الكلام الوافي الكافي المليان=تقول الجزاله ماكره واهو شيهاني
ويزول العجب لاقالوا انه من العتبان=عدود البلاغه منجم اجزال الاوزاني
رجال رسوا مرسى النوايف من الضلعان=لهم في دواوين البطولات عنواني
لهم عندنا التقدير والحب والعرفان=ولنا عندهم قدر ومحبه وعرفاني
اتطرّي ياغازي ليلة لمت الصدقان=على طيب ومراقا كرامه وسفطاني
من عتيبه الهيلا وشهران والسبعان=بمجلس رجال تكرم الضيف والعاني
وهي ليلة لازالت اتدور بالاذهان=على حد قولك..ماتقدر بالاثماني
عرفنا بها الروسان والنعم بالروسان=شيوخ الشعر لاصار للشعر شيخاني
سواليفهم تجلى خوى الخاطر العمسان=وتنعش فواد اللي للامثال طرباني
على شوفهم ومجالس امثالهم شفقان=شفقة الغريب اللي يبي شوف الاوطاني
وكني ملبس تاج ..كسرى..انوشروان=بعرف الرجال اللي لنا طيبهم باني
وتطري فروق الناس والزود والنقصان=وهذي مشيئة خالق الانس والجاني
ماعمر المضاهر كانت الفرق والميزان=مابين الردى والطيب في شخص الانساني
خصال الشهامه والوفا قبلها الايمان=والاخلاق ورموع المراجل والاحساني
هي اللي تعلي منزل فلان فوق فلان=تعلي رفيع القدر وتنزل الداني
ولاانسى القيام بواجب الجار والضيفان=مبدّاه في مذهب وسنه وقراني
وابو نايف استاذ وعارف وله برهان=ومن يقتفي العارف بما قال غلطاني
اكن اله ولعبدالله وباقي الاخوان=صنوف الغلا اللي منبعه صدق وجداني
هذا والوعد في منزل الدين للديان=ولاغرك بديني ياغازي وديّاني

[/poet]

محجووووووووووووووووووووووووووووز

عبد الله الشهراني
صح لسانك ولسان الشاعر غازي بن عون

فتنه

صح السانك


قصيده جميله وافيه وشافيه



وصح السان الشاعر غازي


والف شكر لك على امتاعنا بالجزل

هلا فتنه

وجنبك الله الفتنه

ولاهنتي

أخى الغالى : عبد الله




صح لسانك



وسلم بنانك



جزله من جزل



وصح لسان أبو عبد الله شاعر معروف وفى غنى عن التعريف




تحياتى

الشاعر عبداللة هادي الشهراني

[poet font="Simplified Arabic,14,black,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]

الشعر بخير وفالقمة بوجودك..
ابن عون شاعر كفوا وانت شاعر معترف بة وكفوا.

صح لسانك يابو هادي..صح لسانك

اخوك/ الشريفي


[/poet]

عبدالله الشهراني



صح السانك والسان بن عون



واعتقد ان هاتين القصيدتين من النوادر غالية الاثمان لما تضمانه من احكام للمعنى ومن جزاله وجرس موسيقي صاخب


هنا اعدت القصيده اكثر من مره وقفت امامها كتلميذ اراد ان يتعلم ولست كشاعر

[عندل]

يشيّد كبار الدور فوق اجود iiالسيسان وتبقى شواهيق على مر iiالازماني

الله ياسلام عليك



صح السانك الشتاعر القدير عبد الله الشهرانى

الاخ عبدالله

صح السانك ولاهنت


قصيده رائعه

وكفيت ووفيت

لك تحياتي

ضاوي العصيمي

مشكور ياصبي العصمه على تفضلك بالدخول والتعليق ولاخلا ولاعدم

عبد الله الشهراني
صح لسانك ولسان غازي ابن عون

طيب ياعبد الله وانا ما اعرفك لكن :



(من جالس اهل الطيب يزداد طيبي)

ونعم ابكم وبالروسان ،،،،
كل القصيدتين طيبات وفوق مستوى نقدي لكن بيتك هذا ما يطري الا على الطيب من الرياجيل

هذا والوعد في منزل الدين iiللديان ولاغرك بديني ياغازي iiوديّاني

كفو كفو
مع تحيات سعود الدهيمي البقمي

الذيابي شكرا جزيلا لك ولاخلا ولاعدم