ابشربالعوض ياسعيد الحمالي..والجميع

طرحت بالامس قصيده بعنوان ( وصلت الحقيقه ) .. وبصراحه اللي شجعني على طرحها التالي :

كنت قبل كم يوم طرحت قصيده بعنوان ( الحقيقه ) وهي موجوده ويمكن قريتوها .. وأمس وانا أتابع المنتدى

خمّتني عنزٍ تعيد تجيني وقلت ياولد ليش ما تنزّل قصيدة ( وصلت الحقيقه ) بما ان ( الحقيقه ) موجوده في

المنتدى ... والله ونزّلتها بسرعه ( فرحان الأخ .. جاب الديب من ديله ) والجنيّه _القصيده _ فيها تجاوزات

لا يسمح بها المنتدى .. أرسل لي الحمالي رساله يقول انه بيحذفها إذا ما عدّلتها وانا أرسلت له على طول

أقول له : جعلها فدا رجليك .. والله وحذفها قلب الذيب جعله يسلم وانتو وسوف أعيدها الآن بعد حذف مجموعة

الابيات التي تخالف أنظمة النداوي .. ان كانت زينه تستاهلونها وان كانت شينه فاعذرونا على القصور :





ياللي على المرواح قدكم مشافيق

فوق العديم اللي تلامع بريقه








من فوق صالونٍ فيوزه مطابيق

ما فتّشوه اهل العقول الطفيقه







ما قلّبوه اهل الورش بالمطاريق

ولا لفّقوه اهل المعارض لفيقه







ما عِرْض فـ الصالات لاهل التوافيق

اللي تدوّر فيه كسب و وفيقه







صوت القزوز تقول جرّة طواريق

عذراً على شوفة غلاها شفيقه






وبْدَق سلفه كن قطف الزماليق

بين اصبعين صغيّرٍ في حديقه








حافه خبيرٍ ما تجيه التعاويق

متْزهّلٍ به لين يكمل طبيقه








نسل الخباث اهل الوجيه المماحيق

فِـنْـس الخشوم اهل العيون الغليقه






.................................

...................................










بالليل يسهر .......................

.................................









والصّبح يسرح حا فظٍ للمواثيق

ما قد تأخر عن دوامه دقيقه







يسرح ولا لدّ النظر للمطافيق

لين اكتمل شغله على احسن طريقه









ساعت خَـلَص .. والمصنع ايضجّ تصفيق

واكبر مديرٍ فيه تــسمع صفيــقه








والشيك بيمينه عليه الف تصديق

مليااااااااار ينّ اللي عطوه ويفيقه








ثمّ استقال وقال اباعيش ترويق

وانا الوحيييييييييييييييد اللي

وصلت

الحقييييييقه













حقيقة الفكسار صنعه وتطبيق

موديل نادر والصناعه عريقه








أبيض شطرطونات حُـمْرٍ ملاصيق

على جنوبه والمرايا فهيقه










لِـدْبار ريمٍ ذيّروه التّفافيق

واقباله اقبال السّباع المويقه









عدّوووووووووووووووه

للي حبها بالمعاليق

بالقلب غادٍ له غصونٍ وريقه







حب الشرف طيرٍ يتلّ المسابيق

حب النّقا ما فيه غشّ و سريقه







.............................

.............................








عقب البطا عنها وعقب التفاريق

بفْراقها قلبي تزاحم شهيقه






والليل لامنْه ابتدا بالغواسيق

قلبي حطيمه زاد واسرع خفيقه






آوِنّ ونّه .. واغْشِي شوي .. وآفيق

وياخوووووفتي من ونّةٍ دووووون

فيقه






فيا وجْد حالي وجد من طِرْح ثمْ سيق

فـ المعركه خلوه ربعه وسيقه



كسيييييييير ساق وبه جروحٍ مفاتيق

وطاح بيدين الرّجال الحميقه








على مشاهدْها على فكّة الريق

يا كود تبرا بي جروحٍ عميقه







هي شفّ بالي .. دون كل المخاليييق


وباقي الخلايق





جعْلهم







في











حرييييييقه ....


**********

ان هي زينه تستاهلونها .. وان هي شينه جعلها فدا رجليكم .. والحقيقه وصلها الياباني في مصنع تويوتا

واما انا فأتمنى انها توصل لمستواكم وتعجبكم ............ واعذرونا على القصور


*************

أخوكم الصغير / عبدالرحمن

الاخ عبد الرحمن
صح السانك على هذه القصيده
تقبل خالص التحيه

الشاعر عبدالرحمن

صح لسانك يالغالي

قصيده جزله لاعدمتك

تقبل تحياتي وتقديري

بو عرب

الاخ الغالي / مجعد بن متعب

صح بدنك والله لا يهينك على مرورك



الله يرضى عليك يا مجعد

********

عبدالرحمن

الاخ / عبدالرحمن


صح لسااانك وبيض اله وجهك


وعزالله انها جزله الى ابعد الحدود

ولله درك

ملاحظتي الوحيده 00 هي انك يا اخ عبدالرحمن شاعر لك بصمه تميزك

ولكن هنا في هذه القصيده 00 اتضح تاثرك في شاعر او في قصيده

وربما اكون مخطىء00 لعلها البيئه فرضت هذا الاعتقااد

تحياتي لك

[poet font="Simplified Arabic,14,sienna,normal,normal" bkcolor="" bkimage="http://nadawi.net/vb/images2/24.gif" border="inset,7,gray" type=0 line=200% align=center use=sp char="" num="0,black"]
حب الشرف طيرٍ يتلّ المسابيق= حب النّقا ما فيه غشّ و سريقه








[/poet] صح لسانك يا عبدالرحمن ولا هنت وانا اخوك والبيت هذا متميز
لما فيه من النقاء والصفاء !!!
وتقبل تحياتي.......

الاخ / سعود العازمي

صح بدنك طال عمرك

شرفتني الله يرضى عليك

**********

أخوك / عبدالرحمن

أرررررررحب يا عكاشه الله يحييك



وصح بدنك يالجزل ... أما ملاحظتك فـ..





























جعل عمرك طويل وتلاحظ ياسيف

وتراها كلها صح .. متأثر بشاعر و البيئه

كلها جات ..

جلست فترة مع اثنين من الشعراء الكبار اللي أكبر مني وأثروا فيّ .. ( بن جدلان .. و أبو شعرتين ) بحكم

الجيره والرفقه ..

والبيئه ما يحتاج وانا اخوك كلها طردي وجموس وصوالين


الله يرضى عليك ياسيف


********

أخوك / عبدالرحمن

العوض في راسك ياعبدالرحمن

انت وامثالك من الرجال الطيبين المكسب الحقيقي لي..

وقصيدتك هذي من اجمل ما قرأت لك والله..

وأعجبني جداً هذا البيت الذي يدل على قوة شاعريه وقدرة تصويريه رائعه:


وبْدَق سلفه كن قطف الزماليق
بين اصبعين صغيّرٍ في حديقه



صح لسانك ولاعدمتك أخاً صادقاً ...




أخوك,

حمد المداد

يامرحبا ياحمد

صح بدنك وجعل عمرك طويل يابطل


مشكور ومجمل الله يرضى عليك

أخوك / عبدالرحمن

يامرحبا ياسعيد الحمالي


دامها زانت لك فهي زينه

وشهادتك وسام أتشرف بحمله طال عمرك








الله يرضى عليك ياسعيد

ـــــــــــــــــــــــــــــــــ
أخوك / عبدالرحمن