Tweet
من القديم ,عيارها خفيف لقصد التنويع والتغيير 
[poet font="Simplified Arabic,4,darkred,bold,italic" bkcolor="transparent" bkimage="" border="solid,4,gray" type=0 line=200% align=center use=ex length=0 char="" num="0,black" filter=""]
غريق المنام ...وغريق الهوي = لك الله ياشيخ ماهم سوى
وقلبٍ خليٍ .. وقلب انكوى = وعيونٍ تنام.. وعيونٍ تنوح
غريقٍ في بحره و موجه عنيف = وضاع العمر لكن الله لطيف
بغيت أعسفه ثم صرت العسيف = عنيدٍ ولكن جعلني سموح
يزود البعاد ..ويزود الغلا = وأسلي خفوقٍ عنه ماسلا
توحشت بعده ... عشقت الخلا = سهرت الليالي وكبدي تفوح
مضى العمر معه بهجاد وصباح = وصاله صياح وعتابه نياح
ترفق.. ترفق.. ترى السد باح = ولا تنثر الملح فوق الجروح
يا ويلي منه .. ثم يا ويلي عليه = ما بيه وما أحبه ...وأحبه وأبيه
أبيعه ما أريده ...وأرد أشتريه = قنوع في حبه ولكن شفوح
جفاني وبيني وبينه وعد = جزيته وصال وجزاني بصد
وأنا أدوّر العذر له وأجتلد = إلين أصبح الكبد منه قروح
وترى العيش فيه الصفا والكدر = دهر ثم ربيعٍ وبعده دهر
ولاشي ينفعك مثل الصبر = وضعف الرجل له مذلٍ فضوح
أبأصبر ولو ضاع صبري سدى = واكيد العواذل واكيد العدى
تبين الأصيله لا وصل المدى = ويرفع لها البيرق الي يلوح
ولاكل من رام شيٍ حظا = قضى العمر ولا حد منه قضا
يحل القضا ثم يضيق الفضا = حكم قالها "الشافعي" النصوح
ومن زاد عمره يزيد طمعه = يخدع الليالي وهي تخدعه
يمد الحبل والأجل يقطعه = مقدر ..مسجل له بوسط لوح
ولو كان جمعي تفرق شتات = مابعت الكرامه برخص الحياة
ولا أعلم مصيري لاحل الممات = ويبقى العمل ثابتٍ ما يروح
وغريق المنام.. وغريق الهوي = لك الله ياشيخ ماهم سوى
وقلب خليٍ وقلب انكوى = وعيون تنام وعيون تنوح
[/poet]
[poet font="Simplified Arabic,4,darkred,bold,italic" bkcolor="transparent" bkimage="" border="solid,4,gray" type=0 line=200% align=center use=ex length=0 char="" num="0,black" filter=""]
غريق المنام ...وغريق الهوي = لك الله ياشيخ ماهم سوى
وقلبٍ خليٍ .. وقلب انكوى = وعيونٍ تنام.. وعيونٍ تنوح
غريقٍ في بحره و موجه عنيف = وضاع العمر لكن الله لطيف
بغيت أعسفه ثم صرت العسيف = عنيدٍ ولكن جعلني سموح
يزود البعاد ..ويزود الغلا = وأسلي خفوقٍ عنه ماسلا
توحشت بعده ... عشقت الخلا = سهرت الليالي وكبدي تفوح
مضى العمر معه بهجاد وصباح = وصاله صياح وعتابه نياح
ترفق.. ترفق.. ترى السد باح = ولا تنثر الملح فوق الجروح
يا ويلي منه .. ثم يا ويلي عليه = ما بيه وما أحبه ...وأحبه وأبيه
أبيعه ما أريده ...وأرد أشتريه = قنوع في حبه ولكن شفوح
جفاني وبيني وبينه وعد = جزيته وصال وجزاني بصد
وأنا أدوّر العذر له وأجتلد = إلين أصبح الكبد منه قروح
وترى العيش فيه الصفا والكدر = دهر ثم ربيعٍ وبعده دهر
ولاشي ينفعك مثل الصبر = وضعف الرجل له مذلٍ فضوح
أبأصبر ولو ضاع صبري سدى = واكيد العواذل واكيد العدى
تبين الأصيله لا وصل المدى = ويرفع لها البيرق الي يلوح
ولاكل من رام شيٍ حظا = قضى العمر ولا حد منه قضا
يحل القضا ثم يضيق الفضا = حكم قالها "الشافعي" النصوح
ومن زاد عمره يزيد طمعه = يخدع الليالي وهي تخدعه
يمد الحبل والأجل يقطعه = مقدر ..مسجل له بوسط لوح
ولو كان جمعي تفرق شتات = مابعت الكرامه برخص الحياة
ولا أعلم مصيري لاحل الممات = ويبقى العمل ثابتٍ ما يروح
وغريق المنام.. وغريق الهوي = لك الله ياشيخ ماهم سوى
وقلب خليٍ وقلب انكوى = وعيون تنام وعيون تنوح
[/poet]
تعليق