Tweet
<<<<
أستهـلـّــت من مـزون الشعــر هتـان القصيـد
وازهرت روض المشاعر يوم جات بوسمها
واستـفـــاد الشعــر منهـا مثــل مانــي مستفيد
هــي تهــل حــروفــهـا وانا بـشـــوق ألـمّـــها
تـمـطـر حــروفً تشـابـه واختـرع شيً جديد
شـغــلـــةً تـحـتــاج فـنـانً يـحـيــط بـعـلـمــهـا
مثـل مـا ســوّوا صـواريـخً تجمـّـع من حديد
يصـنــع الشاعــر بيـوتــه بـطيبـها أو سمـّــها
يمـلك الشاعــر بيـوتً فـالمــدى تاصل بعيـد
وكيـفـهـا هـو مـا يـهمـك لا يـهـمـك كـمـّـــهـا
لـو رمـى لـه واحـدً فـي ديـرةً جـاها الوعيــد
كـان عـن بـكـرة أبيـها تنمـحي وعـن أمـّـــها
وكـم بيوتً طوعـت راسً عقـب ماهـو عنيد
وكـم قصايد أنهـت الشاعـــر وهـــو ما تمـّها
وكـم قـصـايـد كنـهـا وردً يـقــدّم يــوم عيــــد
ألـطــف وأنعــم من النسمـه نداهــا وضمـّــها
آه لــولا هـالمــزايــا كـان ما رحــت أستعيــد
طـرق شاعــر يفحــص الكلمــه وحلل دمّــها
وقـتً أحـزن للهديـه ووقـت أنا منـهـا سعيــد
وكيــف أمــازج بين فرحتــها ولحظـة همّـها
وش يريـد الشعـر مني عقب هذي وش يريـد
لا يقــول أكـتـب قصــيده مـن قــراها شمّـــها
بالنيابــه عـن قصيــده بينـكـــم شلــت النشيـد
الله الله لــو سـمـعـتـوهـا أجــل مــن فـمـّــــها
__ذهب__
أستهـلـّــت من مـزون الشعــر هتـان القصيـد
وازهرت روض المشاعر يوم جات بوسمها
واستـفـــاد الشعــر منهـا مثــل مانــي مستفيد
هــي تهــل حــروفــهـا وانا بـشـــوق ألـمّـــها
تـمـطـر حــروفً تشـابـه واختـرع شيً جديد
شـغــلـــةً تـحـتــاج فـنـانً يـحـيــط بـعـلـمــهـا
مثـل مـا ســوّوا صـواريـخً تجمـّـع من حديد
يصـنــع الشاعــر بيـوتــه بـطيبـها أو سمـّــها
يمـلك الشاعــر بيـوتً فـالمــدى تاصل بعيـد
وكيـفـهـا هـو مـا يـهمـك لا يـهـمـك كـمـّـــهـا
لـو رمـى لـه واحـدً فـي ديـرةً جـاها الوعيــد
كـان عـن بـكـرة أبيـها تنمـحي وعـن أمـّـــها
وكـم بيوتً طوعـت راسً عقـب ماهـو عنيد
وكـم قصايد أنهـت الشاعـــر وهـــو ما تمـّها
وكـم قـصـايـد كنـهـا وردً يـقــدّم يــوم عيــــد
ألـطــف وأنعــم من النسمـه نداهــا وضمـّــها
آه لــولا هـالمــزايــا كـان ما رحــت أستعيــد
طـرق شاعــر يفحــص الكلمــه وحلل دمّــها
وقـتً أحـزن للهديـه ووقـت أنا منـهـا سعيــد
وكيــف أمــازج بين فرحتــها ولحظـة همّـها
وش يريـد الشعـر مني عقب هذي وش يريـد
لا يقــول أكـتـب قصــيده مـن قــراها شمّـــها
بالنيابــه عـن قصيــده بينـكـــم شلــت النشيـد
الله الله لــو سـمـعـتـوهـا أجــل مــن فـمـّــــها
__ذهب__
تعليق