(((قصيدة الشاعر سفر الدغيلبي في الشيخ محمد بن زايد الخيارين الهاجري)))

[align=center]http://www.youtube.com/watch?v=vepTJp07CRw[/align]

[align=center]





يا حمد كان الحجوزات جا فيهـا علـوم
ترسل بدون امر حجزي ورقـم التذكـره
رحلتٍ متعوكسه فى الذهاب وفى القـدوم
مانبيهـا دام بـاق الامــور ميـسـره
والله مايشفي غليلي ليـا حـان اللـزوم
غير دقت سلف جيبـي وتدريـج اكفـره
ابلجـن كنـه ينـادي ارتـع ومخـدوم
وانا مـا حصلتـه الا بعـد طـول ادوره
لوحة تصدير عقب الجمـارك والرسـوم
دوب خرجته مـن الحـد ماتـم اشهـره
شاشته متبرمجه بالحـروف وبالرقـوم
الحـروف مركبـه والرقـوم مصفـره
دفعه اولى جا على ظهر باخـرتٍ تعـوم
صدرت من طوكيو يـم هرمـز وبحـره
اقطمن منتوق كنـه ظهـر شقحـا ردوم
سكري اللـون بديتـه سـواة المنظـره
الله يكافـي شـر الحـوادث والصـدوم
لين يفنا ما اشتغل فيـه راع السمكـره
فوق مرتبته بلستيك مطـوي ومحـزوم
فيه حبـات الهـوا مثـل حبـات الـذره
سعره محدد على مقدمه من دون سـوم
اميتين وزود ماهـي بخمسـه وعشـره
شيكٍ مصدق بختمـن مميـز فالختـوم
اصله ارسلته وحطيت فالبـوك اصـوره
ديرته ما جات هديـه ولا حبـة خشـوم
كلها مـن مـخ راسـي ودم الحنجـره
غير تبعيد المشاويـر ومصـال الهمـوم
والعنا والكد وارهاق جسمـي واسهـره
سقته من الديره اللي عسى مزن الوسوم
يركز انصوبه عليهـا وينسـاق امطـره
ديرتي مدهال ربعي منزحـت الخصـوم
ذكرها شوباش راسـي وعـزه وفخـره
وجهه اعتيبه على الشرق نابيت الرجوم
المثـل قـد قـال كلـن مولـع فديـره
لو اشتاها قاسي وصيفها عـج وسمـوم
عندي افضل من هولندا ورومـا وانغـره
بعدها سريت جيـبٍ يهـوم الخـد هـوم
النفود مع ايمنه والصلاب امـع ايسـره
ثلث ساعه لين عارضني الخـط العمـوم
وجهتي لشرق والليـل مطـوي اسفـره
دامت ان الوقت محدود والوضع محسوم
اببحث خافـي الجيـب واجيـب اخبـره
استوا ليـل المسافـر ولا فالعيـن نـوم
وكل ما يطري لزومي فقـدت السيطـره
المواتر صارت انوارهـا مثـل النجـوم
والسريع ابو اربع اسيـاد دق المسطـره
ثم نسيت ان الامن حرص والدار محكوم
واثر جيب الطرق بلـغ وحـذر عسكـره
اعترضنـي عسكريـن منفـذ بالكمـوم
مستعـدٍ للقسايـم وشـايـل دفـتـره
قال وش هالسرعه الزايده قلت معـزوم
لازمي عند الخياريـن والهـرج اقصـره
قال والله وسبعة انعام بالربـع القـروم
واصل ولا يعترض سكتـك ولـد المـره
دامت انك رجل خير وعنـد اخيـر قـوم
العفو شاملـك والعفـو عنـد المقـدره
وجيت لي دارٍ لحكامهـا فيهـا رسـوم
دار ابن ثاني وابـن ثانـي لنـا مفخـره
من علاقات الرياجيـل مانـي بمحـروم
وفي قطر والله ماني بمقطـوع اشجـره
ولي فالريان بيـتٍ كبـر ضلـع البقـوم
بيت اخوي اللي على العز والطيب اعمره
ايه اخوي ودرع جنبي وغالي ومحشـوم
احشمـه واغليـه واقـدر اللـي قـدره
افخر بعرف ابن زايد ويـومٍ بعـد يـوم
فنظري يطلع ويكبر وانـا اكبـر فنظـره
من يحطه مسنـده فالدفـاع وفالهجـوم
يبطش الاخطار ما يحترك منـه اشعـره
والدليل الموقف اللي من الزور معصـوم
مع طويل العمر يوم ان لللهيـج اغبـره
ساق نفسه للعباريـد وحـداد السهـوم
موقفٍ مشهود والصيعري قبـل اذكـره
يوم حـول بالمغاويـر والكبتـر تحـوم
فالجزيره لين اهـان المعـادي وادحـره
يوم هزمو بعض الاصحاب ما عاد مهزوم
انتصـر عنـد المعازيـب والله انصـره
ذا حفيد ابو لهيمد راعي الصفره العـزوم
فارسٍ مضراب سيفـه وسلـت خنجـره
تترك شيوخ العدا في بـراح الخـد كـوم
ولجماجمهم بطـون الضـواري مقبـره
اشهد ان ال مطـوع لهـم حـظٍ يقـوم
من قديم اسلافهم عنبـره مـن عنبـره
وابو زايد ذخر ربعه عزيزيـن السلـوم
فعل ماهو فعل شـرواه مافيـه اثمـره
معتق ارقاب المساجين ثانيـن العـزوم
عون من ضامه زمانه وهانه واكسـره
راحم الايتام والله علـى خلقـه رحـوم
كم مريضٍ عاضـده كـم عـلاجٍ وفـره
هيلعـيٍ يدهـم الفقـر بالكـف الدهـوم
يدري ان المـال زوال والعمـر ازهـره
والله لو كفه تحول علـى البيـدا غيـوم
شالت الضلعان والقـاع بطنـه وظهـره
نفسه لا صمت عن الزاد كفـه ماتصـوم
كـل ماجـودٍ تحوشـه يـده مايذخـره
يامحمد جعـل يفـداك مطـواع الرخـوم
واحدٍ لامن بغا الجـوده البخـل اعثـره
ماعلي في مدحتك ياعـدو اللـوم لـوم
لو من شعري يجـف القلـم والمحبـره
علمنا وعفاك واسلم عسى راسك يـدوم
والوفـا منـا ومنـك العفـو والمعـذره[/align]