اشتراك مفتوح لمن يعرف الحل !!!!

جيناكم يالربع ومعي مسألتين سهلة صعبه هينة كايده !! ومن حلها لها جائزه مني شخصيا .. عباره عن إشتراك لمدة شهر مفتوح في الانترنت !! ويبشر بها .. !!

المسأله : بنوردها بالشعبي طبعا :

قدامك ثلاث براميل محكمه حديد ماهي قزاز ولا بلاستيك يعني ما تشوف من وراها ارتاح ومحكمة الاغلاق ماعدا فتحة التعبئة الموجوده في أعلى كل برميل ..

الأول يسع" 10" لتر ماء " مليان ماء لا تنسون !!! "

الثاني يسع" 7 "لتر ماء " فارغ .

الثالث يسع" 3 "لتر ماء فارغ .

المطلوب : إنك تفرغ من البرميل ابو عشره خمسه فقط وتحطها في أبو سبعه ..

احتياطات مهمه :: لا عندك ميزان .. ولا تشوف من وراء البرميل .. ولا به خرص يعني تخمين .. مطلوب خمسه لتر ماء في البرميل بالتمام ..

** البراميل عندك والمقاسات عندك .. وحلها موجود لاتفكرون مالها حلّ !!


_______________________________

المسأله الثانيه .. سهله مره

تخيل انك رحت تشتري راديو .. جيت راع المحل قال الراديو بـ 300 ريال أعطيته خمسمائة ريال أوكي .. الرجال ماعنده صرف راح لجاره وصرف .. رجع لك واعطاك المسجل ومئتين ريال صح .. حلووو !!! بعد مامشيت جاء راع المحل جار اللي باعك المسجل قال له : الخمسميه اللي اعطيتني تالفه خذها ورجعلي فلوس ي اللي اعطيتك .. المهم اعطيته خمسميه سليمه واخذت منه الخمسميه التالفه ..
في هذه الحاله كم خسارة صاحب المحل ؟؟؟

شغل مخك يانايم .. ياسهلها سهلاه ايه هين !!!
بالتوفيق ...

"
"
"
اهااااااااا

امممممممممممم


طيب بروح احلها وارجع لك يا بو ثامر لاحد يا خذ الجائزه غيري ..

"
"
باي



أمســــــ ـأم راااشد ـــــيه

السلام عليكم ..
"
ابو ثامر ..تعرف اخوك ..خريج محاسبه ...
"
المهم سالفت البراميل هذي خلها برجعلها بعدين ..الحل للغز الثاني

"
الخساره تكون الف ريال ...
"
الشرح .قيمه المسجل 300ريال ..وال200 الي رجعها لك ..هذي 500 ريال ..
"
وال500 حقت جاره الي عطاه بدلها ...يطلع الناتج 1000 ريال ..يعني ..خسارت صاحب المحل ...

1000 ريال ..وبعدين لا تنسى .ابي نسمه ...لاني متعامل معهم من زمان ..
"

تحياتي ..وفي انتضار الرقم السري ....

"
"
"
ناااااااااااايف ......

اصبر علينا.. شوي لحوووووول خلنا نعرف نحل شي..
"
"
"
والله العظيم وبعدين تاخذ السهل وتخلي الصعبه حلها لي وارسلها على بريد تراني مطفره .. ابي اشتراك

هذا بريدي


UM. RASHEEEED .COM


ام راشد

والله ياام راشد اذا انتي مطفره ..انا بعت الحديده منذو مبطي ..

ولا حاسبت استاذ المحاسبه حق الخصوصي الى الان ؟.....له سنتين ..يطالبني ....

ارحب يا ابو ثامر في محلك

حلها طال عمرك لا قابلتك الليله عند ممدوح اخذته منك و لا عليك من ام راشد و لا من ابن عيفان ..


تكفى يا حمد <--- ما عاد ورا ذا الكلمه شي يا حمد ترا راعي المحطة البنزين اللي قبل اللطايف يطلبني بقيمة البنزين اللي عبيته منه يم اني حاج عام 1331 هجري ..... يوم ان حنا حاجين على الابل ..

تحياتي لك و للاشتراك المفتوح

اخوك فيصل

هـــــلا بك .يالسحيمي


شوف انا المسأله الثانيه..فيها شوي فبركه.

ليه؟؟ انا بقولك!!

...انت قلت أنه اعطاك المسجل و200ومشيت.أوكيه

..في الأخير قلت المهم ..أنك عطيته الخمسميه السليمه

واخذت( التالفه)هنا توقفت انا.بإنتظار حل الشاطر..

لآن في بلاده وما عرفت حلها!!



،،،،،،،،، مــعــدي الـمــرقـــــــاب

الضاهر كلكم ما تبون الاشتراك المفتوح ..

أمسيه لا زلنا بنتضار الحل

نايف بن عيفان ما انتب حولها ربي يسلمك حاول مرى أخرى

معدي المرقاب .. للتوضيح مرة أخرى وبكل بساطه انت رجال اعطيت راعي المحل 500 ريال زين واخذت مسجلك قيمته 300 واكيد بيعطيك الباقي اللي هو 200 ريال ..

لكن الرجال رجع عليه اللي صرف عنده وقال له اخذ الـ 500 اللي اعطيتني لأنها تالفه واعطاه بدلها 500 يرال ..

يعني بالعربي راعي المحل خسران والا ربحان .. ربحان كم خسران كم وسلامتك ..


حها موجود والبطاقه شهر مفتوح حاطها على الكيبورد لراعي الحل الأول ..

تحياتي

حل السؤال الثاني يكون راعي المحل خسر حمسمية ريال فقط اللي هي قيمة المسجل و الميتين اللي عطاها اللي اشتراه

اما جاره فيكون اللي باع المسجل رجع له 300 ريال اللي خذاها في الصرف و يزيد عليها 200 ريال اللي هي عطاها المشتري مع المسجل فيكون خسارته بالتمام 500 ريال فقط

هذا حل الثاني والاول انا قاعد افكر فيه هلحين

فيصل

ابو ثامر ابشر بالحلو وتونى اشوف الموضوع والله


المطلوب تعبئة برميل سبعه خمسه لتر طيب


برميل ابو عشره مملوء نفرغه فى برميل ابو سبعه ونفرغه فى برميل ابو ثلاثه

يبقا ابو عشره فاضى عدل قول عدل . نفرغ برميل ابو ثلاثه فى برميل ابو عشره يطلع الناتج ابو عشره

فيه ثلاثه لتر وابو سبعه فيه سبعه لتر وابو ثلاثه فارغ عدل قول عدل .

ناخذ من برميل ابو سبعه ثلاثه لتر الى برميل ابو ثلاثه يصير العدد . ابو سبعه فيه 4 لتر وبو ثلاثه فيه 3 لتر

وبو عشره فيه 3 لتر عدل . نفرغ برميل ابو ثلاثه فى ابو عشره ويصير 6 لتر فى برميل ابو عشره وابو ثلاثه

فارغ وابو سبعه اربعه لتر عدل نفرغ ثلاثه لتر من برميل ابو سبعه الى برميل ابو ثلاثه يصير الناتج لتر

فى برميل ابو سبعه وفى برميل ابو ثلاثه ثلاثه لتر وسته لتر فى برميل ابو عشره نفرغ برميل ابو ثلاثه فى برميل ا
ابو عشره يصير الناتج تسعه لتر فى برميل ابو عشره ولتر فى برميل ابو سبعه وابو ثلاثه فارغ عدل قول عدل

نفرغ التر اللى موجود فى برميل ابو سبعه الى برميل ابو ثلاثه يصير ابو سبعه فارغ وابو عشره تسعه لتر .

نفرغ من ابو عشره سبعه لتر الى برميل ابو سبعه يصير الناتج لتر فى برميل ابو ثلاثه وسبعه لتر فى برميل

ابو سبعه ولترين فى برميل ابو عشره عدل الحين برميل ابو ثلاثه ناقصه لترين ويمتلى نفرغ فى ابو سبعه

لترين الى ابو ثلاثه يصير الناتج ثلاثه لتر فى برميل ابو ثلاثه وخمسه لتر فى برميل ابو سبعه ولترين فى برميل

ابو عشره عدل . نفرغ برميل ابو ثلاثه فى برميل ابو عشره يصير الناتج خمسه فى برميل ابو عشره

وخمسه فى برميل ابو سبعه وابو ثلاثه فارغ .......... وسلامتكم هذا خلصنا منه .


اما اللغز الثانى حسبالى توقيع مادريت عنه الا يوم خلصت من الاول وارسلته

لكن ابشر بالحل

راعى المحل ماخسر ولا ربح شلون انا اقولك

جيت انت تبى تشترى مسجل قمتها 300 ريال وانت معاك خمسمية ريال عطيت راعى المحل خمسمية

قالك ماعندى صرف صرف من جاره ورد وعطاك المسجل اللى قمتها 300 وميتين ريال صار الناتج

خمسمية ريبال عدل . الجال اللى صرف عنده راعى المحل راح لجار صاحب المسجل اللى باعها لك ماراح

لصاحب المسجل اصبح اللى خسران جار صاحب المسجل ماهو صاحب المسجل اللى باعها


وسلامتكم






تحياتى لك يابو ثامر

ذيـــــــــــــــــــــــــــــــب يا فهد مناور

والله ان ودي اعطيك مع بطاقة ابو ثامر بطاقه ثانيه

يسلم لي راسك يا الذكي

عاد تصدق اني خاش من باب التحدي و صلت لين صارت البراميل

6 و 1 و 3

و بعدها لخبطت

تحياتي لك يا الغالي


اخوك فيصل

الاخوان الأعزاء ...

تسلمون على المحاوله في الحل ..

اخوي فيصل .. عزالله العزيز ما شغلتك محاسب ..

ماجبتها ياخوي .. بعيد عنها ..........



اخوي فهد مناور ......... تسلم يمينك لكن ياخوي ما كنك مسكتنا خط .. وديتني الصمان ورجعتني بس الحل صحيح .. بس طويل بالمره وبامكانك تختصر الحل والخطوات ..

على أية حال .. البراميل انحلت .. عن طريق اخوي فهد مناور .. اسمحو لي اعطيكم طريقة حلها بأقصر الخطواط واوضح شوي ..

اولا:: نعبي برميل ابو ثلاثه مرتين من ابو عشره وتصبه في ابو سبعه ... عدل
ثانيا : تعبي برميل ابو ثلاثه وتصبه في ابو سبعه .. يبغى له واحد بس صح .. يعني باقي اثنين ..
ثالثا : رد ابو شبعه في ابو عشره ورد ابو اثنين في ابو سبعه وعبه ثاني مره ثلاثه وصبها مع الاثنين صارو خمسه خمسه ..

شفت شلون يافهد وانت مسكتنا خط الله يطول بعمرك ..

فهد حاول في الخمسميه وتاخذ البطاقه .. أنت المرشح الوحيد .. واذا انت بالكويت هم تجيك بطاقه ابو شهر مفتوح ..

مع السلامه ..

ماعليه متعودين على الخطوط يابو ثامر ان شالله ان اللغز انحل



اما اللغز الثانى حسبالى توقيع مادريت عنه الا يوم خلصت من الاول وارسلته

لكن ابشر بالحل

راعى المحل ماخسر ولا ربح شلون انا اقولك

جيت انت تبى تشترى مسجل قمتها 300 ريال وانت معاك خمسمية ريال عطيت راعى المحل خمسمية

قالك ماعندى صرف صرف من جاره ورد وعطاك المسجل اللى قمتها 300 وميتين ريال صار الناتج

خمسمية ريبال عدل . الجال اللى صرف عنده راعى المحل راح لجار صاحب المسجل اللى باعها لك ماراح

لصاحب المسجل اصبح اللى خسران جار صاحب المسجل ماهو صاحب المسجل اللى باعها


وسلامتكم






تحياتى لك يابو ثامر

هلا ابو مناور


لا يبه ... راعي المحل واحد هو اللي باع المسجل وهو اللي اعطا الباقي للمشتري وهو اللي عوض راعي المحل عن الخمس ميه


المهم اهو خسران كم .. بالعربي


تحياتي

ابو ثامر ..نحاول مره ..ثانيه ..
"

راعي المحل ياطويل العمر ..خسران 800 ريال ..عدل..قول عدل
"
والخساره هو انه عوض جاره بدال ال500..والقيمه حقت التلفزيون ..الي هي ..300 ريال ..
عدل ..قول عدل وخلنا نطلع بنتيجه ..طع شوري وعي ..والبطاقه وحده لي وحده لفهد ...ونت لاتدقق كثير ..ومشها وتمشي....
"
"

"

تحياتي