هوشه على ( 10 ) لتر بانزين افزعواا - حلو المشكله ( لغز )

[frame="5 80"]اسعد الله أوقاتكم بكل خير



جركل مملوء بـ (10 ) لتر بنزين تهاوشو عليه اثنين كل يقول ابي ( 5 ) لتر بالتمام والكمال ..

المشكله الوحيده التي تواجهك هو انك لا تستطيع وزن أو رؤية مافي الجركل

الموجودات امامك هي ( جركل سعة 10 لتر مملوء بنزين وجركل سعة 7 لتر فارغ وجركل سعة 3 لتر فارغ .

لديك وسائل مساعد وهي :

1- جركل فارغ بسعة 7 لتر
2- جاركل فارغ بسعة 3 لتر
3 - سطل تقوم بالقياس فيه سعته غير معروفه

المطلوب منك ..

ان تقسم مافي الجركل ابو 10 لتر الى قسمين متواسيين كل قسم خمسة لترات بحيث يكون في ابو عشره خمسه وابو 7 خمسة لتر .

تنويه : لا احد يقول بصب نصف الجركل او ربعه او بعبي ابو 7 بخمسه دون القياس .

مطلوب استخدات القياسات الذي عندك السطل والجركلين الصغيره .[/frame]

ابو ثامر


لاهنت


انا اعرف حله ولكن راح اترك المجال للربع يحلونه

لك تحياتي

لاهنت يابو عبدالله


خلك قريب

ابوثامر ماعقدنا فالدراسه كون الرياضيات

والحين لاتخلي رياضيات النداوي تعقدنا

اسمع طال عمرك

بصب ابو عشر في السطل لين يمتلي وعقبه بصبه في ابو 3 لتر وبزيد عليه مره ثانيه وثالثه

واذا امتلأ في المره الثالثه عرفت ان السطل ياخذ لتر واحد فقط وبعد ذذلك بقسمه بينهم ..


واذا مافاد وهو عادهم زعلانين بحب خشومهم وبيرضون



اربني جبته ..!!

ناخذ من 10 الى 3 ومن 3 الى 7 ومن 10 الى 3 مره ثانيه ومن 3 الى 7 يبقى لتر واحد في 10 نصبه في السطل
بعدين نصب اللي في 7 وهي 6لتر في ابو 10 بعدها نصب السطل في ابو 7 لتر



وبعدها برتاح شوي اوجعني راسي ياللي بعدي كمل





لاهنت يابو ثامر
واتمنى اني قربت من حله

ابوثامر



اسعد الله صباحك بكل خير وصباح جميع النداويه والحاضرين




اذا هم مطاليق شرواك وشروا الحاضر باقسم بينهم ولو زاد شوي عند احد منهم الثاني انشاءالله ماهو بزعلان



واذا هم معقدين باخليهم متقابلين عند جراكلهم عساهم مايقومون هم وياها



وانا مريت للسلام ولاودي اتعداك وانا اشوف موضوعك



تقبل تحياتي واحترامي

ارحب يابو حمد

الرياضيات تفتح المخ وتقوي الذاكره .


تصدق لو تشغل مخك شوي بتحله واما حليته لعبنا محااااااااااوره !!


تحياتي

محمد الحويله .


ارحب ..

ياقرب بعدك قربه بعداااااه



اجل بعد الاستراحه نشوف طريقة الحل عندك .


لاهنت

ابو مبارك هادي بن عسكر


مرحبا مليون ولا يكفووووووووووون


اللغز هذا لا زم تحله يابو مبارك ..



شاكر لك المرور المداخله




تحياتي

سم يابو ثامر

الحل

ناخذ من ابو 10 7 ونحطه في ابو 7

وناخذ من ابو 7 .. 3 لتر و نحطها في ابو 3 .. بيبقى فيه 4 ..

ويصير 3 .. 4 .. 3

ناخذ ابو 3 ونحطه في ابو عشره

يصير ابو عشره فيه 6 و ابو سبعه فيه 4 واابو 3 فاضي

ناخذ من ابو ..7 ...3.. ونحطها في ابو 3 فيبقى في ابو سبعه 1 لتر بس

ناخذ الثلاثه ونصبها على السته وتصير تسعه فيصبح ابو عشره فيه تسعه و ابو ثلاثه فاضي وابو سبعه فيه واحد

ناخذ الواحد الي فيابو سبعه ونصبه في ابو ثلاثه .. يصير في ابو ثلاثه واحد وابو سبعه فاضي

ناخذ من من التسعه سبعه ونصبها في ابو سبعه

يصير ايو عشره فيه ثنين وابو سبعه فيه سبعه وابو ثلاثه فيه واحد

ناخذ اثنين من ابو سبع ونصبها على الواحد اللي في ابو ثلاثه ..

يبقى في ابو سبعه خمسه وابو عشره فيه ثنثن وناخذ الثلاثه اللي في ابو ثلاثه ونصبها في ابو عشره وتصبح

خمسه خمسه

thanks

السلام عليكم



حلها سهل جداً وبسيط

بس يدوخ وحوسه وأكيد إذا بأقسمها بينهم بأتهاوش أنا وإياهم


هذا أكيد


والله مادري بس يمكن مثل ما قال ابوفهد



ودعتك الله

[frame="1 80"]


ابو ثامر

كل عام وانت بخير وجميع النداويه


اعتقد ان السطل الصغير سعته 2 لتر

لذلك

اصب من ابو عشره في ابو 3 لتر

واعبي السطل 2 لتر

المجموع 5 لتر

اصبها في ابو سبعه ويبقى عندي في الكبير 5 لتر

والله وابو ثامر اعلم

تقبل التحيه

اخبرني اذا حلي صحيح وان ما هو صحيح امسحه تكفى لا تشمت بي

امام الاذكياء

اخوك

ابو نايف[/frame]

اهـ يابو ثامر الله لايسامح عدوك


لكن تبي الصحيح والله انه يشغل المخ صح بس تراه اخذ من وقتي

على كل حال شهرك مبارك والله يسعدك في الدنيا والاخره


طبعا انا حليتها بطريقتي وقد يكون هناك طرق اخرى ولكن طريقتي اللي حليته بها طلعت صحيح

وهي كا التالي:



يؤخذ من الاساسي ابو 10 لتر الى ابو 7 لتر ومن ابو 7 لتر الى ابو 3 لتر والباقي 4 لتر في ابو 7 لتر تصب في السطل


ثم يفرغ ويعاد ابو 3 لتر في الاساسي ابو 10 لتر يصير عندنا في الاساسي ابو 10 لتر 6 لتر ثم يعاد اللي في السطل

ويصب في ابو 3 لتر ويبقى فيه لتر واحد يعاد اللي في ابو 3 لتر مع ال 6 لتر اللي في الاساسي ابو 10 لتر يصير فيه 9

لتر ثم يوخذ من الاساسي ابو 10 لتر ويصب في ابو 7 لتر ويبقى فيه 2 لتر ثم يصب ابو 7 لتر في ابو 3 لتر والباقي 4 لتر

تصب في السطل يصير في السطل 5 لتر وتعاد اللي في ابو 3 لتر في الاساسي ابو 10 لتر اللي فيه من قبل 2 لتر

ويصير فيه 5 لتر.

وصح لساني ولسانك وهي لها اختصار لكن انا ابي اوضح اكثر والله ان لو اني سويت قصيد 50 بيت كان قد خلصتها

لكن الله يسامحك

تقبل خالص ودي وتقديري