الإعلان عن هوية شاعر النص السادس عشر هو الشاعر ........

[align=center]
السلام عليكم ورحمة الله وبركاته


النص السادس عشر في إختبار النجوم كان :

للشاعر بالنداوي : متعب سعيد اليامي



وهذه هي القصيده المشاركه في إختبار النجوم:

[poet font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
فيك يالمعلوق لامن ضقت آغني=كل ماجاني من الايام ضيقه
ياعلي كني من الهاجوس كني=واحدٍ هوجس بعد فرقى شقيقه
انزعج من حالتي واجلس وآوني=ونةٍ من بين لضلاع المويقه
آتذكر مامضى واللي غبني=كثر ماسويت في بعض الخليقه
جادلٍ حبيتها من صغر سني=وهدمت عرش المحبه في دقيقه
اطعنت وطعونها غدر وتجني=وحرمتني من مشاعرها الرقيقه
تعترض في نظرتي واحكي لها اني=شاعرٍ جرح الموادع مايطيقه
من حلاها تفتن الشيخ المسني=ينفتن في حسنها ويجف ريقه
عينها كنها تقول الفن فني=صمتها خدره ونبرتها موسيقه
عشقها مثل الحسايف والتمني=منوة اللي تاه واعرض في طريقه
لد لي ياهيه بدراك وتأني=ياشذى ورد الربيع ويارحيقه
حطني في موق عينك واحتضني=قبل تصبح دمع في عيني واريقه
والله اني فيك ضعت وخاب ضني=بعد ماضيعت حلمٍ كيف افيقه
كيف تبعد وانت فنجالي وبني=بعدك اقرب للخيال امن الحقيقه
رح وسافر والزمن ينبيك عني=لانظرت الناس وعيونك غريقه
رح فمان الله واللي جاك مني=عدها فزعه رقيٍ من رفيقه
[/poet]

وقد لاقت استحسان جميع المتداخلين ..
باسمكم جميعا نقدم خالص التهنئة للشاعر متعب لحصوله على ثقة زملائة في الردود .. متمنين له التوفيق
والزميل متعب سعيد اليامي شاعر متميز وله مشاركات متعدده في وسائل الإعلام والمنتديات ويتميز شعره بأصالة المفرده وجمال الأسلوب وسلاسته..

وتستطيعون الإطلاع على بعض من نصوصه من خلال هذه الروابط:
http://www.alnadawi.com/vb/showthread.php?t=32794

http://www.alnadawi.com/vb/showthread.php?t=28258

http://www.alnadawi.com/vb/showthread.php?t=27646

http://www.alnadawi.com/vb/showthread.php?t=28444

http://www.alnadawi.com/vb/showthread.php?t=25245

http://www.alnadawi.com/vb/showthread.php?t=24900

نشكر للجميع التجاوب والتفاعل الصادق الذي سوف ينصب في صالح خدمة الشعر بإذن الله ...

[/align]

[align=center]الله يعطيك العافيه يابو ثامر
ويستاهل متعب اليامي

الف الف مبروك

وبالمناسبه

اهني الجميع بعيد الفطر المبارك[/align]

لاهنت يابو ثامر




متعب شاعر ولا فيه شك

كفو

عز الله ابو سعيد ماهيب غريبه عليه وقال قصيده تستحق الاحتفاء

يستــــــــــــــــــــاهل اليامي أبيض الوجه


مبروك يامتعب الإحتفاء


الى الأمام


تقبل إحترامي

أختك / كبرياء

كفووووووووووو والله

ويستاهل ابوسعيد ولاهي غريبه عليه التميّز والابدااااااااااااع

واجماعنا على تميزه شهاده يستحقها عن جداره

ابوسعيد كل سنه وانت بخير ودمت متميزاً .

اخوك

فالح بن حثلان

الرياض

والله ونعم بالقصيدة وراعيها

قصيدة جزلة وشعر ينومس راعية لاشك
واليامي كفو

لاهنت يا ابو ثامر

ومن العايدين جميعا

للجميع التحية

يا سلام يا متعب

عزالله ابدعت و جعلك من ذا وزود

ولا هنت يابو ثامر على مجهودك الطيب ويستاهل ابو سعيد الاحتفاء على هذا المستزى المتميز

اخوك

بسم الله الرحمن الرحيم


في البدايه احب ان اشكر كل من علق وتابع بالنقد الهادف والذي لي فيه الاستفاده في المقام الاول .....

شكراً لــــ

الاخ

سعيد الحازبي
حسين الحبابي
سعود الدهيمي
فالح بن راشد ال حثلان
محمد بن صقيران
فيصل العاصمي
والاخت
كبريـــــــــاء

شكراً لكم كما لايفوتني ان اشكر الاستاذ حمد السحيمي
لك فائق تحياتي
وكل عام وانتم بخير

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=350% align=center use=ex length=0 char="" num="0,black" filter=""]
صح الله لسانك وعلا شانك = والله يعزك شرق والا شامي
قصيدك الوافي وكثر الوانك =خلتني افسر جميع احلامي
واتيقن ان الفخر هو عنوانك = يالمنبع اللي بل ريق الضافي
واختامها ياصح والله لسانك = ياعزوتي متعب سعيد اليامي
[/poet]





اعذرني على القصور



والله يزيدنا بامثالك الوافين في القصيد وفي المراجل