00المبـــــدع يعود للنداوي00

اخواني اعضاء منتدي النداوي

ازف اليكم بشرى عودة شاعرنا الرائع (المبدع)

الى منتداه النداوي بعد انقطاع دام لقرابة سنتين لضروفه الخاصه

المبدع من الشعراء المميزين الذين كانت لهم بصمه خاصه فى النداوي

وفى الشبكه العنكبوتيه عامةٍ من خلال منتديات الشعر00

شاعر يملك امكانيات هائله وله جمهوره الذي يترقب قصايده بشغف

مهما تحدثت عن هذا الشاعر لن اوفيه حقه لاان شهادتي به مجروحه فاانا احد جمهور هذا الشاعر


رحبوا معي باالشاعر (المبدع)فهو اسمٍ على مسمى

[c]

الاخ الشاعر الكبير : مقبل النداح

اسعد الله اوقاتك والجميع بكل خير

لاشك ان انضمام ورجعت شاعر كبير مثل الاخ الشاعر : ( المــــــبدع ) يعتبر مكسب لهذا الصرح الشامخ بمؤسسه وبشعراءه ومشرفيه واعضاءه المتميزين الذى يحملون كل معان الشموخ والأخوه والاصاله العربيه الاصيله0

مرحبا واهلا وسهلا بالشاعر : المبدع بينا وابرك الساعات انضمامه لنا وهذا مما يزيدنا شرف0




ولاااهنت يابو نداح علومك طيبه دايم ،،،

[/c]

الاخ مقبل النداح


لاهنت على هذه البشرى ومرحبا بالمبدع المبدع



ولاكن لايبطي علينا اول ماتجيه فرصه يتحفنا بقصايده



لاهنت انت وياه




تحياتي

الاخ الغالي .. مقبل النداح

الله يبقيك ويطول عمرك .. اطراء من شاعر عزيز وغالي وافتخر به طال عمرك .. الله يسلمك

اخوي ثامر بن حمد السحيمي

وجود اسمك يابو حمد اكبر شرف والله ... والله يبقيك يامرحب ولاهنت طال عمرك

اخوي جابر الحنزاب

الله يطول عمرك ويبقيك .. وانا ان شاء الله اني متواصل معكم داائما ويشرفني وجودي بينكم لاهنت طال عمرك

والف شكر للجميع

لحظة وداع الغلا .. في زحمة الصاله .... سلم علّيه .. وقال الله يعدلها

اقفى وفي خاطره هرجن .. ولا قاله .... حتى (فمان الله ) ازرى لايكملها

يشر بيمناه .. مايدري عن الحاله .... اللي غشتني .. وانا ازريت اتحملها

كن الشوى مع ضلوع الصدر ترقاله .... وانا ابلع الريق ناشف .. لجل انزلها

ودموع عيني على الخدين منهاله .... وامشها بالعمامه .. لا يلد الها

اخاف لو شافها.. تّغير احواله .... والوم عيني واقول .. الله يفشلها

مابيه يزعل ولا يطري على باله .... ولا راح اروح دموع العين واهملها

اقفى وانا اسبره واقف واتشفاله .... تنداش الافكار من شين تخللها

واخذت في ماقفي ساعه وانا داله .... عزي لقلبي من همومن يعاملها

من عقب ماراح عني ويش اباحياله .... سود الليالي عسى الله لايجملها

ان جيت ابى النوم والا ابغى اتهياله .... عيني على النوم ماغير اتحايلها

ترسم على شاشه التفكير تمثاله .... وتسهر على صورة الغالي تأملها

لحظه وداع الغلا .. في زحمة الصاله .... انام واصحى من النوم اتخيلها

______________


[poet font="Simplified Arabic,14,black,normal,normal" bkcolor="" bkimage="" border="none,2,gray" type=0 line=350% align=center use=sp char="" num="0,black"]
ليا زل نصف الليل وارتاحوا السمار = ونامت عيون اللي عن الهم مايدري

ونامت عيونه هادي البال والافكار = وغطه لذيذ النوم وارتاح من بدري

انا كل ما طفيت في الغرفه الانوار = تقادح همومي في خيالي وفي فكري

هموم الزمان اللي تواصن على المحتار = تقول انها نار ٍ توقد على صدري

عصاني زماني والتوى وابترم واندار = وانا كل ما حليت عقده .. عقد عشري

تقول اني اسبح في البحر عاكس التيار = تقول اني اجري في البحر والبحر يجري

تلاعب بي الامواج في المركب المنهار = والا قلت هانت قالت المرجله .. بدري

يعيش البنادم بس مايخلف الاقدار = ولو كان صلى وادعى ليلة القدري

ولاتستوي الدنيا لحد والزمن دوار = تشوف الشقى وايامها بالرخى تحري

وانا يعلم الله ماتراخيت بالمشوار = اعاند صروف الوقت بالعزم والصبري

اشوف الليالي مثل نو ٍ كساه غبار = وانا عايش ٍ فيها على اللين والعسري

تعلمت كيف اعيش واصبر على ماصار = والا شفتها ضاقت علي الفجوج .. اسري

اقوله وانا عيني تشوف الكبار صغار = وقلبي على ميلات الايام متضري

ولو مالت الدنيا بي اعيش فاستقرار = لحيث ان لي قلب ٍ على الوقت متجري

وعايشت في دنياي وانا صغير كبار = وتعلمت كيف اعامل الناس من صغري

صدوق ٍ مع الصادق صديق ٍ مع الاخيار = ولا لي علاقه مع هل الكذب والهذري

ولو لحقني كلمه من الكاذب المهذار = فلاهوب ناقصني .. ولازايد ٍ قدري

انا عند ربعي لي هيبه ولي مقدار = ومن لايعرف الصقر يشويه مايدري

وانا لابتي وعيال عمي طوال اشبار = هل الماقف اللي من ذوار الدهر يذري

اجامل وانا ماحب اجامل على الانظار = ولانيب عن رد الخطا بالخطا مزري

والا يالله المعبود .. ياعالم الاسرار = عسى ماجرالي لطرف الناس مايجري

اشوف الزمان الله يعله نوى المحدار = عسى الله يصبرنا على وضعه المزري

رمتنا الليالي رمية ٍ ماوراها خار = عسى الله يحاسبها على فعلها الودري[/poet] [/B][/QUOTE]


____________

سبحان من صور جمالك.. وابدعــك .... في عينك.. الفتنه والاحساس الرقيق

مثل البحر وان جيت اغامر واقطعك .... اقف على الشاطي واحس اني غريق

والله لو تقطع وصاالي .. ما اقطعـك .... روح .. الله انـه لايعـسـر لك طريــق

المشكله ماهيب كيـف ..؟ اقــاطعـك .... وانت الحبيب ..اللي يليـق وما يليـق

المشكله انـك.. تجي واجلس معــك .... وتروح .. مابلـيـت من شفـتـك ريــق

الوقت طــوعني لـك .. ولاطـوعــك .... احسبك محبوبي .. وتحسبني صديــق

بين المحـــاني .. ياحياتي موقعـك .... ( بالله تراني طالبك تجي.... تـويــق)

__________________
قالت : رميتك كيف ؟؟ .. ماعندي سلاح .... قلت : الرموش السود هاذي .. رمتني

قلبي .. دخلتي فيه .. من دون مفتاح .... صحيح نظرة عين ... بس دخلتني

قالت : اشوف ان كان في صدرك جراح .... قلت : دخلت في داخلي واجرحتني

قالت : اعرف الجرح في القلب ذباح .... والا انت عايش .. قلت يوووه ذبحتني

قالت : وراسك فوق الامتان .. ماطاح .... قلت : ايه راسي طايحن فوق متني

ثم ضحكت ضحكه .. لها قلبي ارتاح .... قلت ضحكت يوم افهمت .. ريحتني

قالت: غريب اطوار .. هادي ومزاح .... قلت : ايه دنيا ياوعد .. علمتني

مايخلق ابن ادم على طول سباح .... وانا ... صواديف الزمان اعسرتني

قالت : اجل .. ربان فيها وملاح .... قلت : ايه قبل اقابلك .. ما اتعبتني

كنت اخذ الايام ..مسرى ومسراح .... واليوم عينك ياوعد ... ضيعتني

الليل كله .. ساهره لين الاصباح .... عيني .. ودمعات القهر عذبتني

وانهل دمعي فوق الاوجان .. وانساح .... قلت : اااه .. دمعات العيون فضحتني

قالت : بكيت اجل اخليك .. ترتاح .... وراحت وخلتني .. ولا ودعتني

راحت .. وكن القلب من روحت راح .... حرام حرم ... اني اقول سرقتني


_______________


السلام عليكم


الشاعر المبدع حياك الله مليار ترحيبه وابرك الليالي والساعات مشاهد اللي مثلك وشرواك

وابرك ليلن جمعنا معك وانا متابع لكل بيت كتبته الين ( ازرى لا يكملها )


و ذا الليل اكتمل العيد بحضورك وحياك الله طال عمرك


فمان الله


اخوك سعد الهاجري

يامرحبا ومسهلا بالاخ والشاعر والزميل المبدع







ودي اقول إسمه اللي يشرّف بس والله إني ذالٍّ منه ههههههه








هلابه ومرحبا جانا المطر بجيّته







والشكر موصول لمقبل النداح راعي الاوله








اخوكم000سابك ذهب





تحياتىىىىىىىىىىىىى