رمز لوفا والرياده

لا يرتقي لترثي سلطان المكارم


هي آه خرجت من قلب ملكوم لفقيد غالي


تقبلوها بطهر قلوبكم






[poem=font="Arial,6,#0E0E06,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]



الله يعُوُضَك يا وطن في كحيلان=ويجبر قلوب الكل شعب ٍوقاده

ترثيك جزلات القوافي والأوزان =ونزف القلوب اللي نثرنا مداده

ويرثيك طفلٍ ضمته يدّ سلطان =ضاع الفرح منّه ومعلن حداده

ويرثيك كل الشعب شيبٍ وشبان =وحتى الرضيع اللي بعد في مهاده

ويبكيك صرح الجو وصقور حوران=اللي استقوا من معرفتك القياده

ويبكيك مكسور عويق وفقران=يلطمه حر الجوع ولا براده

في مركزك مُدت يد الجود بإحسان =ضمدت جرحه يوم جرحه وساده

خففت عنه ما تلظّى بحرمان =وكنت الدوا يا سيدي والضماده

ومحميتك من جاير الصيد تنصان =عزيتها لا تعتريها الإباده

كل المداين والشوارع والإسكان =تنوح صمت وماأغتشتها البلاده

حتى الجنوب اللي لبسمتك عنوان =لابس من أطمارالتعاسه سواده

كم ليلة يحيا بروحك وسهران =حتى غديت بوسط صدره قلاده

يبكيك قصر ابها ويبكيك نهران =يوم انت ريف الضيف راع ِالسياده

يا عل قبرك روض روح وريحان=مع النبي والصحب وأهل الشهادة

يالله يا منشي هماليل الأمزان =يللي على الما ثقل عرشه اشاده

تحسن عزا قلب تحَاوِطْه الأحزان =في ركن شامخ للوفا والرياده[/poem]

امين الله يغفر لسلطان الخير
شعر وشعور ونبض المُحِبة لوطنها وولاة امرها
لاعجمتي يا ام صقر

[align=center]الله يغفر له ويسكنه فسيح جناته ...
شاعريه جميلة تحظر في وقتها دائما ..
بيض الله وجهس يام صقر ودمتي ودام هتان ودان شعرك الجميل والمعبر الصادق[/align]

اخي القدير سعيد الاكلبي

شكرا لحضورك وطيب تعقيبك

دمت بالف خير يا قدير

الله يغفر له ويسكنه فسيح جناته أمين
صح لسانش وسلم فكرش
حضور رايع في جميع أغراض الشعر

اخي القدير مهدي بن مسفر الحبابي

اشكرك من الااعماق لحضورك وطيب تعقيبك

ولدعمك السخي لطباعة ديوان المغفور له بإذن الله تعالى

فلا يستغرب الوفا ولا الكرم من اهله وابل من الشكر لسمو شخصك

وفقك الله

الله يعُوُضَـك يـا وطـن فـي كحيـلان
ويجبـر قلـوب الـكـل شـعـب ٍوقــاده

تسلمين ياشواهق نجد وصح الله لسانك ورحم الله اباخالد

صح الله بدنك اخي القدير

الله ر حمه رحمة الابر ار انه سميع مجيب

شواهق نجد ,,,,صح السانك على الاحساس الوطني والشاعريه الفذه

دمتي بخير

الله يغفر له ويسكنه فسيح جناته أمين
صح لسانش

الله يغفر له ويسكنه فسيح جناته أمين يارب العالمين
شاعره وافيه بمعنى الكلمه وتجيد الشعر بجداره
لاهنتي على هالقصيده العملاقه بكل معانيها


تحياتي