Tweet
السلام عليكم ورحمة الله وبركاته
اخواني واخواتي اعضاء وزوار هذا الصرح الشامخ
اضع بين ايديكم هذي الألفيه المتواضعه عل وعسا ان تحوز على الشيء اليسير من اعجابكم
[poem=font="Simplified Arabic,6,#1A00FF,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]
الالف / اببدي باسم من خالق الناس = الخالق المعبود محصي للاجناس
اليا ذكرته ينخزي كل خناس = هوربنا المعبود والي البريه
البا / بسوق القاف واطوعه طوع = من شان لاهذت معانيه مسموع
بسباب غروٍ لاعني بالهوى لوع = من سبته زاورت حوض المنيه
التا / تغير من بقيته وقفا = حلمٍ بدالي بالمشارف وهفا
اصفق على فرقاه كفٍ بكفا = والصبر عقبه ما بقاله بقيه
الثا / ثلاث اسنين ما شفت خلي = الصاحب اللي بالهوى صافي لي
عليه عيني كل ليله تهلي = هل المطر من مزنةٍ عقربيه
الجيم/ جاوبت الصدى بعد ماراح = اللي بقالي منه ذكرى مع اجراح
الناس تحسبني بعد ذاك مرتاح = وانا جروحي وسط جوفي خفيه
الحا / حداني عن هوى البال حادي = البعد واقرابه وهرج الاعادي
من يوم قفوبه وخل البلادي = راحت حياتي عقب فقده شقيه
الخا / خليلي وين ابلقا مثيله = عنق المهاة اللي تقود الجميله
مالي عقب فرقاه حيلٍ وحيله = الله يرجع ما مضا اليوم ليه
الد / دواي من الثمان المراهيف = لا حاسدٍ شايف ولا صاحبٍ شيف
ساعة زمن لو كلفتني تكاليف = ارتاح فيها والليالي مديه
الذ / ذبحني لارحم حي جده = وحسن كثير الوجد بيح بسده
دايم ودمعه سايلٍ فوق خده = ما غير امر البيت صبح وعشيه
الر / رهنت الروح لجله رهينه = كله لجل عنقه وخده وعينه
ما شفت انا والله بشكله وزينه = في وسط عيني مالقينا حليه
الز/ زرعت الود والورد والكاد = يوم الليالي بيننا افراح واعياد
لا عاد يوم مفارق الترف لا عاد = قفا ولا خلا من الصبر شيه
السين / سل الحال ماحدٍ درابي = اللي زها جسمه جديد الثيابي
ابو جديلٍ مثل ريش الغرابي = من فوق ردفه طيتن فوق طيه
الشين / شمس الحب من راح غابت = والروح من فرقاه بالشوق ذابت
والنفس من دنيا المحبين تابت = مالي بغيره لو يجي لي هديه
الصاد / صبري لا زهمته تلاشا = من واهجٍ مثل البحر يوم جاشا
ماهو بضعف بموقفي لا وحاشا = مير الضروف اقسا عليه وعليّه
الضا / ضميت ولا ارتويته محبه = الا الأماني والمقادير سبه
غصنٍ يصافقه الهوى في مهبه = كنه بحامي الشمس لو هو بفيه
الطا / طلبت الله علام ماكان = الواحد المعبود هو عالي الشان
الزود من مدات جوده والاحسان = طوق النجاه عن الشقا والاذيه
الظا / ظلمني ظالمي وافتديته = لو يطلب الروح العزيزه عطيته
والله ليبطي غاليٍ ما نسيته = لو ان جرحي كبر هضبة طميه
العين / عديت الطويله من اجله = والروح من كثر التفاكير وجله
صحيح تمضي ايام الافراح عجله = ولاني بأنا اول من يفارق خويه
الغين / غرتنا الاماني وغريت = واقفت تسابق للهبايب وانا اقفيت
وانكفت من عقب المغازي ورديت = لا كاسبٍ هذي ولا جات ذيه
الفا / فطمت النفس عن حب غيره = وانا مصيري ما يوافق مصيره
لكنها كتبت وفالامر خيره = امرٍ مقدر ويش انا في يديه
القاف / قل للي يبي الربح قله = لايتبع الا واحدٍ مخلص له
طرد المقفي فوق همه مذله = ان جيت له محروم وان رحت كيه
الكاف / كلن له طموحٍ ورغبه = واللي رغبته صار بالوقت حربه
يالله تفرج كل همٍ وكربه = ياوالي القدره عليك الشكيه
اللام / لمت الوقت والوقت غدار = من يوم قفا وابتعد ظبي الاقفار
واللي بقا منه معي اليوم تذكار = طعنة قفا من رمش عينٍ جريه
الميم / مدري وين يرميبي الفال = يالله تبدل حالي اليوم في حال
صبرت في رجواه والصبر بي طال = وين الصبر وين العزوم القويه
النون / نامت عين من كان سالي = اللي من الهوجاس والهم خالي
وانا عيوني ساهره عزتالي = بين الفراق وجرت السامريه
الها / هواي اقفا وانا معه قفيت = ايامنا ما جت على ما تمنيت
ياليتني قبل المفارق ترويت = يوم الليالي بيننا بالسويه
الواو / وين ادله واسلي ضميري = صبري نفد والدمع محرق نظيري
واللي ابيه اليوم من حظ غيري = ويني ووينك ياالحياة الهنيه
اليا / ياليت اللي مضالي يعودي = قدام لا بيح بكل السدودي
اللي بها يفرح عدو وحسودي = اهل القفا واهل العلوم الرديه
تمت حروف الابجدي في عددها = احصيتها من هيض فكرٍ رصدها
تعبير عن جور الليالي ونكدها = نورٍ تلالا بليلةٍ خرمسيه
وختامها لعل تلقا صداها = يطرب لها الفاهم ليا من قراها
يا خذ حسانيه ويدمح خطاها = رجلٍ يميز بين هذي وذيه
اسمحوا لي على الاطاله
وسلامتكم[/poem]
اخواني واخواتي اعضاء وزوار هذا الصرح الشامخ
اضع بين ايديكم هذي الألفيه المتواضعه عل وعسا ان تحوز على الشيء اليسير من اعجابكم
[poem=font="Simplified Arabic,6,#1A00FF,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]
الالف / اببدي باسم من خالق الناس = الخالق المعبود محصي للاجناس
اليا ذكرته ينخزي كل خناس = هوربنا المعبود والي البريه
البا / بسوق القاف واطوعه طوع = من شان لاهذت معانيه مسموع
بسباب غروٍ لاعني بالهوى لوع = من سبته زاورت حوض المنيه
التا / تغير من بقيته وقفا = حلمٍ بدالي بالمشارف وهفا
اصفق على فرقاه كفٍ بكفا = والصبر عقبه ما بقاله بقيه
الثا / ثلاث اسنين ما شفت خلي = الصاحب اللي بالهوى صافي لي
عليه عيني كل ليله تهلي = هل المطر من مزنةٍ عقربيه
الجيم/ جاوبت الصدى بعد ماراح = اللي بقالي منه ذكرى مع اجراح
الناس تحسبني بعد ذاك مرتاح = وانا جروحي وسط جوفي خفيه
الحا / حداني عن هوى البال حادي = البعد واقرابه وهرج الاعادي
من يوم قفوبه وخل البلادي = راحت حياتي عقب فقده شقيه
الخا / خليلي وين ابلقا مثيله = عنق المهاة اللي تقود الجميله
مالي عقب فرقاه حيلٍ وحيله = الله يرجع ما مضا اليوم ليه
الد / دواي من الثمان المراهيف = لا حاسدٍ شايف ولا صاحبٍ شيف
ساعة زمن لو كلفتني تكاليف = ارتاح فيها والليالي مديه
الذ / ذبحني لارحم حي جده = وحسن كثير الوجد بيح بسده
دايم ودمعه سايلٍ فوق خده = ما غير امر البيت صبح وعشيه
الر / رهنت الروح لجله رهينه = كله لجل عنقه وخده وعينه
ما شفت انا والله بشكله وزينه = في وسط عيني مالقينا حليه
الز/ زرعت الود والورد والكاد = يوم الليالي بيننا افراح واعياد
لا عاد يوم مفارق الترف لا عاد = قفا ولا خلا من الصبر شيه
السين / سل الحال ماحدٍ درابي = اللي زها جسمه جديد الثيابي
ابو جديلٍ مثل ريش الغرابي = من فوق ردفه طيتن فوق طيه
الشين / شمس الحب من راح غابت = والروح من فرقاه بالشوق ذابت
والنفس من دنيا المحبين تابت = مالي بغيره لو يجي لي هديه
الصاد / صبري لا زهمته تلاشا = من واهجٍ مثل البحر يوم جاشا
ماهو بضعف بموقفي لا وحاشا = مير الضروف اقسا عليه وعليّه
الضا / ضميت ولا ارتويته محبه = الا الأماني والمقادير سبه
غصنٍ يصافقه الهوى في مهبه = كنه بحامي الشمس لو هو بفيه
الطا / طلبت الله علام ماكان = الواحد المعبود هو عالي الشان
الزود من مدات جوده والاحسان = طوق النجاه عن الشقا والاذيه
الظا / ظلمني ظالمي وافتديته = لو يطلب الروح العزيزه عطيته
والله ليبطي غاليٍ ما نسيته = لو ان جرحي كبر هضبة طميه
العين / عديت الطويله من اجله = والروح من كثر التفاكير وجله
صحيح تمضي ايام الافراح عجله = ولاني بأنا اول من يفارق خويه
الغين / غرتنا الاماني وغريت = واقفت تسابق للهبايب وانا اقفيت
وانكفت من عقب المغازي ورديت = لا كاسبٍ هذي ولا جات ذيه
الفا / فطمت النفس عن حب غيره = وانا مصيري ما يوافق مصيره
لكنها كتبت وفالامر خيره = امرٍ مقدر ويش انا في يديه
القاف / قل للي يبي الربح قله = لايتبع الا واحدٍ مخلص له
طرد المقفي فوق همه مذله = ان جيت له محروم وان رحت كيه
الكاف / كلن له طموحٍ ورغبه = واللي رغبته صار بالوقت حربه
يالله تفرج كل همٍ وكربه = ياوالي القدره عليك الشكيه
اللام / لمت الوقت والوقت غدار = من يوم قفا وابتعد ظبي الاقفار
واللي بقا منه معي اليوم تذكار = طعنة قفا من رمش عينٍ جريه
الميم / مدري وين يرميبي الفال = يالله تبدل حالي اليوم في حال
صبرت في رجواه والصبر بي طال = وين الصبر وين العزوم القويه
النون / نامت عين من كان سالي = اللي من الهوجاس والهم خالي
وانا عيوني ساهره عزتالي = بين الفراق وجرت السامريه
الها / هواي اقفا وانا معه قفيت = ايامنا ما جت على ما تمنيت
ياليتني قبل المفارق ترويت = يوم الليالي بيننا بالسويه
الواو / وين ادله واسلي ضميري = صبري نفد والدمع محرق نظيري
واللي ابيه اليوم من حظ غيري = ويني ووينك ياالحياة الهنيه
اليا / ياليت اللي مضالي يعودي = قدام لا بيح بكل السدودي
اللي بها يفرح عدو وحسودي = اهل القفا واهل العلوم الرديه
تمت حروف الابجدي في عددها = احصيتها من هيض فكرٍ رصدها
تعبير عن جور الليالي ونكدها = نورٍ تلالا بليلةٍ خرمسيه
وختامها لعل تلقا صداها = يطرب لها الفاهم ليا من قراها
يا خذ حسانيه ويدمح خطاها = رجلٍ يميز بين هذي وذيه
اسمحوا لي على الاطاله
وسلامتكم[/poem]
[/align]
تعليق